ಲಾಕ್ಡೌನ್ನಿಂದಾಗಿ ಕಳೆದ ಮೂರು ತಿಂಗಳಿಂದಲೂ ಫಾರ್ಮ್ ಹೌಸ್ನಲ್ಲಿ ಲಾಕ್ ಆಗಿರುವ ಧೋನಿ, ಈ ವೇಳೆ ಹೊರಗೆ ಕಾಣಿಸಿಕೊಂಡಿದ್ದೇ ಕಡಿಮೆ. ಪತ್ನಿ ಸಾಕ್ಷಿ ಒಂದೆರಡು ಭಾರಿ ಫೋಟೋ ಪ್ರಕಟಿಸಿದ್ದು ಬಿಟ್ಟರೆ, ಸಾಮಾಜಿಕ ಜಾಲತಾಣಗಳಿಂದ ದೂರವಿರುವ ಧೋನಿ ಎಲ್ಲೂ ಕಾಣಿಸಿಕೊಂಡಿಲ್ಲ. ಫಾರ್ಮ್ಹೌಸ್ ಗ್ಯಾರೇಜ್ನಲ್ಲಿ ಹಲವು ಬಗೆಯ ಬೈಕ್ಗಳನ್ನು ಧೋನಿ ಹೊಂದಿದ್ದಾರೆ. ಯಮಹಾ ಆರ್ಡಿ350, ಡುಕ್ಯಾಟಿ1098, ಕವಾಸಕಿ ನಿಂಜಾ ಝೆಡ್ಎಕ್ಸ್-14ಆರ್, ಕಂಫೆಡರೇಷ್ ಎಕ್ಸ್132, ಹೆಲ್ಕ್ಯಾಟ್ನಂತ ದುಬಾರಿ ಬೈಕ್ಗಳು ಧೋನಿ ಗ್ಯಾರೇಜ್ನಲ್ಲಿವೆ. ಎಸ್ವುವಿ, ಹಮ್ಮರ್ನಂಥ ಕಾರುಗಳಿವೆ. ಇದೀಗ ಧೋನಿ ಗ್ಯಾರೇಜ್ಗೆ ಮಹೀಂದ್ರ ಅಂಡ್ ಮಹೀಂದ್ರ ಕಂಪನಿಯ ನೂತನ ಸ್ವರಾಜ್ ಟ್ರ್ಯಾಕ್ಟರ್ ಆಗಮನವಾಗಿದೆ. ಸಹಾಯಕನ ನೆರವಿಂದ ಧೋನಿ ಒಂದು ಸುತ್ತು ಫಾರ್ಮ್ಹೌಸ್ ಬಳಸಿದ್ದಾರೆ. ಮಹೀಂದ್ರ ಸಂಸ್ಥೆಯೂ ಧೋನಿ ವಿಡಿಯೋವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದೆ. ಸ್ವರಾಜ್ ಆಯ್ಕೆ ಮಾಡಿದ್ದಕ್ಕೆ ಧನ್ಯವಾದಗಳು ಎಂದು ಹೇಳಿದೆ.
