ನಾನು ಮಠಕ್ಕೆ ಭೇಟಿ ನೀಡುವ ಪೂರ್ವದಲ್ಲಿ ಯಡಿಯೂರುಶ್ರೀಗಳ ಸಮ್ಮುಖದಲ್ಲಿ ಕುಟುಂಬ ಸದಸ್ಯರೆಲ್ಲಾ ಒಟ್ಟಾಗಿ ಮಹೇಶ್ ಅವರ ಪುತ್ರ ತೇಜಸ್ಗೆ ಅಧಿಕಾರ ನೀಡಬೇಕು ಎಂದು ನಿರ್ಧರಿಸಿದ್ದರು. ಜತೆಗೆ ಈ ಹಿಂದೆ ಶ್ರೀಚಂದ್ರಶೇಖರ ಸ್ವಾಮೀಜಿ ಕೂಡ ತಮ್ಮ ವಿಲ್ನಲ್ಲಿ ಮಹೇಶ್ ಪುತ್ರನಿಗೆ ಪಟ್ಟಾಧಿಕಾರ ನೀಡಬೇಕು ಎಂದು ಉಲ್ಲೇಖಿಸಿದ್ದಾರೆ. 8ನೇ ತರಗತಿ ಓದುತ್ತಿರುವ ತೇಜಸ್ ಅವರನ್ನು ನೇಮಕ ಮಾಡಲು ತೀರ್ಮಾನಿಸಲಾಗಿದ್ದು ಅದನ್ನು ಅನಿವಾರ್ಯವಾಗಿ ಸಾರ್ವಜನಿಕವಾಗಿ ಘೋಷಣೆ ಮಾಡಲಾಗಿತ್ತು, ಅವರಿಗೆ 18 ವರ್ಷ ಪೂರೈಸಿದಾಗ ಅವರೇ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ. ಸುತ್ತೂರು ಮಠಕ್ಕೆ ಓದಲು ಕಳುಹಿಸಲಾಗುವುದು, ಔಪಚಾರಿಕ ಶಿಕ್ಷಣದ ಜತೆಗೆ ವೇದಾಧ್ಯಯನ ಕೂಡ ಕಲಿತು ಮಠಕ್ಕೆ ಅಗತ್ಯವಾದ ಸಂಸ್ಕಾರ ಕಲಿಯಲಿದ್ದಾರೆ ಎಂದರು.
