ದೆಹಲಿಯಲ್ಲಿ ದೀಪಾವಳಿಯ ಮರುದಿನದಿಂದ ಬದಲಾಗುತ್ತವೆ ಸಂಚಾರ ನಿಯಮಗಳು; ಒಂದು ವಾರಗಳ ಕಾಲ ಬೆಸ-ಸಮ ನಿಯಮ ಜಾರಿ

ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ಹೆಚ್ಚುತ್ತಿರುವ ಮಾಲಿನ್ಯವನ್ನು ಗಮನದಲ್ಲಿಟ್ಟುಕೊಂಡು ಅರವಿಂದ್ ಕೇಜ್ರಿವಾಲ್ ಸರ್ಕಾರ ಸೋಮವಾರ ಮಹತ್ವದ ನಿರ್ಧಾರವನ್ನು ತೆಗೆದುಕೊಂಡಿದೆ. ದೆಹಲಿಯಲ್ಲಿ 13ನೇ ನವೆಂಬರ್‌ನಿಂದ 20ನೇ ನವೆಂಬರ್‌ವರೆಗೆ ಬೆಸ-ಸಮ ಅನ್ವಯವಾಗಲಿದೆ. ಈ ಹಿಂದೆ, ನಿರಂತರವಾಗಿ ಹದಗೆಡುತ್ತಿರುವ ಗಾಳಿಯ ಗುಣಮಟ್ಟದಿಂದಾಗಿ, ಜಿಆರ್‌ಇಪಿಯ ನಾಲ್ಕನೇ ಹಂತವನ್ನು ದೆಹಲಿ-ಎನ್‌ಸಿಆರ್‌ನಲ್ಲಿ ಜಾರಿಗೊಳಿಸಲಾಯಿತು.

ಒಂದು ವಾರ ಬೆಸ-ಸಮ

ಮಾಲಿನ್ಯ ತಗ್ಗಿಸಲು ನಿಯಮಿತವಾಗಿ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ ಎಂದು ದೆಹಲಿಯ ಪರಿಸರ ಸಚಿವ ಗೋಪಾಲ್ ರೈ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. ದೀಪಾವಳಿಯ ನಂತರ ದೆಹಲಿಯಲ್ಲಿ ಮಾಲಿನ್ಯದ ಮಟ್ಟ ಹೆಚ್ಚಾಗಬಹುದು ಎಂದು ಅವರು ಹೇಳಿದರು, ಒಂದು ವಾರ ಬೆಸ-ಸಮ ಸೂತ್ರವನ್ನು ದೀಪಾವಳಿಯ ಮರುದಿನ ಜಾರಿಗೆ ತರಲಾಗುವುದು. ಇದು ನವೆಂಬರ್ 13 ರಿಂದ ನವೆಂಬರ್ 20 ರವರೆಗೆ ಅನ್ವಯಿಸುತ್ತದೆ.

ಬೆಸ-ಸಮ ನಿಯಮ ಎಂದರೇನು? 

ದೆಹಲಿ ಸರ್ಕಾರವು ವಾಹನಗಳ ಸಮ ಬೆಸ ನಿಯಮವನ್ನು ಮತ್ತೆ ಜಾರಿಗೆ ತಂದಿದ್ದು, ಸಮ ಬೆಸ ವೆಂದರೆ ಸಮ ಸಂಖ್ಯೆಯ ವಾಹನಗಳನ್ನು ಸಮ ದಿನಾಂಕಗಳಲ್ಲಿ ಓಡಿಸಲು ಅವಕಾಶವಿದ್ದು, ಬೆಸ ದಿನಗಳಲ್ಲಿ ಬೆಸ ಸಂಖ್ಯೆಯ ವಾಹನಗಳನ್ನು ರಸ್ತೆಯಲ್ಲಿ ಓಡಿಸಲು ಅವಕಾಶವಿರಲಿದೆ. ಬೆಸ-ಸಮ ಯೋಜನೆಯಡಿ, ನೋಂದಣಿ ಸಂಖ್ಯೆಯ ಕೊನೆಯ ಅಂಕಿ ಬೆಸ (1,3,5,7,9) ಇರುವ ವಾಹನಗಳು 4, 6, 8, 12 ಮತ್ತು 14 ರಂದು ರಸ್ತೆಗಳಲ್ಲಿ ಸಂಚರಿಸಲು ಅನುಮತಿಸುವುದಿಲ್ಲ. ಆದರೆ ಬೆಸ-ಸಮ ಯೋಜನೆಯನ್ನು ಪೆಟ್ರೋಲ್ ಮತ್ತು ಡೀಸೆಲ್ ವಾಹನಗಳ ಮೇಲೆ ಕಟ್ಟುನಿಟ್ಟಾಗಿ ಜಾರಿಗೆ ತರಲಾಗುತ್ತದೆ.

