ಚೆನ್ನೈ: ಇಂದು ಚೆನ್ನೈನ ಚೆಪಾಕ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್ನ 13ನೇ ಪಂದ್ಯದಲ್ಲಿ ರುತುರಾಜ್ ಗಾಯಕ್ವಾಡ್ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಿಷಭ್ ಪಂತ್ ಕ್ಯಾಪ್ಟನ್ಸಿಯ ಡೆಲ್ಲಿ ಕ್ಯಾಪಿಟಲ್ಸ್ ಮುಖಾಮುಖಿಯಾಗಿದೆ. ಟಾಸ್ ಗೆದ್ದ ಡೆಲ್ಲಿ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದ್ದು, 20 ಓವರ್ಗಳಲ್ಲಿ 191 ರನ್ ಕಲೆಹಾಕುವಲ್ಲಿ ಯಶಸ್ವಿಯಾಯಿತು.
ಆರಂಭಿಕ ಬ್ಯಾಟ್ಸ್ಮನ್ಗಳಾದ ಡೇವಿಡ್ ವಾರ್ನರ್ ಮತ್ತು ಪೃಥ್ವಿ ಷಾ ಜೋಡಿ ಉತ್ತಮ ಓಪನಿಂಗ್ ಕೊಟ್ಟಿದ್ದು, ಸಿಕ್ಸರ್ಗಳ ಸುರಿಮಳೆ ಹರಿಸಿದ ಈ ಜೋಡಿಯ ಜತೆಯಾಟ 95 ರನ್ಗಳ ಕೊಡುಗೆ ನೀಡಿತು. ತದನಂತರ ಕ್ರೀಸ್ಗೆ ಬಂದ ಮಿಚೆಲ್ ಮಾರ್ಶ್ ಸಿಕ್ಸರ್ಗಳನ್ನು ಸಿಡಿಸಿ 12 ಎಸೆತಗಳಲ್ಲಿ ಕೇವಲ 18 ರನ್ಗೆ ಔಟ್ ಆದರು. ಇನ್ನು ನಾಯಕ ರಿಷಭ್ ಪಂತ್ ಬ್ಯಾಟಿಂಗ್ ಅಬ್ಬರದಿಂದ 191 ರನ್ ತಲುಪುವಲ್ಲಿ ಡೆಲ್ಲಿ ಶಕ್ತವಾಯಿತು.
192 ರನ್ ಗುರಿ ನೀಡಿರುವ ಡೆಲ್ಲಿ ಎದುರು ಸಿಂಹ ಪಡೆಯ ಬ್ಯಾಟ್ಸ್ಮನ್ಗಳು ಹೇಗೆ ಅಬ್ಬರಿಸಲಿದ್ದಾರೆ? ಡೆಲ್ಲಿ ಬಾಯ್ಸ್ ಸಿಡಿಸಿದ ಸಿಕ್ಸರ್ಗಳ ಸುರಿಮಳೆ ಹರಿಸಲಿದ್ದಾರಾ? ಎಂಬುದನ್ನು ಸದ್ಯ ಕಾದು ನೋಡಬೇಕಿದೆ.