ರಂಗನಾಥನ ಆಲಯದಲ್ಲಿ ವಿವಿಧ ದೇವರುಗಳ ಸಮೂಹವೇ ನೆಲೆ ನಿಂತಿದೆ. ಈ ದೇವಗಣವೆಲ್ಲ ರಂಗನಾಥನ ಸುತ್ತಲೂ ಕಾವಲಿಗೆ ನಿಂತಂತಿದೆ. ಸಾಲಿಗ್ರಾಮ, ಮಾಂಡವ್ಯ ಮಹರ್ಷಿ, ರಂಗನಾಥನ ಬಲಭಾಗ ಶ್ರೀ ವಿಶ್ವಕ್ಸೇನ, ದ್ವಾರಪಾಲಕರಾದ ಜಯ ವಿಜಯರು, ಗರ್ಭಗುಡಿಯಿಂದ ಹೊರ ಬಂದರೆ ಪ್ರಾಕಾರದಲ್ಲಿ ಗಣಪತಿ, ಗರುಡ, ಸೀತಾಲಕ್ಷ್ಮೀ, ಎಂಟ ಆಳ್ವಾರರು, ದೇಶಿಕರು, ರಾಮಾನುಜಾಚಾರ್ಯರು, ಶ್ರೀರಾಮ, ಗೋವಿಂದರಾಜಸ್ವಾಮಿ, ಕಾಳಿಂಗಮರ್ದನ, ಬೆಳೆಯೋ ರಂಗ, ಸರೋಜಲಕದೇವಿ ಅಮ್ಮನವರು, ಅನ್ನಪೂರ್ಣೇಶ್ವರಿ, ಆಂಜನೇಯ, ಸುದರ್ಶನ ದೇವರುಗಳ ದರ್ಶನವಾಗುತ್ತದೆ. ಈ ದೇವರುಗಳ ಸಮೂಹ ದರ್ಶನ ಪಡೆಯುತ್ತಾ ರಂಗನಾಥ ಸ್ವಾಮಿಯ ಕೃಪೆಗೆ ಪಾತ್ರರಾಗಲು ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಆಗಮಿಸಲಿದ್ದಾರೆ.