ಇದನ್ನೂ ಓದಿ: ಎಕ್ಯೂಐ ಮಟ್ಟ: ದೆಹಲಿ-ಎನ್‌ಸಿಆರ್‌ನಲ್ಲಿ ಉಸಿರುಗಟ್ಟಿಸುವ ಗಾಳಿಯ ನಡುವೆ ಅತ್ಯಂತ ಸ್ವಚ್ಛ ಪರಿಸರ ಹೊಂದಿರುವ ಚೆನ್ನೈ ಮತ್ತು ಬೆಂಗಳೂರು

ಮನೆಯಲ್ಲಿ ಕೆಲಸ! 

ಇದರೊಂದಿಗೆ ದೆಹಲಿಯ ಸರ್ಕಾರಿ ಮತ್ತು ಖಾಸಗಿ ಕಚೇರಿಗಳಲ್ಲಿನ ಶೇ 50 ರಷ್ಟು ಉದ್ಯೋಗಿಗಳಿಗೆ ಮನೆಯಲ್ಲಿ ಕೆಲಸ ಮಾಡುವ ಬಗ್ಗೆ ನಂತರ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ಪರಿಸರ ಸಚಿವರು ಹೇಳಿದರು. ಅದೇ ಸಮಯದಲ್ಲಿ, 10 ಮತ್ತು 12 ನೇ ತರಗತಿಗಳನ್ನು ಹೊರತುಪಡಿಸಿ ಉಳಿದೆಲ್ಲ ತರಗತಿಗಳನ್ನು ನವೆಂಬರ್ 10 ರವರೆಗೆ ಕ್ಲೋಸ್​​ ಮಾಡುವಂತೆ ಶಾಲೆಗಳಿಗೆ ಸೂಚನೆ ನೀಡಲಾಗಿದೆ. ಈ ಅವಧಿಯಲ್ಲಿ ಆನ್‌ಲೈನ್ ತರಗತಿಗಳನ್ನು ಮಾತ್ರ ನಡೆಸಲಾಗುವುದು.

ಮಾಲಿನ್ಯದ ಬಗ್ಗೆ ಸರ್ಕಾರದ ನಿರ್ಧಾರ

* 10 ಮತ್ತು 12ನೇ ತರಗತಿ ಹೊರತುಪಡಿಸಿ ಎಲ್ಲಾ ಶಾಲೆಗಳು ಮುಚ್ಚಲು ಆದೇಶ.

* ನಿರ್ಮಾಣ ಮತ್ತು ಕೆಡುವ ಕೆಲಸಗಳ ಮೇಲೆ ನಿಷೇಧ.

* ಅಗತ್ಯ ಸೇವೆಗಳನ್ನು ಹೊರತುಪಡಿಸಿ ಇತರ ಟ್ರಕ್‌ಗಳ ಪ್ರವೇಶ ನಿಷೇಧ

* BS-III ಪೆಟ್ರೋಲ್ ವಾಹನಗಳು ಮತ್ತು BS-IV ಡೀಸೆಲ್ ವಾಹನಗಳ ಮೇಲೆ ನಿಷೇಧ

https://www.vijayavani.net/pratima-murder-case-politics-bjp-mla-munirathna-reacts-on-geology-dept-deputy-director-pratima-murder-case