ಪೂರ್ವ ಲಡಾಖ್ನಲ್ಲಿ ಚೀನಾದೊಂದಿಗೆ ನಡೆಯುತ್ತಿರುವ ಮುಖಾಮುಖಿಯ ಮಧ್ಯೆ ಸೇನೆಗೆ ಅಮೆರಿಕದಿಂದ 72,000ಕ್ಕೂ ಹೆಚ್ಚು ಆಕ್ರಮಣಕಾರಿ ರೈಫಲ್ಗಳು ಸೇರಿದಂತೆ 2,290 ಕೋಟಿ ರೂ. ಮೊತ್ತದ ಶಸ್ತ್ರಾಸ್ತ್ರಗಳನ್ನು ಖರೀದಿಸುವುದಕ್ಕೆ ರಕ್ಷಣಾ ಸಚಿವಾಲಯ ಒಪ್ಪಿಗೆ ನೀಡಿದೆ. ಅಮೆರಿಕದ ಸಿಐಜಿ ಸೌಯರ್ ಸಂಸ್ಥೆಯಿಂದ 780 ಕೋಟಿ ರೂ. ವೆಚ್ಚದಲ್ಲಿ ರೈಫಲ್ಗಳನ್ನು ಖರೀದಿಸಲು ರಕ್ಷಣಾ ಸಚಿವ ರಾಜನಾಥ ಸಿಂಗ್ ನೇತೃತ್ವದ ರಕ್ಷಣಾ ಸ್ವಾಧೀನ ಸಮಿತಿ (ಡಿಎಸಿ) ಅನುಮೋದನೆ ನೀಡಿದೆ. ಇದರ ಜತೆಗೆ 970 ಕೋಟಿ ರೂ.ನಲ್ಲಿ ಸ್ಮಾರ್ಟ್ ಏರ್ಫೀಲ್ಡ್ ಶಸ್ತ್ರಾಸ್ತ್ರಗಳು ಹಾಗೂ 540 ಕೋಟಿ ರೂ.ನಲ್ಲಿ ಎಚ್ಎಫ್ ಟ್ರಾನ್ಸ್ ರಿಸೀವರ್ ಸೆಟ್ಗಳನ್ನು ಖರೀದಿಸಲಾಗುತ್ತಿದೆ. ಭಾರತದಲ್ಲಿ ರಷ್ಯಾದ ಎಕೆ-203 ರೈಫಲ್ಗಳನ್ನು ಸ್ಥಳೀಯವಾಗಿ ತಯಾರಿಸುವ ಯೋಜನೆ ವಿಳಂಬ ವಾಗುತ್ತಿರುವುದ ರಿಂದ ಅವಶ್ಯಕತೆ ಇರುವ ರೈಫಲ್ಗಳನ್ನು ಅಮೆರಿಕ ದಿಂದ ಖರೀದಿಸ ಲಾಗುತ್ತಿದೆ ಎಂದು ತಿಳಿದು ಬಂದಿದೆ.
