ಮುಂಬೈ: ಜೀರೋ ಸಿನಿಮಾ ಸೋಲಿನ ಬಳಿಕ ಬೇರಾವ ಸಿನಿಮಾ ಆಯ್ದುಕೊಳ್ಳದ ಶಾರುಖ್, ಇದೀಗ ಸುದೀರ್ಘ ಎರಡು ವರ್ಷದ ಬಳಿಕ ಪಠಾಣ್ ಚಿತ್ರದ ಶೂಟಿಂಗ್ನಲ್ಲಿ ಪಾಲ್ಗೊಳ್ಳಲು ಉತ್ಸುಕರಾಗಿದ್ದಾರೆ. ಸಾಲು ಸಾಲು ಸೋಲು ಕಂಡು, ಅದರಿಂದ ಕೊಂಚ ಬೇಸರಗೊಂಡಿದ್ದ ಶಾರುಖ್, ಇದೀಗ ಮತ್ತೆ ಹಳೇ ಲಯಕ್ಕೆ ಮರಳುತ್ತಿದ್ದಾರೆ. ಇನ್ನೇನು ಶೂಟಿಂಗ್ ಸಹ ಶುರುವಾಗಲಿದ್ದು, ಜನವರಿ ವೇಳೆಗೆ ದೀಪಿಕಾ, ಪಠಾಣ್ ತಂಡ ಸೇರಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: ಗೋವಾದ ಐಶಾರಾಮಿ ಹಡಗಿನಲ್ಲಿ ಮಗನ ಬರ್ತ್ಡೇ ಆಚರಿಸಿದ ಯಶ್- ರಾಧಿಕಾ
ಇದೀಗ ಇದೇ ಚಿತ್ರದ ಸಂಭಾವನೆ ವಿಚಾರ ಮುನ್ನೆಲೆಗೆ ಬಂದಿದೆ. ಅದರಲ್ಲೂ ನಟಿ ದೀಪಿಕಾ ಎಷ್ಟು ಕೋಟಿ ಸಂಭಾವನೆ ಪಡೆಯುತ್ತಿರಬಹುದು ಎಂಬ ಕುತೂಹಲವೂ ಇದೆ. ಇತ್ತೀಚೆಗಷ್ಟೇ ಪ್ರಭಾಸ್ ಸಿನಿಮಾಕ್ಕೆ 12 ಕೋಟಿ ಸಂಭಾವನೆಯನ್ನು ದೀಪಿಕಾ ಪಡೆದುಕೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಈಗ ಶಾರುಖ್ ಸಿನಿಮಾಕ್ಕೆ 15 ಕೋಟಿಯ ಬೇಡಿಕೆ ಇಟ್ಟಿದ್ದಾರಂತೆ.
ಈ ತಿಂಗಳಾಂತ್ಯಕ್ಕೆ ಪಠಾಣ್ ಸಿನಿಮಾ ಸೆಟ್ಟೇರಲಿದೆ. ಸಿದ್ಧಾರ್ಥ್ ಆನಂದ್ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬರಲಿದ್ದು, ದೀಪಿಕಾ ಜತೆಗೆ ನೆಗೆಟಿವ್ ಲೀಡ್ ಆಗಿ ಜಾನ್ ಅಬ್ರಹಂ ಸಹ ನಟಿಸಲಿದ್ದಾರೆ. ಜಾನ್ ತಮ್ಮ ಪಾತ್ರಕ್ಕೆ 20 ಕೋಟಿ ಸಂಭಾವನೆ ಪಡೆದುಕೊಂಡಿದ್ದಾರೆ. ಅದೇ ರೀತಿ ದೀಪಿಕಾ ಸಹ 14 ರಿಂದ 15 ಕೋಟಿಯ ಬೇಡಿಕೆ ಇಟ್ಟಿದ್ದು, ತಂಡವೂ ನೀಡಲು ಒಪ್ಪಿಕೊಂಡಿದೆಯಂತೆ.
ಇದನ್ನೂ ಓದಿ: ನಾವಿಬ್ರು ಮದ್ವೆಯಾಗೋಣ ನಾಗಚೈತನ್ಯಗೆ ಡಿವೋರ್ಸ್ ಕೊಡಿ ಎಂದ ಫ್ಯಾನ್: ಸಮಂತಾ ಉತ್ತರಕ್ಕೆ ಭಾರಿ ಮೆಚ್ಚುಗೆ!
ಶಾರುಖ್ ಖಾನ್ ಸಂಭಾವನೆಯನ್ನೂ ಸೇರಿ ಪಠಾಣ್ ಚಿತ್ರದ ಒಟ್ಟಾರೆ ಬಜೆಟ್ 200 ಕೋಟಿ. ಪಕ್ಕಾ ಆ್ಯಕ್ಷನ್ ಸಿನಿಮಾ ಇದಾಗಿರಲಿದ್ದು, 2021ರ ದೀಪಾವಳಿಗೆ ಬಿಡುಗಡೆ ಮಾಡುವುದು ತಮಡದ ಪ್ಲ್ಯಾನ್.
‘ಮಮ್ಮಿ’ ಲೋಹಿತ್ ನಿರ್ಮಾಣದ ಚಿತ್ರದಲ್ಲಿ ಡಿಂಪಲ್ ಕ್ವೀನ್ ರಚಿತಾ ನಾಯಕಿ