ಕಾಂತಾರ, ರಾಮಲಲ್ಲಾ, ಅಯ್ಯಪ್ಪ, ಇಡುಗುಂಜಿ, ರಾಜಸ್ಥಾನ ದುಗ್ರೀ, ದರ್ಬಾರ್, ಸ್ಟಾಪ್ ರೇಪ್, ಪರಶುರಾಮ, ಸ್ಕೂಲ್ ಮಾಸ್ಟರ್, ಸಿದ್ದಿವಿನಾಯಕ, ಸೌತಡ್ಕ, ಮಾಗಡಿ ಚೌತಿ, ನವಿಲು ಗಣಪತಿ, ಬಾಂಬೆ ಗಣಪತಿ, ಸುಬ್ರಹ್ಮಣ್ಯ, ಅಭಿಷೇಕ ಗಣಪತಿ ಸೇರಿ ಹಲವು ರೂಪದಲ್ಲಿ ಗಣಪತಿ ಮೂರ್ತಿಗಳನ್ನು ಮಲ್ಲಣ್ಣರ ಮಗ ಎಂ. ಗಣೇಶ್, ರೇಖಾ, ನಂಜುಂಡಸ್ವಾಮಿ, ಗಿರೀಶ್, ಮತ್ತು ಹೇಮಂತ್ ಕುಮಾರು, ತೇಜ ಸೋದರರು ತಯಾರಿಸಿದ್ದಾರೆ. ಹಲವು ಗಣಪಗಳು ಗ್ರಾಹಕರ ಅಭಿರುಚಿಗೆ ತಕ್ಕಂತೆ ತಯಾರಾಗಿ ನಿಂತಿವೆ.ಈ ಬಾರಿ ಕಾಂತಾರ ಚಿತ್ರಕ್ಕೆ ರಾಷ್ಟ್ರೀಯ ಪ್ರಶಸ್ತಿ ಲಭಿಸಿದಕ್ಕೆ ಕಾಂತಾರ ಗಣಪತಿ, ದೇಶದಲ್ಲಿ ಮಹಿಳೆಗೆ ರಕ್ಷಣೆ ನೀಡುವ ರೀತಿಯ ಮಾದರಿಯಲ್ಲಿ ಸ್ಟಾಪ್ ರೇಪ್ ಗಣಪತಿ ಎಲ್ಲರ ಆಕರ್ಷಣೆಯಾಗಿದ್ದು, ಈ ಗಣಪನನ್ನು ನೋಡಲು ಸಾಕಷ್ಟು ಮಂದಿ ಮುಗಿಬೀಳುತ್ತಿರುವುದರಿಂದ ಗಣಪತಿ ತಯಾರಿಸಲು ಕಷ್ಟವಾಗುತ್ತಿದೆ ಎಂಬುದು ಕಲಾವಿದರ ಮಾತಾಗಿದೆ.
