6, 4, 4, 6, 6, 4... ಒಂದೇ ಓವರ್​ನಲ್ಲಿ ಬ್ರೆವಿಸ್ ಸಿಕ್ಸರ್​-ಬೌಂಡರಿ ಮಳೆ! ಕೆಕೆಆರ್​ ಬೌಲರ್​ಗೆ ಭಾರೀ ಮುಖಭಂಗ | Dewald Brevis

Dewald Brevis: ನಿನ್ನೆ (ಮೇ.07) ಈಡೆನ್​ ಗಾರ್ಡನ್ಸ್​ ಕ್ರೀಡಾಂಗಣದಲ್ಲಿ ನಡೆದ ಸಿಎಸ್​ಕೆ ಮತ್ತು ಕೆಕೆಆರ್​ ನಡುವಿನ ಪಂದ್ಯದಲ್ಲಿ ಧೋನಿ ಪಡೆ 2 ರನ್​ಗಳ ಜಯ ಸಾಧಿಸಿತು. ಈ ಮೂಲಕ ಸತತ ನಾಲ್ಕು ಸೋಲುಗಳಿಂದ ಕಂಗೆಟ್ಟಿದ್ದ ಚೆನ್ನೈ ಪಡೆಗೆ ಗೆಲುವಿನ ಚೇತರಿಕೆ ಸಿಕ್ಕಿತು. ರೋಮಾಂಚಕ ಪಂದ್ಯದಲ್ಲಿ ರೋಚಕ ಗೆಲುವು ಸಾಧಿಸಿದ ಸಿಎಸ್​ಕೆಗೆ ಡೆವಾಲ್ಡ್ ಬ್ರೆವಿಸ್ ಅವರ ಸ್ಫೋಟಕ ಬ್ಯಾಟಿಂಗ್​ ಉತ್ತಮ ಫಲಿತಾಂಶ ತಂದುಕೊಟ್ಟಿತು.

ಇದನ್ನೂ ಓದಿ: ‘ಇದು ಭಾರತ, ತಾಯಿ ಸಿಂಧೂರ ತೆಗೆದಿದ್ದಕ್ಕೆ ಪ್ರತ್ಯುತ್ತರ’ ಪಹಲ್ಗಾಮ್ ಭಯೋತ್ಪಾದಕ ದಾಳಿಯಲ್ಲಿ ಪ್ರಾಣ ಕಳೆದುಕೊಂಡ ಸೈನಿಕ ಎನ್ ರಾಮಚಂದ್ರನ್ ಪುತ್ರಿ ಆರತಿ…operation sindoor

ಕೆಕೆಆರ್​ ನೀಡಿದ್ದ 180 ರನ್​ಗಳ ಗುರಿಯನ್ನು ಬೆನ್ನತ್ತಿದ ಸಿಎಸ್​ಕೆಗೆ ಎಂದಿನಂತೆ ಉತ್ತಮ ಆರಂಭ ಸಿಗಲಿಲ್ಲ. ಪವರ್​ಪ್ಲೇ ಅವಧಿಯಲ್ಲೇ ಐದು ವಿಕೆಟ್​ ಕಳೆದುಕೊಂಡಿದ್ದ ತಂಡಕ್ಕೆ ಬ್ರೆವಿಸ್​ ಅವರ ಸ್ಫೋಟಕ ಇನ್ನಿಂಗ್ಸ್​ ಗುರಿಯನ್ನು ತಲುಪಲು ಸಹಾಯ ಮಾಡಿತು. 25 ಎಸೆತದಲ್ಲಿ 52 ರನ್​ ಬಾರಿಸಿದ ಬ್ರೆವಿಸ್ ( 4 ಬೌಂಡರಿ, 4 ಸಿಕ್ಸರ್​)​ 11ನೇ ಓವರ್​ನಲ್ಲಿ ಆಟದ ದಿಕ್ಕನ್ನು ಬದಲಿಸಿದರು. ಆಕರ್ಷಕ ಅರ್ಧ ಶತಕ ಬಾರಿಸಿದ ಬ್ರೆವಿಸ್​, ತಮ್ಮ ಚೊಚ್ಚಲ ಐಪಿಎಲ್​ ಅರ್ಧಶತಕ ದಾಖಲಿಸಿದ್ದು ವಿಶೇಷ.

ಬ್ರೆವಿಸ್​ ಸಿಕ್ಸರ್​-ಬೌಂಡರಿಗಳ ಆರ್ಭಟ ತಗ್ಗಿಸುವಲ್ಲಿ ಮುಗ್ಗರಿಸಿದ ವೈಭವ್ ಅರೋರಾಗೆ ಮೈದಾನದಲ್ಲಿ ಭಾರೀ ಮುಖಭಂಗ ಉಂಟಾಯಿತು. ಎರಡು ತಂಡಗಳ ನಡುವಿನ ರೋಚಕ ಪೈಪೋಟಿ 20ನೇ ಓವರ್​ವರೆಗೂ ತಲುಪಿ, ಅಂತಿಮವಾಗಿ ಸಿಎಸ್​ಕೆ 2 ರನ್​ಗಳ ಜಯ ಸಾಧಿಸುವ ಮೂಲಕ ಅಂತ್ಯ ಕಂಡಿತು.

https://www.vijayavani.net/ms-dhoni-speaks-about-retirement