ಬೆಂಗಳೂರು: ಜ.13ರಂದು ಸಂಭಿಸಿದ ಭೀಕರ ರಸ್ತೆ ಅಪಘಾತದಲ್ಲಿ 'ನನ್ನಮ್ಮ ಸೂಪರ್ ಸ್ಟಾರ್’ ರಿಯಾಲಿಟಿ ಶೋ ಖ್ಯಾತಿಯ 6 ವರ್ಷದ ಬಾಲಕಿ ಸಮನ್ವಿ ಮೃತಪಟ್ಟ ಕಹಿ ಘಟನೆ ಇನ್ನೂ ಹಸಿಯಾಗೆ ಇದೆ. ಮುದ್ದು ಕಂದನ ಸಾವಿನ ಸುದ್ದಿ, ಸಮನ್ವಿ ತಾಯಿ, ಖ್ಯಾತ ನಿರೂಪಕಿ ಅಮೃತಾ ನಾಯ್ಡು ಅವರ ಕರುಣಾಜಕನ ಕಥೆ ಕೇಳಿ ಲಕ್ಷಾಂತರ ಜನ ಕಣ್ಣೀರಿಟ್ಟಿದ್ದಾರೆ. ಈಗಲೂ ಸಮನ್ವಿ ನೆನಪಾದರೆ ಜನ ಭಾವುಕರಾಗ್ತಾರೆ. ಮಗಳನ್ನು ಕಳೆದುಕೊಂಡ ನೋವಿನಲ್ಲೇ ಅಮೃತಾ. 'ನಾನು 4 ತಿಂಗಳ ಗರ್ಭಿಣಿ... ಪ್ಲೀಸ್ ನೀವೆಲ್ಲ ನನಗೊಂದು ಸಹಾಯ ಮಾಡಿ...' ಎಂದು ಜನರಿಗೆ ಮನವಿ ಮಾಡುತ್ತಾ ವಾಟ್ಸ್ಆ್ಯಪ್ ಸ್ಟೇಟಸ್ನಲ್ಲಿ ಹಾಕಿಕೊಂಡ ಬರಹ ಓದುತ್ತಿದ್ದರೆ ಎಂತಹವರ ಮನವೂ ಮಿಡಿಯುತ್ತದೆ. ಅಯ್ಯೋ ದೇವರೇ ಈಗಲಾದರೂ ಆ ತಾಯಿಯ ಬೇಡಿಕೆ ಈಡೇರಿಸು, ಕಲ್ಲಾಗಬೇಡ... ಎಂದು ಮನದಲ್ಲೇ ಪ್ರಾರ್ಥಿಸಿಬಿಡ್ತೀರಿ.
