ಸಿ.ಕೆ.ನಾಣು ಪಕ್ಷ ಸಂಘಟನೆ ನಿರ್ಲಕ್ಷಿಸಿದ್ರು ಅಂತ ಕೇರಳ ಜೆಡಿಎಸ್ ಘಟಕವನ್ನೇ ವಜಾಗೊಳಿಸಿದ್ರು ದೇವೇಗೌಡ್ರು..

ಬೆಂಗಳೂರು: ಕೇರಳದಲ್ಲಿನ ಜೆಡಿಎಸ್ ಘಟಕವನ್ನು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಎಚ್​.ಡಿ.ದೇವೇಗೌಡ ಸೋಮವಾರ ವಜಾಗೊಳಿಸಿದ್ದು, ಅಲ್ಲಿಗೆ ಅಡ್ಹಾಕ್ ಸಮಿತಿ ರಚಿಸಿದ್ದಾರೆ.

ಪಕ್ಷ ಸಂಘಟನೆ ಕೆಲಸವನ್ನು ಕೇರಳದಲ್ಲಿ ಸಮರ್ಪಕವಾಗಿ ಮಾಡುತ್ತಿಲ್ಲ. ನಿರ್ಲಕ್ಷ್ಯ ತೋರುತ್ತಿದ್ದಾರೆ ಎಂಬ ಆರೋಪ ಕೇರಳ ಜೆಡಿಎಸ್ ಘಟಕದ ಅಧ್ಯಕ್ಷ ಸಿ.ಕೆ.ನಾಣು ಅವರಿಗೆ ಪಕ್ಷದ ರಾಷ್ಟ್ರೀಯ ಕಾರ್ಯಾಧ್ಯಕ್ಷ ಬಿ.ಎಂ.ಫಾರೂಕ್​ ಇತ್ತೀಚೆಗೆ ನೋಟಿಸ್ ನೀಡಿದ್ದರು. ಈ ನೋಟಿಸ್​ಗೆ ಸಿ.ಕೆ.ನಾಣು ಅವರು ಪ್ರತಿಕ್ರಿಯೆ ನೀಡಿಲ್ಲ. ಹೀಗಾಗಿ ಕೇರಳದ ಜೆಡಿಎಸ್ ಘಟಕವನ್ನು ವಜಾಗೊಳಿಸಿ ಅಲ್ಲಿ ಅಡ್ಹಾಕ್ ಸಮಿತಿ ರಚಿಸಲಾಗಿದೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಗದ್ದುಗೆ ಒಳಗೆ ಮಗು ಅಳುವ ಶಬ್ದ ಕೇಳಿಸುತ್ತಿತ್ತು… ಕುತೂಹಲದಿಂದ ಹೋದವರಿಗೆ ಶಾಕ್​ ಕಾದಿತ್ತು!

ಅಡ್ಹಾಕ್ ಸಮಿತಿಯಲ್ಲಿ ಯಾರು?: ಮ್ಯಾಥ್ಯೂ ಟಿ.ಥಾಮಸ್ (ಅಧ್ಯಕ್ಷ), ಜೋಸೆ ಥೇಟ್ಟಯಿಲ್ ಹಾಗೂ ಜಮೀಲಾ ಪ್ರಕಾಶಂ (ಉಪಾಧ್ಯಕ್ಷರು), ಬೆನ್ನಿ ಮೂಂಜೆಲಿ, ವಿ.ಮುರುಗಾದಾಸ್ ಮತ್ತು ಬೆಜ್ಲಿ ಜೋಸೆಫ್ (ಪ್ರಧಾನ ಕಾರ್ಯದರ್ಶಿಗಳು) ಹಾಗೂ ಮೊಹಮ್ಮದ್ ಷಾ (ಖಜಾಂಚಿ) ಅಡ್ಹಾಕ್ ಸಮಿತಿಯಲ್ಲಿದ್ದಾರೆ.

https://www.vijayavani.net/amitabh-bachchan-giving-voice-to-light-and-sound-show-of-buddha/