ಚನ್ನಪಟ್ಟಣದ ಮೋಳೆದೊಡ್ಡಿ ಗ್ರಾಮದ ಮೌನ ಅಲಿಯಾಸ್ ಮನು ತೃತೀಯ ಲಿಂಗಿಯಾಗಿದ್ದು, ಕಳೆದ 8 ವರ್ಷಗಳಿಂದ ಮಂಡ್ಯದಲ್ಲಿ ವಾಸವಾಗಿದ್ದು, ಆನಂದ್ ಜತೆ ನಿಕಟ ಸಂಪರ್ಕದಲ್ಲಿದ್ದಳು. ಇತ್ತೀಚೆಗೆ ಮಂಡ್ಯ ತೊರೆದಿದ್ದ ಮೌನ ಕುಟುಂಬದ ಜತೆ ಲಾಳಘಟ್ಟ ಗ್ರಾಮದ ಬಾಡಿಗೆ ಮನೆಯಲ್ಲಿ ವಾಸವಿದ್ದಳು. ಈ ಮಧ್ಯೆ ಆನಂದ್ ಸ್ನೇಹಿತ ರಾಘವೇಂದ್ರ ಜತೆ ಈಕೆಯ ಮನೆಗೆ ಬಂದು ಈ ಮೊದಲಿನಂತೆಯೇ ತನ್ನ ಜತೆ ಇರುವಂತೆ ಪೀಡಿಸುತ್ತಿದ್ದ. ಭಾನುವಾರ ರಾತ್ರಿಯೂ ಲಾಳಘಟ್ಟಕ್ಕೆ ಬಂದು ಗುರು ಜತೆ ಗಲಾಟೆ ನಡೆಸಿದ್ದ. ಸೋಮವಾರ ಮತ್ತೆ ಬಂದು ಪೀಡಿಸಲು ಆರಂಭಿಸಿದಾಗ ಕೋಪಗೊಂಡ ಗುರು ಕುಡುಗೋಲಿನಿಂದ ಇಬ್ಬರ ಮೇಲೆ ಹಲ್ಲೆ ನಡೆಸಿದ್ದಾನೆ. ಆನಂದ್ ಸ್ಥಳದಲ್ಲೇ ಮೃತಪಟ್ಟರೆ, ಗಾಯಗೊಂಡಿರುವ ರಾಘವೇಂದ್ರನನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ.
