ಇಳಿಜಾರು ಗುಡ್ಡ ಪ್ರದೇಶಕ್ಕೆ ಹೊಂದಿಕೊಂಡು ಈ ತಂಗುದಾಣವಿದೆ. ಮಂಗಳೂರಿನಿಂದ ಕೈಕಂಬದತ್ತ ಸಾಗುವ ಬಹುತೇಕ ಬಸ್ಗಳು ಈ ತಂಗುದಾಣದಲ್ಲಿ ಪ್ರಯಾಣಿಕರಿಗೆ ಲಭ್ಯವಿಲ್ಲ. ಮಂಗಳೂರು ಕಡೆಗೆ ಸಾಗುವ ಬಸ್ಗಳು ತಂಗುತ್ತವೆ. ಸಂಜೆಯಾದರೆ ಕೈಕಂಬದ ಕಡೆಗೆ ಸಾಗುವ ಬಸ್ಗಳು ಇಲ್ಲಿ ನಿಲ್ಲುವುದಿಲ್ಲ. ಇದರಿಂದ ನೂಯಿ, ಇಂದಿರಾನಗರ, ಬೆಳ್ಳಿಬೆಟ್ಟು ಮತ್ತಿತರ ಒಳಪ್ರದೇಶದ ಪ್ರಯಾಣಿಕರಿಗೆ ತೀವ್ರ ಸಮಸ್ಯೆಯಾಗಿದೆ. ರಾತ್ರಿ ಹೊತ್ತು ಬೆಳ್ಳಿಬೆಟ್ಟು ತಂಗುದಾಣದಲ್ಲಿ ನಿಲ್ಲದ ಬಸ್ಗಳು ಗುರುಪುರ ಜಂಕ್ಷನ್ ಅಥವಾ ಪೊಳಲಿ ದ್ವಾರದ ಬಳಿ ನಿಲ್ಲುತ್ತವೆ. ಇಲ್ಲಿಂದ ಮುಂದಕ್ಕೆ ಪ್ರಯಾಣಿಕರು ನಡೆದುಕೊಂಡು ಮನೆ ಸೇರಬೇಕಾಗುತ್ತದೆ. ಪ್ರಶ್ನಿಸಿದರೆ ಪ್ರಯೋಜನವಿಲ್ಲ.
