ಬಳ್ಳಾರಿಯಲ್ಲಿ 24 ಲಾಡ್ಜ್ ಮಾಲೀಕರ ವಿರುದ್ಧ ಎಫ್​ಐಆರ್: ಹೊರ ರಾಜ್ಯದಿಂದ ಬಂದ ವಿದ್ಯಾರ್ಥಿಗಳಿಗೆ ರೂಂ ಕೊಟ್ಟು ಎಡವಟ್ಟು

ಬಳ್ಳಾರಿ: ಹೊರರಾಜ್ಯಗಳಿಂದ ಬಳ್ಳಾರಿಗೆ ಬಂದ ವಿದ್ಯಾರ್ಥಿಗಳಿಗೆ ಉಳಿದುಕೊಳ್ಳಲು ರೂಂ ಕೊಟ್ಟ ಹಿನ್ನೆಲೆ ಒಟ್ಟು 24 ಲಾಡ್ಜ್ ಮಾಲೀಕರ ವಿರುದ್ಧ ತಹಸೀಲ್ದಾರ್ ದೂರು ದಾಖಲಿಸಿದ್ದಾರೆ.

ಹೊರರಾಜ್ಯದ 400ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ನರ್ಸಿಂಗ್ ಪರೀಕ್ಷೆ ಬರೆಯಲು ಬಳ್ಳಾರಿಗೆ ಬಂದಿದ್ದರು. ಅವರೆಲ್ಲರೂ ಬಳ್ಳಾರಿಯ ವಿವಿಧ ಲಾಡ್ಜ್​ಗಳಲ್ಲಿ ರೂಂ ಪಡೆದು ಉಳಿದುಕೊಂಡಿದ್ದರು. ಕರೊನಾ ನೆಗೆಟಿವ್​ ವರದಿ ಇಲ್ಲದಿದ್ದರೂ ರೂಂ ಕೊಡಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.

ಅಷ್ಟೇ ಅಲ್ಲ, 68 ವಿದ್ಯಾರ್ಥಿಗಳಿಗೆ ಕೋವಿಡ್ ಸೋಂಕು ಇರುವುದು ದೃಢಪಟ್ಟಿದೆ. ಹೊರ ರಾಜ್ಯದವರನ್ನು‌ ನಿಷೇಧಿಸುವ ಜತೆಗೆ ಬಳ್ಳಾರಿಗೆ ಬಂದವರ ಬಗ್ಗೆ ಮಾಹಿತಿ ಕೊಡಬೇಕೆಂದು ‌ನಿಯಮವಿದೆ. ಈ ನಿಯಮ ಪಾಲಿಸದೆ ಉಲ್ಲಂಘಿಸಿದ ಹಿನ್ನೆಲೆ ಗಾಂಧಿನಗರ, ಬ್ರೂಸ್ ಪೇಟೆ, ಬಳ್ಳಾರಿ ರೂರಲ್ ಹಾಗೂ ಕೌಲ್ ಬಜಾರ್ ಠಾಣೆಗಳಲ್ಲಿ 24 ಲಾಡ್ಜ್​ಗಳ ವಿರುದ್ಧ ತಹಸೀಲ್ದಾರ್ ರೆಹಮಾನ್ ಪಾಷಾ ಅವರು ಎಫ್​ಐಆರ್​ ದಾಖಲಿಸಿದ್ದಾರೆ.

https://www.vijayavani.net/a-teacher-complains-against-home-owner/

https://www.vijayavani.net/a-samnvi-mother-amrutha-naydu-post/

https://www.vijayavani.net/a-mandya-nagamangala-husband-son-death-note-wife-lic-agent/