ಇವರಿಗಿರುವ 2 ಎಕರೆ ಜಮೀನಿನಲ್ಲೇ ತೆಂಗು, ರಾಗಿ, ಮಾವು ಕೃಷಿ ನಡೆಸುತ್ತಿದ್ದಾರೆ. ಒಂದು ಬೋರ್ವೆಲ್ ಕೊರೆಸಿದ್ದು, ನೀರಾವರಿ ಪ್ರದೇಶದಲ್ಲಿ ರೇಷ್ಮೆ, ಮುಸುಕಿನ ಜೋಳ ಬೆಳೆಯುತ್ತಿದ್ದಾರೆ. ರೇಷ್ಮೆಗೆ ಹನಿ ನೀರಾವರಿ ಅಳವಡಿಸಿಕೊಂಡು ಜಾನುವಾರು ಮೇವಿಗೆ ತುಂತುರು ನೀರಾವರಿ ಅಳವಡಿಸಿಕೊಂಡು ನೀರಿನ ಕೊರತೆ ನೀಗಿಸಿಕೊಂಡಿದ್ದಾರೆ. ಗೋಪಾಲ್ ಮೇಕೆ ಸಾಕಾಣಿಕೆಯಲ್ಲಿಯೂ ಯಶಸ್ಸಿನ ಮೈಲಿಗಲ್ಲು ಏರಿದ್ದಾರೆ.
ಮೊದಲು ರೇಷ್ಮೆ ಅವಲಂಬಿಸಿದ್ದ ಗೋಪಾಲ್ ಅದರಲ್ಲಿ ಅಂತಹ ಯಶಸ್ಸು ಸಿಗದ ಕಾರಣ ರಾಗಿ, ಮುಸುಕಿನ ಜೋಳ ಜತೆಗೆ ಉಪ ಕಸುಬುಗಳಾಗಿ ಮೇಕೆ ಸಾಕಾಣಿಕೆ, ನಾಟಿ ಕೋಳಿ ಸಾಕಾಣಿಕೆ, ಹೈನುಗಾರಿಕೆ ಅವಲಂಬಿಸಿ ಲಾಭ ಕಂಡುಕೊಂಡಿದ್ದಾರೆ. ಇವರ ಕೃಷಿಗೆ ಬೆನ್ನೆಲುಬಾಗಿ ಕುಟುಂಬ ನಿಂತಿದೆ.
