ನಮಗೆ ಏನು ಕಡಿಮೆ ಆಗಿತ್ತು? ಪತಿಯನ್ನು ತರಾಟೆಗೆ ತೆಗೆದುಕೊಂಡರಂತೆ ಶಿಲ್ಪಾ ...

ಮುಂಬೈ: ಮಾಡೆಲ್​ಗಳನ್ನು ಬಳಸಿಕೊಂಡು ಪೋರ್ನ್​ ವಿಡಿಯೋಗಳ ನಿರ್ಮಿಸಿ ಮಾರಾಟ ಮಾಡುತ್ತಿದ್ದ ಪ್ರಕರಣದಲ್ಲಿ ಶಿಲ್ಪಾ ಶೆಟ್ಟಿ ಪತಿ ರಾಜ್​ ಕುಂದ್ರಾ ಸಿಕ್ಕಿಬಿದ್ದಿರುವ ವಿಷಯ ಗೊತ್ತೇ ಇದೆ. ರಾಜ್​ಗೆ 14 ದಿನ ನ್ಯಾಯಾಂಗ ಬಂಧನ ವಿಧಿಸಿ ಮುಂಬೈನ ಕಿಲಾ ನ್ಯಾಯಾಲಯ ಆದೇಶ ಹೊರಡಿಸಿರುವುದು ಸಹ ಸುದ್ದಿಯಾಗಿದೆ.

ಇದನ್ನೂ ಓದಿ: ಅಂತೂ ಔಟ್ ಆದ್ರು ಆ ಕಂಟೆಸ್ಟೆಂಟ್​! ಬಿಗ್​ಬಾಸ್ ಮನೆಯಿಂದ ಮಧ್ಯ ರಾತ್ರಿಯೇ ಹೊರಬಂದ ಸ್ಪರ್ಧಿ

ಹೊಸ ಸುದ್ದಿ ಏನೆಂದರೆ, ರಾಜ್​ರಿಂದಾಗಿ ತಲೆ ಎತ್ತಿ ಓಡಾಡುವುದು ಬಹಳ ಕಷ್ಟವಾಗಿದೆ ಎಂದು ಶಿಲ್ಪಾಗೆ ಸಿಕ್ಕಾಪಟ್ಟೆ ಬೇಸರವಾಗಿದೆಯಂತೆ. ರಾಜ್​ ಮಾಡಿದ ಕೃತ್ಯದಿಂದ ಶಿಲ್ಪಾಗೆ ಬಹಳ ಅವಮಾನವಾಗಿದ್ದು, ಇತ್ತೀಚೆಗೆ ಶಿಲ್ಪಾ ಪೊಲೀಸರೆದುರೇ ತಮ್ಮ ಗಂಡನನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಜುಲೈ 19ರಂದು ಮುಂಬೈ ಪೊಲೀಸರು ಬಂಧಿಸಿದ್ದರು. ಅದಾಗಿ ನಾಲ್ಕು ದಿನಗಳ ನಂತರ ಶಿಲ್ಪಾ ಶೆಟ್ಟಿ ಅವರನ್ನು ಸಹ ವಿಚಾರಣೆಗೆ ಒಳಪಡಿಸಿದ್ದರು. ಈ ಸಂದರ್ಭದಲ್ಲಿ ರಾಜ್​ ಕುಂದ್ರಾ ಅವರನ್ನು ಮನೆಗೆ ಕರೆದುಕೊಂಡು ಹೋದ ಸಂದರ್ಭದಲ್ಲಿ, ಶಿಲ್ಪಾ ಸಿಕ್ಕಾಪಟ್ಟೆ ರೇಗಾಡಿದರಂತೆ. ಇವೆಲ್ಲ ಮಾಡುವ ಅವಶ್ಯಕತೆ ಏನಿತ್ತು ಎಂದು ತರಾಟೆಗೆ ತೆಗೆದುಕೊಂಡರಂತೆ.

ರಾಜ್​ ಅವರನ್ನು ನೋಡುತ್ತಿದ್ದಂತೆಯೇ ಶಿಲ್ಪಾ ಅಳುವುದಕ್ಕೆ ಪ್ರಾರಂಭಿಸಿದರು ಎಂದು ಹೇಳಲಾಗುತ್ತಿದೆ. 'ನಮ್ಮ ಬಳಿ ಎಲ್ಲವೂ ಇದೆ. ಆದರೂ ಇವೆಲ್ಲ ಮಾಡುವ ಅವಶ್ಯಕತೆ ಏನಿತ್ತು?' ಎಂದು ಖಡಕ್​ ಆಗಿ ಪ್ರಶ್ನಿಸಿದರು ಎಂದು ಹೇಳಲಾಗುತ್ತಿದೆ. ಇದರಿಂದ ತಮ್ಮ ಮನೆತನದ ಗೌರವ ಹಾಳಾಗಿದೆ, ಅವಕಾಶಗಳು ಕಡಿಮೆಯಾಗುತ್ತಿವೆ, ಎಲ್ಲಕ್ಕಿಂತ ಹೆಚ್ಚಾಗಿ ತಲೆ ಎತ್ತಿಕೊಂಡು ಓಡಾಡದಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಶಿಲ್ಪಾ ಈ ಸಂದರ್ಭದಲ್ಲಿ ಪತಿಯ ಎದುರು ಸಿಕ್ಕಾಪಟ್ಟೆ ಬೇಸರಗೊಂಡಿದ್ದಾರೆ ಎಂಬ ಸುದ್ದಿ ಇದೆ.

ಇದನ್ನೂ ಓದಿ: ‘ನವರಸ’ ಟ್ರೇಲರ್​ ಬಿಡುಗಡೆ; ಆ.06ಕ್ಕೆ ನೆಟ್​ಫ್ಲಿಕ್ಸ್​ನಲ್ಲಿ ಚಿತ್ರ ಬಿಡುಗಡೆ

ಈ ಪ್ರಕರಣದಲ್ಲಿ ಶಿಲ್ಪಾ ಅವರ ಕೈವಾಡ ಕಂಡುಬರದ ಕಾರಣ, ಅವರನ್ನು ಒಂದೆರೆಡು ಬಾರಿ ವಿಚಾರಣೆಗೆ ಒಳಪಡಿಸಿ, ವಾಪಸ್ಸು ಕಳುಹಿಸಲಾಗಿದೆ.

https://www.vijayavani.net/a-shilpa-shettys-husband-sent-to-14-day-judicial-custody/