ಭಾರತ-ವಿಂಡೀಸ್​ ಟಿ20 ಪಂದ್ಯದ ವೇಳೆ ಗಮನಸೆಳೆದ ಚಾಹಲ್​ ಪತ್ನಿಯ ಫ್ಯಾಷನ್​ ಲುಕ್​!

ಲಾಡೆರ್​ಹಿಲ್​: ಅಮೆರಿಕದ ಫ್ಲೋರಿಡಾದಲ್ಲಿರುವ ಮಿಯಾಮಿ, ಫ್ಯಾಷನ್​ ಶೋಗಳಿಗೆ ಜನಪ್ರಿಯವಾಗಿರುವ ನಗರ. ಇದರ ಸಮೀಪದಲ್ಲೇ ಇರುವ ಲಾಡೆರ್​ಹಿಲ್​ನಲ್ಲಿ ಭಾರತ ಮತ್ತು ವೆಸ್ಟ್​ ಇಂಡೀಸ್​ ನಡುವಿನ ಕೊನೇ 2 ಪಂದ್ಯಗಳು ನಡೆಯುತ್ತಿವೆ. ಈ ವೇಳೆ ಟೀಮ್​ ಇಂಡಿಯಾದ ಸ್ಪಿನ್ನರ್​ ಯಜುವೇಂದ್ರ ಚಾಹಲ್​ ಅವರ ಪತ್ನಿ ಧನಶ್ರೀ ವರ್ಮ, ಮಿಯಾಮಿಯ ಗ್ಲಾಮರಸ್​ ಫ್ಯಾಷನ್​ಗೆ ಹೊಂದಿಕೆಯಾಗುವ ಧಿರಿಸಿನೊಂದಿಗೆ ಭಾರತ-ವಿಂಡೀಸ್​ ಟಿ20 ಪಂದ್ಯದ ವೇಳೆ ಕ್ರೀಡಾಂಗಣದಲ್ಲಿ ಕಾಣಿಸಿಕೊಂಡು ಗಮನಸೆಳೆದಿದ್ದಾರೆ.

ಯೂಟ್ಯೂಬರ್​ ಮತ್ತು ಕೋರಿಯೋಗ್ರಾರ್​ ಕೂಡ ಆಗಿರುವ ಧನಶ್ರೀ ವರ್ಮ ಇನ್​ಸ್ಟಾಗ್ರಾಂನಲ್ಲಿ ಪ್ರಕಟಿಸಿರುವ ಈ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿವೆ. 'ಮ್ಯಾಚ್​ ಇನ್​ ಮಿಯಾಮಿ. ಅತ್ಯಂತ ಸುಂದರವಾದ ಮಿಯಾಮಿಯ ಕ್ರಿಕೆಟ್​ ಪ್ರೇಮಿಗಳನ್ನು ಕಂಡು ಬೆರಗಾದೆ' ಎಂದು ಧನಶ್ರೀ ವರ್ಮ ಇನ್​ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

ಇನ್​ಸ್ಟಾಗ್ರಾಂನಲ್ಲಿ 55 ಲಕ್ಷಕ್ಕೂ ಅಧಿಕ ಹಿಂಬಾಲಕರನ್ನು ಹೊಂದಿರುವ ಧನಶ್ರೀ ವರ್ಮ, ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿ ಮಾಡುತ್ತಿರುವುದು ಇದೇ ಮೊದಲಲ್ಲ. ವಿವಿಧ ಜನಪ್ರಿಯ ಹಾಡುಗಳಿಗೆ ನರ್ತಿಸಿರುವ ವಿಡಿಯೋಗಳನ್ನೂ ಪೋಸ್ಟ್​ ಮಾಡುವ ಮೂಲಕ ಅವರು ಸಾಕಷ್ಟು ಬಾರಿ ಸುದ್ದಿಯಾಗಿದ್ದಾರೆ.

https://www.vijayavani.net/india-tour-of-ireland-2023-live-and-exclusive-on-jiocinema

https://www.vijayavani.net/virat-kohli-is-the-third-richest-athlete-on-instagram-commands-rs-11-45-cr-per-post