‘ಕೆಜಿಎಫ್ ಚಾಪ್ಟರ್ 2’ ಬಗ್ಗೆ ಸದ್ಯ ಎಲ್ಲೆಡೆ ಕುತೂಹಲ ಹೆಚ್ಚಾಗಿದೆ. ಸಿನಿಮಾ ಬಿಡುಗಡೆ ಬಗ್ಗೆಯೂ ದಿನಾಂಕ ಘೋಷಣೆ ಆಗಿರುವುದರಿಂದ ಸಹಜ ಕುತೂಹಲ ಮನೆ ಮಾಡಿದೆ. ಹೀಗಿರುವಾಗಲೇ ಅಭಿಮಾನಿ ಬಳಗ ಒಂದಲ್ಲ ಒಂದು ರೀತಿ ಸಿನಿಮಾವನ್ನು ನೆನಪಿಸಿಕೊಳ್ಳುತ್ತಿದೆ. ಅದರಂತೆ ಇದೀಗ ದೆಹಲಿಯ ನೇಲ್ ಪಾಲಿಷ್ ಆರ್ಟಿಸ್ಟ್ವೊಬ್ಬರು ವಿಭಿನ್ನ ರೀತಿಯಲ್ಲಿ ‘ಕೆಜಿಎಫ್ ಚಾಪ್ಟರ್ 2’ ಚಿತ್ರದ ಬಗೆಗಿನ ತಮ್ಮ ಅಭಿಮಾನವನ್ನು ಹೊರಹಾಕಿದ್ದಾರೆ. ಉಗುರಿನಲ್ಲಿಯೇ ರಾಕಿಭಾಯ್ ಫೋಟೋ ಚಿತ್ರಿಸಿಕೊಂಡು ಚಿತ್ರದ ಬಿಡುಗಡೆಗೆ ಕಾಯುತ್ತಿದ್ದೇನೆ ಎಂದಿದ್ದಾರೆ.
ಇದನ್ನೂ ಓದಿ: ರಂಜಾನ್ ಪ್ರಯುಕ್ತ ಸಲ್ಮಾನ್ ಕಡೆಯಿಂದ 5 ಸಾವಿರ ಕುಟುಂಬಗಳಿಗೆ ವಿಶೇಷ ಗಿಫ್ಟ್!
ಹೌದು, ‘ಕೆಜಿಎಫ್ ಚಾಪ್ಟರ್ 1’ ಚಿತ್ರದ ಮೊದಲ ಲುಕ್ ಬಿಡುಗಡೆ ಬಳಿಕ ಜಾಲತಾಣದಲ್ಲಿ ಯಶ್ ಲುಕ್ ವೈರಲ್ ಆಗಿತ್ತು. ಟ್ರೇಲರ್ ನೋಡಿ, ಯಶ್ ಅವರಂತೆ ಗಡ್ಡ ಬಿಟ್ಟು ಫೋಟೋ ಹಂಚಿಕೊಳ್ಳುತ್ತಿದ್ದರು. ಸಿನಿಮಾ ಬಂದ ಮೇಲಂತೂ, ಟಿಕ್ಟಾಕ್ನಲ್ಲಿ ‘ಕೆಜಿಎಫ್’ ಹವಾ ಸೃಷ್ಟಿಸಿತ್ತು. ಅದೇ ರೀತಿ ಚಾಪ್ಟರ್ 2ರ ಬಗ್ಗೆ ಬೆಟ್ಟದಷ್ಟು ನಿರೀಕ್ಷೆಗಳಿರುವುದರಿಂದ ಆ ಅಭಿಮಾನವನ್ನು ವಿಭಿನ್ನ ರೀತಿಯಲ್ಲಿ ಹೊರಹಾಕುತ್ತಿದ್ದಾರೆ.
ಇದನ್ನೂ ಓದಿ: ಕರಣ್ ಜೋಹರ್ಗೂ ಕರೊನಾ ಕಂಟಕ!
ದೆಹಲಿ ಮೂಲದ ರಿದಮ್ ಅಹುಲ್ವಾಲಿಯಾ ತಮ್ಮ ಉಗುರಿನಲ್ಲಿ ನೇಲ್ ಪಾಲಿಷ್ ಬಳಸಿ ಯಶ್ ಚಿತ್ರ ಬಿಡಿಸಿಕೊಂಡು, ಟ್ವಿಟರ್ ಪೇಜ್ನಲ್ಲಿ ಶೇರ್ ಮಾಡಿದ್ದಾರೆ. ‘ಕೆಜಿಎಫ್ ಚಾಪ್ಟರ್ 2 ಚಿತ್ರಕ್ಕಾಗಿ ಯಾರೆಲ್ಲ ಕಾಯುತ್ತಿದ್ದೀರಿ? ಮೊದಲ ಭಾಗದ ನಿರ್ದೇಶನ ಮತ್ತು ಅದು ಮೂಡಿ ಬಂದ ರೀತಿ, ಪ್ರತಿ ದೃಶ್ಯವೂ ಗೂಸ್ಬಂಪ್ಸ್ ಬರುವಂತಿತ್ತು’ ಎಂದು ಫೋಟೋಗೆ ಕ್ಯಾಪ್ಶನ್ ನೀಡಿದ್ದಾರೆ.
ಸದ್ಯ ಬಹುತೇಕ ಚಿತ್ರೀಕರಣದ ಕೆಲಸಗಳನ್ನು ಮುಗಿಸಿಕೊಂಡಿರುವ ಚಿತ್ರತಂಡ, ಹಾಡುಗಳ ಕೆಲಸದಲ್ಲಿ ತೊಡಗಿಸಿಕೊಂಡಿದೆ. ಅಕ್ಟೋಬರ್ 23ಕ್ಕೆ ಸಿನಿಮಾ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಹೇಳಿಕೊಂಡಿದ್ದು, ಶೀಘ್ರದಲ್ಲಿ ಅಭಿಮಾನಿಗಳಿಗೆ ಚಿತ್ರದ ಬಗೆಗಿನ ಮತ್ತಷ್ಟು ಅಪ್ಡೇಟ್ ಮಾಹಿತಿ ಲಭ್ಯವಾಗಲಿದೆ.
Who else is eagerly waiting for @kgfmovie chapter 2 ?? The first part was directed and presented so well that almost every scene gave goosebumps.
The acting of #rockybhai aka @thenameisyash is so lit 🔥
It's a must watch #KGF2 #kgfchapter2 #kgfchapter1 #kgfmovie #yash#rockybhai pic.twitter.com/AlwiBF1zc8— Rhythm Ahluwalia (@AhluwaliaRhythm) May 25, 2020
ಫೋಟೋದಲ್ಲಿರೋ ಬಾಲಕಿ ಬಾಲಿವುಡ್ನ ಬೋಲ್ಡ್ ಬ್ಯೂಟಿ: ಈಕೆಗಿದೆ ಕರ್ನಾಟಕದ ನಂಟು!