ಸುಮಲತಾ ಅವರ ಪ್ರಕಾರ ನಾವ್ಯಾವ ಶಾಸಕರೂ ಕ್ಷೇತ್ರದಲ್ಲಿ ಇಲ್ಲ. ನಾವು ನಿಸ್ಪ್ರಯೋಜಕರು, ಕ್ಷೇತ್ರ ಯಾವ ಅನುದಾನವನ್ನೂ ತಂದಿಲ್ಲ, ಬಹಳ ಸಂತೋಷ. ಈ ಕುರಿತು ಇನ್ನೊಂದು ವರ್ಷದ ಬಳಿಕ ಜನರೇ ತೀರ್ಪು ಕೊಡ್ತಾರೆ ಎಂದ ಸುರೇಶ್ ಗೌಡ, ಸಂಸದರು ನಮಗೇ ಸಿಗ್ತಿಲ್ಲ, ಅವರು ಜನಸಾಮಾನ್ಯರಿಗೆ ಹೇಗೆ ಸಿಗ್ತಾರೆ? ಅವರು ಅವರ ಅಧಿಕಾರ ವ್ಯಾಪ್ತಿ ಅರ್ಥ ಮಾಡ್ಕೊಂಡ್ರೆ ಬಹಳ ಒಳ್ಳೆಯದು. ಇಲ್ಲದಿದ್ದರೆ ಗೊಂದಲಕ್ಕೆ ಕಾರಣವಾಗುತ್ತೆ. ನಾವು ಒಬ್ಬ ಹೆಣ್ಣು ಮಗಳು, ಸೋದರಿ ಅಂತ ಸುಮ್ಮನಿದ್ದೇವೆ. ಇವರ ವಿರುದ್ಧ ನಾವು ಅಸೆಂಬ್ಲಿಯಲ್ಲಿ ಧ್ವನಿ ಎತ್ತ ಬಹುದು. ಬೇರೆಲ್ಲ ಎಂಪಿ ಹೇಗಿದ್ದಾರೆ? ಇವರು ಈ ರೀತಿ ಮಾಡ್ತಾರೆ ಅಂತ. ಅದರ ಅವಶ್ಯಕತೆ ನಮಗೆ ಇಲ್ಲ. ನಾವು ಏನು ಮಾತನಾಡಿದ್ರು, ನಮ್ಮದೇ ತಪ್ಪು ಅಂತ ಬಂಡವಾಳ ಮಾಡ್ಕೊಳ್ತಾರೆ. ನಮ್ಮ ಬಗ್ಗೆ ಕ್ಷೇತ್ರದ ಜನರೇ ತೀರ್ಪು ಕೊಡ್ತಾರೆ ಎಂದರು.
