ದಿನೇಶ್ ಕಲ್ಲಹಳ್ಳಿ, ರಾಜಶೇಖರ್ ಮುಲಾಲಿ ವಿರುದ್ಧ ಪೊಲೀಸರಿಗೆ ದೂರು

ಬೆಂಗಳೂರು: ಸಾಮಾಜಿಕ ಕಾರ್ಯಕರ್ತ ದಿನೇಶ್ ಕಲ್ಲಹಳ್ಳಿ ಮತ್ತು ಹೋರಾಟಗಾರ ರಾಜಶೇಖರ್ ಮುಲಾಲಿ ವಿರುದ್ದ ಬೆಂಗಳೂರಿನ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮಂಡ್ಯದ ಮಾನವ ಹಕ್ಕುಗಳ ಸೇವಾ ಸಮಿತಿ ಅಧ್ಯಕ್ಷೆ ಇಂದಿರಾ ಎನ್ನುವರು ಇಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ಇಬ್ಬರೂ ಸೇರಿಕೊಂಡು ನೊಂದ ಮಹಿಳೆಯರ ವಿರುದ್ದ ಮಾನಹಾನಿಕಾರಕ ರೀತಿಯಲ್ಲಿ ಷಢ್ಯಂತ್ರ ಮಾಡಿ, ಅವರನ್ನು ಸಮಾಜದ ಮುಂದೆ ಬೆತ್ತಲೆಗೊಳಿಸುತ್ತಿದ್ದಾರೆ. ಹೀಗಾಗಿ ಇವರ ವಿರುದ್ಧ ಪೊಲೀಸರು ಬೆದರಿಕೆ ಪ್ರಕರಣದಡಿ ಕ್ರಮ ಕೈಗೊಳ್ಳಬೇಕು ಎಂದು ದೂರು ನೀಡಲಾಗಿದೆ.

ರಮೇಶ್ ಜಾರಕಿಹೊಳಿ ಕೇಸ್​ನಲ್ಲಿ ಯುವತಿಗೆ ಬೆದರಿಕೆ ಇದ್ರೆ, ದಿನೇಶ್ ಕಲ್ಲಹಳ್ಳಿ ಆ ಯುವತಿಯನ್ನು ಕರೆದುಕೊಂಡು ಬಂದು ದೂರು ನೀಡಬಹುದಿತ್ತು. ಇದುವರೆಗೆ ಯುವತಿಯನ್ನು ಯಾಕೆ ಕರೆತಂದಿಲ್ಲ ... ಇವ್ರು ಯಾಕೆ ಬರ್ತಿಲ್ಲ? ಎಂದು ಪ್ರಶ್ನಿಸಿದ್ದಾರೆ.

ಈ ಇಬ್ಬರೂ ಸಾಮಾಜಿಕ ಹೋರಾಟಗಾರರು ಎಂದು ಹೇಳಿಕೊಂಡು ಹೆಣ್ಣು ಮಕ್ಕಳಿಗೆ ದಕ್ಕೆ ತರುವ ರೀತಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ರಾಜಶೇಖರ್ ಮುಲಾಲಿ ಇನ್ನು ಕೆಲ ಸಿಡಿಗಳಿದ್ದಾವೆ ಎಂದಿದ್ದಾರೆ. ಅವರ ವಿರುದ್ದ ಶಿಸ್ತುಕ್ರಮ ಕೈಗೊಳ್ಳುವಂತೆ ದೂರು ನೀಡಿದ್ದೇವೆ ಎಂದು ದೂರಿನಲ್ಲಿ ಇಂದಿರಾ ತಿಳಿಸಿದ್ದಾರೆ.

https://www.vijayavani.net/belagavi-and-kanakapur-persons-behind-ramesh-jarakiholi-cd-case/