ದೇವಸ್ಥಾನದ ಬಳಿಯೇ 165 ಕೆಜಿ ಗಾಂಜಾ ಪತ್ತೆ!

ಬೆಂಗಳೂರು: ಬಗೆದಷ್ಟೂ ಆಳ ಎಂಬಂತಾಗುತ್ತಿದೆ ಡ್ರಗ್ಸ್​ ಮಾಫಿಯಾ. ಮಾದಕ ಜಾಲವನ್ನು ಬುಡಸಮೇತ ಕಿತ್ತೊಗೆಯಲು ರಾಜ್ಯಾದ್ಯಂತ ಕಟ್ಟೆಚ್ಚರ ವಹಿಸಿರುವ ಪೊಲೀಸರು ಡ್ರಗ್ಸ್ ಪೆಡ್ಲರ್​ಗಳ ಬಂಧನಕ್ಕೆ ಬಲೆ ಬೀಸಿದ್ದು, ಮತ್ತಿಬ್ಬರು 165 ಕೆಜಿ ಗಾಂಜಾ ಸಮೇತ ಸಿಕ್ಕಿಬಿದ್ದಿದ್ದಾರೆ.

ಜನನಿಬಿಡ ಪ್ರದೇಶದಲ್ಲೇ ರಾಜಾರೋಷವಾಗಿ ದೇವಸ್ಥಾನದ ಬಳಿಯೇ ಒಂದು ಕಾರಿನಿಂದ ಮತ್ತೊಂದು ಕಾರಿಗೆ ಗಾಂಜಾ ತುಂಬುತ್ತಿದ್ದ ಕೋರಮಂಗಲ ನಿವಾಸಿ ವಿಶ್ವಾಸ್ ಮತ್ತು ಮಾಲೂರು ತಾಲೂಕಿನ ಅಂಬರೀಶ್​ನನ್ನು ಪರಪ್ಪನ ಅಗ್ರಹಾರ ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗಳು ಹುಸ್ಕೂರು ರಸ್ತೆಯ ದೇವಸ್ಥಾನವೊಂದರ ಬಳಿಯೇ ಗಾಂಜಾ ಸರಬರಾಜು ಮಾಡುತ್ತಿದ್ದರು. ಇದನ್ನೂ ಓದಿರಿ ಡ್ರಗ್ಸ್ ಮಾಫಿಯಾ ಕಾರಣಕ್ಕೆ ಬೆಂಗಳೂರು ಕಾಂಗ್ರೆಸ್ ನಾಯಕರಿಗೆ ಶುರುವಾಗಿದೆ ಟೆನ್ಷನ್!

ಗಾಂಜಾವನ್ನು ಸಣ್ಣ-ಸಣ್ಣ ಪೊಟ್ಟಣ ಕಟ್ಟಿ ಒಂದು ಪೊಟ್ಟಣಕ್ಕೆ 500 ರೂಪಾಯಿಯಂತೆ ಎಲೆಕ್ಟ್ರಾನಿಕ್ ಸಿಟಿ, ಪರಪ್ಪನ ಅಗ್ರಹಾರ, ಮಡಿವಾಳ, ಕೋರಮಂಗಲ ವ್ಯಾಪ್ತಿಯಲ್ಲಿ ಮಾರಾಟ ಮಾಡುತ್ತಿದ್ದರು ಎಂದು ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಗಿದೆ.

https://www.vijayavani.net/ragini-dwivedi-remanded-to-police-custody/