ಒಕ್ಕಲಿಗರ ಸಂಘದಲ್ಲಿ ಫ್ಯಾನ್​ ಕದ್ದು ಮಾರಾಟಕ್ಕೆ ಯತ್ನ? ಠಾಣೆಗೆ ದೂರು ಹೋಗುತ್ತಿದ್ದಂತೆ ಹೈಡ್ರಾಮ

ಕುಣಿಗಲ್​: ತಾಲೂಕು ಒಕ್ಕಲಿಗ ಸಂಘದಲ್ಲಿ ಫ್ಯಾನ್​ ಕದ್ದು ಸಂಘದ ಕಾರ್ಯದರ್ಶಿ ಮಾರಾಟ ಮಾಡಲು ಯತ್ನಿಸಿದ್ದಾರೆ ಎಂದು ಆರೋಪಿಸಿ ಸಂಘದ ಸದಸ್ಯರು ಮಂಗಳವಾರ ಪಟ್ಟಣ ಠಾಣೆಗೆ ದೂರು ನೀಡಿದ್ದಾರೆ.

ಕುಣಿಗಲ್​ ಕಚೇರಿಯಲ್ಲಿನ ಸುಮಾರು 10 ಸಾವಿರ ರೂಪಾಯಿ ಬೆಲೆ ಬಾಳುವ ಫ್ಯಾನ್​ ಅನ್ನು ಸಂಘದ ಕಾರ್ಯದರ್ಶಿ ಬಿ.ಎಂ.ಹುಚ್ಚೇಗೌಡ ವಾಚ್​ಮ್ಯಾನ್​ ಮೂಲಕ ಪಟ್ಟಣದ ಬಿ.ಎಂ. ರಸ್ತೆಯಲ್ಲಿ ಇರುವ ಬಸವೇಶ್ವರ ಎಲೆಕ್ಟ್ರಿಕಲ್ಸ್​ ಅಂಗಡಿಗೆ ಐದು ಸಾವಿರ ರೂಪಾಯಿಗೆ ಮಾರಾಟ ಮಾಡಿದ್ದಾರೆ ಎಂದು ಆರೋಪಿಸಿ ಸಂಘದ ಸದಸ್ಯರಾದ ಬೊಮ್ಮಡಿಗೆರೆ ಬಿ.ಜಿ.ಶ್ರೀನಿವಾಸ್​ ಹಾಗೂ ಎ.ಆರ್​.ರಾಮಚಂದ್ರು ಠಾಣೆಗೆ ದೂರು ನೀಡಿದ್ದಾರೆ.

ಇನ್ನೊಂದೆಡೆ ದೂರು ನೀಡಿರುವ ವಿಷಯ ತಿಳಿಯುತ್ತಿದಂತೆ ಫ್ಯಾನ್​ ಅನ್ನು ಸಂಘಕ್ಕೆ ಹಿಂದಿರುಗಿಸುವ ಪ್ರಯತ್ನ ಮಾಡಲಾಗಿದೆ. ಕಾಲೇಜು ಕಡೆಯ ಬಾಗಿಲು ತೆರೆದು ವಾಚ್​ಮನ್​ ಶ್ಯಾಮ್​ ಅವರನ್ನು ಅಲ್ಲಿಗೆ ಬರುವಂತೆ ಕರೆದ ವಿಚಾರ ತಿಳಿದು, ನಾವು ಗೇಟ್​ ಬಳಿ ಪ್ರವೇಶಿಸಿ ವಾಚ್​ಮನ್​ ವಿಚಾರಿಸಿದಾಗ, ಸಂಘದ ಅಧ್ಯಕ್ಷ ರಾಜಣ್ಣ ಅಲಿಯಾಸ್​ ನಂಜುಡಯ್ಯ ಫ್ಯಾನ್​ ಬಗ್ಗೆ ಏನು ಗೊತ್ತಿಲ್ಲ ಎಂದು ಹೇಳುವಂತೆ ಹೇಳಿಕೊಟ್ಟಿರುವುದಾಗಿ ವಾಚ್​ಮನ್​ ಬಾಯ್ಬಿಟ್ಟಿದ್ದಾನೆ.

ಫ್ಯಾನ್​ ಅನ್ನು ಆರು ತಿಂಗಳ ಹಿಂದೆಯೇ ಖರೀದಿ ಮಾಡಿದ್ದು, ಅದನ್ನು ಕಡಿಮೆ ಬೆಲೆಗೆ ಸಂಘದ ಕಾರ್ಯದರ್ಶಿ ಬಿ.ಎಂ.ಹುಚ್ಚೇಗೌಡ ಅಂಗಡಿಗೆ ಮಾರಿದ್ದು, ವಿಷಯ ಸಂಘದ ಸದಸ್ಯರಿಗೂ ಗೊತ್ತಾದ ಮೇಲೆ ಮಾರಿದ ಫ್ಯಾನ್​ ಸಂಘಕ್ಕೆ ತಂದಿಟ್ಟಿದ್ದಾರೆ.

ಸಂಘದಲ್ಲಿನ ಫ್ಯಾನ್​ ಕಳವು ಮಾಡಿ ಮಾರಾಟ ಮಾಡಲು ಯತ್ನಿಸಿರುವುದಿಲ್ಲ, ಎರಡು ವರ್ಷಗಳ ಹಿಂದೆ ಸಂಘದ ಹೆಸರಿನಲ್ಲಿ ಫ್ಯಾನ್​ ಖರೀದಿಸಲಾಗಿತ್ತು, ಆ ಫ್ಯಾನ್​ ಬಳಕೆ ಮಾಡಲಾಗುತ್ತಿರಲಿಲ್ಲ. ಹಾಗಾಗಿ ಖರೀದಿಸಿರುವ ಅಂಗಡಿಗೆ ಫ್ಯಾನ್​ ವಾಪಸ್​ ಕಳಿಸಿ ಅದರಿಂದ ಬರುವ ಹಣವನ್ನು ಸಂಘದ ಖಾತೆಗೆ ಜಮಾ ಮಾಡುವ ಉದ್ದೇಶದಿಂದ ಫ್ಯಾನ್​ ಕಳಿಸಲಾಗಿತ್ತು, ಇದರಲ್ಲಿ ಯಾವುದೇ ಅವ್ಯವಹಾರ ನಡೆದಿಲ್ಲ.

|ಬಿ.ಎಂ.ಹುಚ್ಚೇಗೌಡ ಕುಣಿಗಲ್​ ತಾಲೂಕು ಒಕ್ಕಲಿಗರ ಸಂಘದ ಕಾರ್ಯದರ್ಶಿ

https://www.vijayavani.net/a-byatarayanapura-police-station-si-harish/

https://www.vijayavani.net/a-yelahanka-newtown-police-psi-shrishaila/