ನಿಟ್ಟೂರು-ಸಂಪಿಗೆ ರಸ್ತೆ ನಿಲ್ದಾಣಗಳ ನಡುವೆ ನಿರ್ವಹಣಾ ಕಾಮಗಾರಿ; ಆಗಸ್ಟ್ 8, 15ರಂದು 8 ರೈಲುಗಳ ಸಂಚಾರ ರದ್ದು

ಬೆಂಗಳೂರು: ನಿಟ್ಟೂರು ಮತ್ತು ಸಂಪಿಗೆ ರೋಡ್​ ನಿಲ್ದಾಣಗಳ ನಡುವಿನ ಲೆವೆಲ್​ ಕ್ರಾಸಿಂಗ್​-64ರ ರಸ್ತೆ ಕೆಳಸೇತುವೆಗೆ ತಾತ್ಕಾಲಿಕ ಗರ್ಡರ್​ ಅಳವಡಿಸುವ ಹಾಗೂ ನಿರ್ವಹಣಾ ಕಾಮಗಾರಿ ಕೈಗೊಳ್ಳುವ ಸಲುವಾಗಿ ಆಗಸ್ಟ್ 8 ಮತ್ತು 15 ರಂದು 8 ರೈಲುಗಳ ಸಂಚಾರ ರದ್ದಾಗಲಿವೆ ಎಂದು ನೈಋತ್ಯ ರೈಲ್ವೆ ತಿಳಿಸಿದೆ.

ತುಮಕೂರು-ಚಾಮರಾಜನಗರ ಡೇಲಿ ಪ್ಯಾಸೆಂಜರ್​ ಸ್ಪೆಷಲ್​, ಚಾಮರಾಜನಗರ-ಮೈಸೂರು ಡೇ ಪ್ಯಾಸೆಂಜರ್​ ಸ್ಪೆಷಲ್​, ಚಿಕ್ಕಮಗಳೂರು-ಯಶವಂತಪುರ ಡೇಲಿ ಎಕ್ಸ್​ಪ್ರೆಸ್​, ಯಶವಂತಪುರ-ಚಿಕ್ಕಮಗಳೂರು ಡೇಲಿ ಎಕ್ಸ್​ಪ್ರೆಸ್, ತುಮಕೂರು-ಕೆಎಸ್​ಆರ್​ ಬೆಂಗಳೂರು ಮೆಮು ಸ್ಪೆಷಲ್​, ಕೆಎಸ್​ಆರ್​ ಬೆಂಗಳೂರು-ತುಮಕೂರು ಮೆಮು ಸ್ಪೆಷಲ್​, ಯಶವಂತಪುರ-ಶಿವಮೊಗ್ಗ ಟೌನ್​ ಇಂಟರ್​ಸಿಟಿ, ಶಿವಮೊಗ್ಗ ಟೌನ್​-ಯಶವಂತಪುರ ಇಂಟರ್​ಸಿಟಿ ರೈಲುಗಳು ರದ್ದಾಗಲಿವೆ.

ಆ.8 ಮತ್ತು 15ರಂದು ಯಶವಂತಪುರ-ವಾಸ್ಕೋಡಗಾಮಾ ಡೇಲಿ ಎಕ್ಸ್​ಪ್ರೆಸ್​ ರೈಲು ಯಶವಂತಪುರದಿಂದ 60 ನಿಮಿಷ ತಡವಾಗಿ ಹೊರಡಲಿದೆ. 14ರಂದು ತುಮಕೂರು& ಶಿವಮೊಗ್ಗ ಟೌನ್​ ಮೆಮು ಸ್ಪೆಷಲ್​ ರೈಲು ತುಮಕೂರಿನಿಂದ 85 ನಿಮಿಷ ತಡವಾಗಿ ಹೊರಡಲಿದೆ ಎಂದು ಮಾಹಿತಿ ನೀಡಿದೆ.

https://www.vijayavani.net/special-train-between-bangalore-karwar