ಆಯುರ್ವೇದ ಔಷಧ ಪದ್ಧತಿಯಲ್ಲಿ ಬಳಕೆಯಲ್ಲಿರುವ ಸ್ಥಳೀಯ ಹಾಗೂ ಅತ್ಯಂತ ಅಪರೂಪದ ಸಸಿಗಳು ಇಲ್ಲಿವೆ. 200ರಷ್ಟು ಮರಗಳಿವೆ. ರುದ್ರಾಕ್ಷಿ, ಬೂರಗ, ಕದಂಬ, ಆಡುಸೋಗೆ, ಲೋಳೆಸರ, ಬಿಳಿದಾಸವಾಳ, ತುಳಸಿ, ಸೀತಾಅಶೋಕ, ಕಾಡು ದಾಲ್ಚಿನಿ, ನೆಲ್ಲಿ, ಬೇಂಗ, ಬಂಟಕೇಪುಳ, ಬಲೀಂದ್ರಪಾಲೆ, ದೊಡ್ಡಗೊಚ್ಚಲು, ನೇರಳೆ, ಬಿದಿಲ ಸೇರಿದಂತೆ 500ಕ್ಕೂ ಮಿಕ್ಕಿದ ಔಷಧೀಯ ಗುಣವುಳ್ಳ ಮರ-ಗಿಡಗಳು ಬೆಳೆದು ನಿಂತಿವೆ. ಔಷಧೀಯ ವನದಲ್ಲಿರುವ ಎಲ್ಲ್ಲ ಗಿಡಗಳ ವಿವರಗಳನ್ನು, ಅವುಗಳ ಔಷಧೀಯ ಗುಣಗಳನ್ನು ಪಕ್ಕದಲ್ಲಿಯೇ ಅಳವಡಿಸಿರುವ ಫಲಕದಲ್ಲಿ ನಮೂದಿಸಲಾಗಿದೆ. ಅಲ್ಲದೆ ವ್ಯಕ್ತಿಯ ಜಾತಕ ನಕ್ಷತ್ರಕ್ಕೆ ಅನುಗುಣವಾಗಿ ಯಾವ ಗಿಡಗಳನ್ನು ಮನೆಯಲ್ಲಿ ನೆಡಬಹುದು ಎನ್ನುವ ಮಾಹಿತಿಯೂ ಔಷಧೀಯ ವನದಲ್ಲಿದೆ.ಸುಂದರ ಪ್ರವೇಶದ್ವಾರವೂ ಇದೆ.
