ಕಾಲಿಗೆ ಫೈರಿಂಗ್ ಸ್ಯಾಂಪಲ್ಸ್ ಅಷ್ಟೆ, ಬಾಲ ಬಿಚ್ಚಿದರೆ... ಹುಷಾರ್​! ಶಿವಮೊಗ್ಗದಲ್ಲಿ ಗುಡುಗಿದ ಈಶ್ವರಪ್ಪ

ಶಿವಮೊಗ್ಗ: ಕೆಲ ಮುಸ್ಲಿಂ ಗೂಂಡಾಗಳು ಫ್ಲೆಕ್ಸ್​ ವಿಚಾರ ಮುಂದಿಟ್ಟುಕೊಂಡು ಬಾಲ ಬಿಚ್ಚಲು ನೋಡುತ್ತಿದ್ದಾರೆ. ಬಾಲ ಬಿಚ್ಚಿದವನ (ಚಾಕು ಇರಿದವನ) ಕಾಲಿಗೆ ಫೈರಿಂಗ್​ ಮಾಡಲಾಗಿದೆ. ಇದು ಕೇವಲ ಸ್ಯಾಂಪಲ್ಸ್​ ಅಷ್ಟೆ. ಈಗಲೂ ಎಚ್ಚೆತ್ತುಕೊಳ್ಳದಿದ್ದರೆ ಮುಂದೇನು ಮಾಡಬೇಕು ಎಂಬುದು ನಮಗೆ ಚೆನ್ನಾಗಿ ಗೊತ್ತಿದೆ ಎಂದು ಶಾಸಕ ಕೆ.ಎಸ್​. ಈಶ್ವರಪ್ಪ ಗುಡುಗಿದ್ದಾರೆ.

ಬುಧವಾರ ಮೆಗ್ಗಾನ್​ ಆಸ್ಪತ್ರೆಗೆ ಭೇಟಿ ನೀಡಿ ಗಾಯಾಳು ಪ್ರೇಮ್​ಸಿಂಗ್​ ಆರೋಗ್ಯ ವಿಚಾರಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಈಶ್ವರಪ್ಪ, ಚಾಕು ಇರಿದ ಆರೋಪಿ ಕಾಲಿಗೆ ಗುಂಡು ಹಾಕಿ ಒಳಗೆ ಕೂರಿಸಲಾಗಿದೆ. ಇದು ಮುಸ್ಲಿಂ ಗೂಂಡಾಗಳಿಗೆ ಎಚ್ಚರಿಕೆಯ ಕರೆಗಂಟೆ. ಇನ್ಮುಂದೆಯೂ ವರ್ತನೆ ಬದಲಾಗದಿದ್ದರೆ ಆರೋಪಿಗಳ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳುವ ಬಗ್ಗೆ ಸರ್ಕಾರ ಗಂಭೀರವಾಗಿ ಪರಿಗಣಿಸಲಿದೆ ಎಂದು ಎಚ್ಚರಿಕೆ ನೀಡಿದರು.

ಚಾಕು ಇರಿತಕ್ಕೆ ಒಳಗಾದ ಪ್ರೇಮ್​ಸಿಂಗ್​ ಆರೋಗ್ಯ ಸ್ಥಿರವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದ್ದು, ತೀವ್ರ ನಿಗಾ ಘಟಕದಲ್ಲಿ ಇರಿಸಲಾಗಿದೆ. ಗಾಯಾಳು ಮತ್ತು ಅವರ ಸಂಬಂಧಿಕರಿಗೆ ನಿಮ್ಮೊಂದಿಗೆ ನಾವಿದ್ದೇವೆಂದು ಧೈರ್ಯ ತುಂಬಿದ್ದೇವೆ ಎಂದು ಈಶ್ವರಪ್ಪ ತಿಳಿಸಿದರು.

ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ.ಎಲ್.ಸಂತೋಷ್, ಸಂಸದ ಬಿ.ವೈ.ರಾಘವೇಂದ್ರ, ಮೇಯರ್ ಸುನೀತಾ ಅಣ್ಣಪ್ಪ, ಜಿಲ್ಲಾಧ್ಯಕ್ಷ ಟಿ.ಡಿ.ಮೇಘರಾಜ್ ಮತ್ತಿತರರಿದ್ದರು.

https://www.vijayavani.net/a-psi-job-engineering-toffer-young-man-thief-case/

https://www.vijayavani.net/a-bjp-national-parliamentary-council-bs-yeddyurappas-name-is-in-the-top-5th-position-of-this-committee/

https://www.vijayavani.net/a-mla-bk-sangamesh-about-bhadravthi-sunil-case-uproar/