ಮುಂಬೈ: ಆಮೀರ್ ಖಾನ್, ಅಭಿಷೇಕ್ ಬಚ್ಚನ್, ಕತ್ರೀನಾ ಕೈಫ್ ಮುಂತಾದವರು ಅಭಿನಯಿಸಿದ್ದ ‘ಧೂಮ್ 3’ ಚಿತ್ರವು ಬಿಡುಗಡೆಯಾಗಿ ಎಂಟು ವರ್ಷಗಳೇ ಆಗಿವೆ. ಈ ಮಧ್ಯೆ, ‘ಧೂಮ್ 4’ ಚಿತ್ರವನ್ನು ತೆರೆಗೆ ತರಬೇಕು ಎಂದು ಯಶ್ರಾಜ್ ಫಿಲಂಸ್ ಸಂಸ್ಥೆಯು ಪ್ರಯತ್ನ ನಡೆಸುತ್ತಲೇ ಇದೆ. ಅದರಲ್ಲೂ ಪ್ರಭಾಸ್ ಅಭಿನಯದಲ್ಲಿ ಚಿತ್ರ ಮಾಡಬೇಕು ಎಂದು ನಿರ್ಮಾಣ ಸಂಸ್ಥೆ ಹೆಜ್ಜೆ ಇಟ್ಟಿತ್ತು. ಆದರೆ, ಇದೀಗ ಆ ಚಿತ್ರ ಡ್ರಾಪ್ ಆಗಿದೆ.
ಇದನ್ನೂ ಓದಿ: ರಾಮಾಯಣ ಧಾರಾವಾಹಿಯಲ್ಲಿ ನಟಿಸಿ ಮನಗೆದ್ದಿದ್ದ ನಟ ಚಂದ್ರಶೇಖರ್ ನಿಧನ
ಹೌದು, ಪ್ರಭಾಸ್ ಅಭಿನಯಿಸಬೇಕಿದ್ದ ‘ಧೂಮ್ 4’ ಚಿತ್ರವು ನಿಂತು ಹೋಗಿದೆ. ಅದಕ್ಕೆ ಕಾರಣ, ಪ್ರಭಾಸ್ ಅವರ ಡೇಟ್ಸ್ ಸಿಕ್ಕದಿರುವುದು. ಪ್ರಭಾಸ್ ಎಷ್ಟು ಬ್ಯುಸಿಯಾಗಿದ್ದಾರೆ ಮತ್ತು ಅದೆಷ್ಟು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ ಎಂಬುದು ಇಡೀ ಜಗತ್ತಿಗೇ ಗೊತ್ತಾಗಿದೆ. ಪ್ರಭಾಸ್ ಅವರ ಸದ್ಯದ ಶೆಡ್ಯೂಲ್ ನೋಡುತ್ತಿದ್ದರೆ, ಇನ್ನು ಮೂರು ವರ್ಷ ಅವರು ಸಿಗುವುದು ಕಷ್ಟವೆನ್ನುವಂತಿದೆ.
ಮೂರು ವರ್ಷದ ನಂತರವಾದರೂ ಅವರು ಒಪ್ಪಿ ಚಿತ್ರ ಮಾಡುತ್ತಾರೆ ಎಂದು ಹೇಳುವುದು ಕಷ್ಟ. ಅಷ್ಟರಲ್ಲಿ ಪ್ರಭಾಸ್ ಇನ್ನೆಷ್ಟು ಚಿತ್ರಗಳನ್ನು ಒಪ್ಪಿಕೊಂಡಿರುತ್ತಾರೋ, ಇನ್ನೂ ಏನೇನು ಬದಲಾವಣೆಗಳು ಆಗಿರುತ್ತವೋ ಹೇಳುವುದು ಕಷ್ಟ. ಹಾಗಾಗಿ, ಆ ಚಿತ್ರವನ್ನು ಯಶ್ರಾಜ್ ಫಿಲಂಸ್ ಸಂಸ್ಥೆಯು ಕೈಬಿಟ್ಟಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಆಮೀರ್ ಖಾನ್ಗೆ ಯಾಕೆ ಪ್ರಶಸ್ತಿಗಳಲ್ಲಿ ನಂಬಿಕೆ ಇಲ್ಲ?
ಇದರ ಜತೆಗೆ ಇನ್ನೂ ಒಂದು ಕಾರಣವಿದೆ. ಅದೇನೆಂದರೆ, ಈ ಮೊದಲು ಪ್ರಭಾಸ್ ಯಾವೊಂದು ಹಿಂದಿ ಚಿತ್ರದಲ್ಲೂ ಒಪ್ಪಿರಲಿಲ್ಲ. ‘ಧೂಮ್ 4’ನಲ್ಲಿ ಪ್ರಭಾಸ್ ನಟಿಸುತ್ತಿರುವುದೇ ದೊಡ್ಡ ಹೈಲೈಟ್ ಆಗಿತ್ತು. ಈಗ ‘ಆದಿಪುರುಷ್’ ಚಿತ್ರದ ಮೂಲಕ ಬಾಲಿವುಡ್ಗೆ ಪ್ರಭಾಸ್ ಎಂಟ್ರಿ ಕೊಟ್ಟಿದ್ದಾಗಿದೆ. ಹೀಗಿರುವಾಗ, ‘ಧೂಮ್ 4’ನಲ್ಲಿ ನಟಿಸುವುದರಲ್ಲಿ ವಿಶೇಷವೇನಿದೆ ಎಂದು ಯಶ್ರಾಜ್ ಸಂಸ್ಥೆಗೆ ಅನಿಸಿದೆ. ಇವೆಲ್ಲಾ ಕಾರಣಗಳಿಂದ ಅವರು ಈ ಚಿತ್ರವನ್ನು ಕೈಬಿಟ್ಟು, ಬೇರೆ ಚಿತ್ರಗಳಲ್ಲಿ ತೊಡಗಿಸಿಕೊಂಡಿದ್ದಾರಂತೆ.
100% ಟಾರ್ಗೆಟ್ ಮಾಡಲಾಗಿದೆ… ನನ್ನ ಮೇಲೆ ಜನರ ಪ್ರೀತಿ ವಿಶ್ವಾಸ ಇದೆ: ರಾಗಿಣಿ ದ್ವಿವೇದಿ