ವಾಹನ ತಪಾಸಣೆಗೆ ಕೈ ಅಡ್ಡಗಟ್ಟಿದ ಎಎಸ್ಐ ಮೇಲೆಯೇ ಕೈ ಮಾಡಿದ ಭೂಪ

ಕಲಬುರಗಿ: ಈಗ ಎಲ್ಲೆಡೆ ಲಾಕ್​ಡೌನ್​ ಜಾರಿಯಲ್ಲಿರುವುದರಿಂದ, ಕೋವಿಡ್​ ನಿಯಂತ್ರಣಕ್ಕಾಗಿ ಹಲವಾರು ಮಾರ್ಗಸೂಚಿಗಳನ್ನೂ ವಿಧಿಸಲಾಗಿರುವುದರಿಂದ ರಸ್ತೆಯಲ್ಲಿ ಓಡಾಡುವವರನ್ನು ಪೊಲೀಸರು ಅಡ್ಡಗಟ್ಟಿ ಸೂಕ್ತ ಕಾರಣ ಕೇಳುವುದು, ತಪಾಸಣೆ ನಡೆಸುವುದು ಹೊಸದೇನಲ್ಲ. ಅದೇ ರೀತಿ ಕರ್ತವ್ಯದಲ್ಲಿದ್ದ ಮಹಿಳಾ ಎಎಸ್​ಐ ಮೇಲೆ ಇಲ್ಲೊಬ್ಬ ಭೂಪ ಹಲ್ಲೆ ಮಾಡಿ ಈಗ ಕೇಸ್ ಜಡಿಸಿಕೊಂಡಿದ್ದಾನೆ.

ಕಲಬುರಗಿ ರಾಷ್ಟ್ರಪತಿ ವೃತ್ತದ ಬಳಿ ಈ ಘಟನೆ ನಡೆದಿದೆ. ಕಲಬುರಗಿಯ ಜೋಗೂರು ನಿವಾಸಿ ಮಹೇಶ್ ಹೂಗಾರ್ ಎಂಬಾತ ಇಲ್ಲಿನ ಅಶೋಕನಗರ ಪೊಲೀಸ್​ ಠಾಣೆಯ ಅಸಿಸ್ಟೆಂಟ್ ಸಬ್​ ಇನ್​ಸ್ಪೆಕ್ಟರ್​ ಸುಮಂಗಲಾ ಎಂಬವರ ಮೇಲೆ ಹಲ್ಲೆ ಮಾಡಿದ್ದಾನೆ.

ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು…

ದ್ವಿಚಕ್ರವಾಹನದಲ್ಲಿ ಬರುತ್ತಿದ್ದ ಮಹೇಶ್​​ನನ್ನು ಗಾಡಿ ನಿಲ್ಲಿಸುವಂತೆ ಅಡ್ಡಗಟ್ಟಿದ ಎಎಸ್​ಐ, ಮಾಸ್ಕ್ ಎಲ್ಲಿ ಎಂದು ಪ್ರಶ್ನಿಸಿದ್ದಲ್ಲದೆ ತಪಾಸಣೆಗಾಗಿ ದಾಖಲೆಗಳನ್ನು ತೋರಿಸುವಂತೆ ತಿಳಿಸಿದ್ದಾರೆ. ಈ ಸಂದರ್ಭದಲ್ಲಿ ಉದ್ಧಟತನ ತೋರಿದ ಮಹೇಶ್​, ಎಎಸ್​ಐ ಮೇಲೆ ಹಲ್ಲೆ ಮಾಡಿದ್ದಾನೆ. ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪದ ಮೇಲೆ ಮಹೇಶ್​ನನ್ನು ವಶಕ್ಕೆ ಪಡೆದ ಪೊಲೀಸರು ಪ್ರಕರಣ ದಾಖಲಿಸಿ ಕ್ರಮಕೈಗೊಂಡಿದ್ದಾರೆ.

https://www.vijayavani.net/newly-married-lady-died-because-of-corona/

https://www.vijayavani.net/kannadiga-scientist-who-was-working-in-china-passed-away-due-to-corona/