ದೀಪಾವಳಿ ರಾಶಿ ಫಲ: 2024ರ ನವೆಂಬರ್​ನಿಂದ 2025ರ ಅಕ್ಟೋಬರ್​ವರೆಗೆ ನಿಮ್ಮ ಭವಿಷ್ಯ ಹೇಗಿದೆ ನೋಡಿ... Deepavali Raashi phala

ಗುರುವು ಶುಭನಾಗಿ 2025ರ ಮೇವರೆಗೆ ದ್ವಿತೀಯದಲ್ಲಿ ಸಂಚರಿಸುತ್ತಿದ್ದು, ಕುಟುಂಬದಲ್ಲಿ ಒಳ್ಳೆಯ ವಾತಾವರಣ, ಯತ್ನ ಕಾರ್ಯಸಿದ್ದಿ, ಬಂಧು- ಮಿತ್ರರಿಂದ ಸಹಾಯ, ಪುಣ್ಯ ಕ್ಷೇತ್ರಗಳ ದರ್ಶನದಿಂದ ದೇವಕೃಪೆ, ಮನಸ್ಸಿಗೆ ಶಾಂತಿ, ಸಾರ್ವಜನಿಕ ಜೀವನದಲ್ಲಿ ಗೌರವ ಪ್ರಾಪ್ತಿ, ಧನಲಾಭ, ವಾಹನ ಲಾಭ, ವ್ಯಾಪಾರ ಉದ್ಯೋಗದಲ್ಲಿ ಅಭಿವೃದ್ಧಿ, ಸ್ಥಿರಾಸ್ಥಿ ಸಂಪಾದನೆ, ಕೋರ್ಟು ವ್ಯವಹಾರಗಳಲ್ಲಿ ಪ್ರಗತಿ, ಅವಿವಾಹಿತರಿಗೆ ವಿವಾಹಕ್ಕೆ ಶುಭ ಕಾಲ, ತಾಂತ್ರಿಕತೆಯಲ್ಲಿ ಕೌಶಲ ಅಭಿವೃದ್ಧಿ, ದುಡಿದ ಕಾರ್ಯಗಳಿಗೆ ಪ್ರತಿಫಲ ಕಾಣುವಿರಿ, ಮತ್ತಷ್ಟು ಪ್ರಯತ್ನ ಮಾಡಿದರೆ ಉನ್ನತಿ ಕಾಣಬಹುದು. ರಾಹು ಗ್ರಹವು 12ರಲ್ಲಿ ಸಂಚಾರ ಶುಭವು, ಇತರರಿಗೆ ಸಹಾಯ ಮಾಡುವ ಗುಣವು, ತ್ಯಾಗಮಯ ಜೀವನ, ಈ ಅವಧಿಯಲ್ಲಿ ಆರೋಗ್ಯ ಕಾಪಾಡಿಕೊಳ್ಳುವ ತಂತ್ರಗಾರಿಕೆಯ ಅನುಭವ ಪಡೆಯುವಿರಿ. ಮುಂದಿನ ಯೋಜನೆಗಳನ್ನು ರೂಪಿಸಿಕೊಳ್ಳುವ ಕಾರ್ಯಪ್ರವೃತ್ತಿ ಇತರ ಸಂಸ್ಥೆಗಳೊಂದಿಗೆ ಉತ್ತಮ ಬಾಂಧವ್ಯ ಬೆಳೆಸುವಿರಿ, ವಿದೇಶ ಪ್ರವಾಸಕ್ಕೆ ಉತ್ತಮ ಸಮಯ, ಕಾರ್ಯವೈಖರಿಗಳಲ್ಲಿ ಅನೇಕ ಬದಲಾವಣೆಗಳನ್ನು ಕಾಣುವಿರಿ, ಧೈರ್ಯ ಬುದ್ಧಿ ಪರಾಕ್ರಮ ವೃದ್ಧಿಸುವುದು, ಶತ್ರುಗಳ ನಾಶವು, ಭೂಮಿಯಿಂದ ಲಾಭ ಪಡೆಯುವಿರಿ. ಧರ್ಮ ಕಾರ್ಯಗಳಿಗೆ ಧನ ವ್ಯಯವು. ಇದರಿಂದ ಮನಸ್ತುಷ್ಟಿ ಪಡೆದು ಯಶಸ್ಸನ್ನು ಕಾಣುವಿರಿ. ಅನಾರೋಗ್ಯದಿಂದ ಬಳಲುತ್ತಿರುವವರಿಗೆ ಉತ್ತಮ ಚಿಕಿತ್ಸೆ ದೊರೆತು ಆರೋಗ್ಯವಂತರಾಗುವ ಸಮಯ, ಆಧ್ಯಾತ್ಮಿಕ ಚಿಂತನೆಯ ಕಡೆ ಹೆಚ್ಚಿನ ಒಲವು, ಚಂಚಲ ಮನಸ್ಸನ್ನು ನಿಯಂತ್ರಿತಗೊಳಿಸಿದರೆ ಉತ್ತಮ ಫಲ. ಯುಗಾದಿ ನಂತರ ಗ್ರಹಗಳ ಚಲನೆಗಳಿಂದ ಫಲಾಫಲ ಮಾರ್ಪಡುವುವು, ಶನೇಶ್ಚರನ ಮೀನ ಪ್ರವೇಶದಿಂದ ಸಾಡೇಸಾತಿ ಪ್ರಾರಂಭ ಸಮಯ, ಗುರು ಗ್ರಹವು ವೃಷಭ ರಾಶಿಯಿಂದ ಮಿಥುನ ಪ್ರವೇಶವು ಸಹ ಶುಭಕರವಾಗಿ ಕಂಡು ಬರುವುದಿಲ್ಲ, ವ್ಯಾಪಾರ ಉದ್ಯೋಗಗಳಲ್ಲಿ ವಿಘ್ನ, ಹಣದ ಅಡಚಣೆ, ಬಂಧು-ಮಿತ್ರ ವಿರೋಧ, ಮೇಲಧಿಕಾರಿಗಳಿಂದ ತೊಂದರೆ, ಅನಾರೋಗ್ಯ, ವೃಥಾ ತಿರುಗಾಟ, ನೆರೆಹೊರೆಯವರ ವೈರತ್ವ ಸಾಧ್ಯತೆೆ. ಜೀವನವನ್ನು ಬಹು ಎಚ್ಚರಿಕೆಯಿಂದ ನಿಭಾಯಿಸಲು ಕಾಯರ್åತಂತ್ರ ರೂಪಿಸುವ ಸಮಯ, ದೇವತಾ ಕಾರ್ಯಗಳನ್ನು ಜೀವನ ಶೈಲಿಯಲ್ಲಿ ರೂಪಿಸಿಕೊಂಡರೆ, ಮನ್ನೆಚ್ಚರಿಕೆ ವಹಿಸಿದರೆ, ಅಶುಭ ಫಲಗಳಿಂದ ಪಾರಾಗಬಹುದು. ಧೈರ್ಯದಿಂದ ಮುನ್ನುಗ್ಗಿದರೆ ಯಾವುದೇ ಕೆಲಸವನ್ನು ಸಾಧಿಸುವಿರಿ.

ಶನೇಶ್ಚರನು ಯೋಗಕಾರಕನಾಗಿ, ಉದ್ಯೋಗ, ವೃತ್ತಿಯಲ್ಲಿ ಮುನ್ನಡೆಸುತ್ತಿದ್ದಾನೆ. ಧನ ಸಂಪಾದನೆಗೆ ಅನುಕೂಲ ಮಾಡಿಕೊಡುತ್ತಿದ್ದಾನೆ. ನೂತನ ವೃತ್ತಿ ವ್ಯಾಪಾರ ಮಾಡುವವರಿಗೆ ಶುಭ. ತಂದೆಯ ಆರೋಗ್ಯಕ್ಕೆ ವೆಚ್ಚ, ಆರೋಗ್ಯದಲ್ಲಿ ಎಚ್ಚರಿಕೆ ವಹಿಸುವುದು ಒಳ್ಳೆಯದು. ಶನೇಶ್ಚರನು ಯುಗಾದಿಯ ನಂತರ ಲಾಭ ಸ್ಥಾನದಲ್ಲಿ ಸಂಚರಿಸುವುದರಿಂದ ಉದ್ಯೋಗದಲ್ಲಿ ಬಡ್ತಿ, ನೂತನ ವ್ಯಾಪಾರ ಪ್ರಾರಂಭಿಸುವವರಿಗೆ ಹೆಚ್ಚಿನ ಲಾಭ, ಆರೋಗ್ಯದಲ್ಲಿ ಸುಧಾರಣೆ, ಕುಟುಂಬದಲ್ಲಿ ನೆಮ್ಮದಿ. ಕೃಷಿಯಲ್ಲಿ ಅಧಿಕ ಲಾಭ. ಪುಣ್ಯ ಕ್ಷೇತ್ರ ದರ್ಶನ, ಶುಭ ಕಾರ್ಯ ಯತ್ನದಲ್ಲಿ ಪ್ರಗತಿ, ಧರ್ಮ ಕಾರ್ಯಾಸಕ್ತಿ, ವ್ಯವಹಾರಗಳಲ್ಲಿ ಉತ್ತಮ ಫಲ. ಮುಂದಿನ ಯುಗಾದಿವರೆಗೂ ಗುರುವು ವೃಷಭನಾಗಿದ್ದರೂ ಆನಂತರ ಶುಭದಾಯಕನಾಗಿರುತ್ತಾನೆ. ಮನಸ್ಸಿಗೆ ಚಿಂತೆ, ಅನಾರೋಗ್ಯದ ಲಕ್ಷಣ, ಹಣಕಾಸಿನ ತೊಂದರೆ, ವಿವಾಹಾದಿ ಮಂಗಳ ಕಾರ್ಯಗಳಿಗೆ ಅಡ್ಡಿ, ಜನರೊಡನೆ ಮನಸ್ತಾಪ, ಗುರು ಚಂದ್ರ ರಾಶಿಯಲ್ಲಿ ಸಂಚರಿಸುವಾಗ ಭೋಜನ ಸುಖ, ವಸ್ತ್ರ ಖರೀದಿ ನೀಡಿದರೂ ಕುಟುಂಬದಲ್ಲಿ ನೆಮ್ಮದಿ ಕಡಿತ. ಹಿತಶತ್ರುಗಳಿಂದ ತೊಂದರೆ. ಸಂಯಮದಿಂದ ಕಾಲ ಮುಂದೂಡಿ. ರಾಹು ಲಾಭದಲ್ಲಿ ಮೇ 25ರವರೆಗೆ ಸಂಚರಿಸುತ್ತಿದ್ದು, ಹೊಸ ಸ್ನೇಹಿತರು ದೊರೆಯುವರು. ಕನಸುಗಳೆಲ್ಲವೂ ನನಸಾಗುವ ಸಮಯ. ವ್ಯಾಪಾರಸ್ಥರಿಗೆ ಉತ್ತಮ ಸಮಯ, ನೂತನ ಅವಕಾಶ. ಆದಾಯ ದ್ವಿಗುಣ. ಕೇತು ಪಂಚಮದಲ್ಲಿ ಚಲಿಸುತ್ತಾ ಗುರುವಿನ ದೃಷ್ಟಿಗೆ ಒಳಪಟ್ಟಿರುವುದರಿಂದ ಸಂತಾನ ಭಾಗ್ಯ. ಆಧ್ಯಾತ್ಮಿಕ ಒಲವು, ಮಕ್ಕಳಿಂದ ಅಥವಾ ಮಕ್ಕಳಿಗೆ ತೊಂದರೆ ಇದ್ದರೆ ದೈವಶಕ್ತಿಗಳಿಂದ ಪರಿಹಾರ ದೊರೆಯುವ ಸಾಧ್ಯತೆ. ಮಕ್ಕಳ ಆರೋಗ್ಯದ ಬಗ್ಗೆ ಎಚ್ಚರ. ಆತ್ಮಬಲದಿಂದ, ಶಾಂತಿಯಿಂದ, ಧೈರ್ಯದಿಂದ ಜೀವನ ನಡೆಸುವುದರಿಂದ ಶುಭ ಫಲ. ಯುಗಾದಿ ನಂತರ ಕೇತು ಚತುರ್ಥಕ್ಕೆ ಪ್ರವೇಶಿಸಿದಾಗ ಗೃಹದಲ್ಲಿ ಬದಲಾವಣೆ, ಅಶಾಂತಿ; ವಿಶ್ರಾಂತಿ ಜೀವನ ನಡೆಸಲು ಪ್ರೇರೇಪಣೆ, ಸಮಾಜದಿಂದ ದೂರ, ಹಿಂದೆ ಮಾಡಿದ ತಪ್ಪುಗಳಿದ್ದರೆ ಸರಿಪಡಿಸಿಕೊಂಡು ನಡೆಯುವ ಸಮಯ, ಕಾಲಹರಣವಾಗಿದ್ದರೆ ತಿದ್ದುಪಡಿ ಸಮಯ, ಸ್ಥಿರಾಸ್ತಿ, ಸಾಲ ಮಾಡುವುದು, ಗೌರವಕ್ಕೆ ಧಕ್ಕೆ ತರುವ ವಿಚಾರಗಳು. ಬಹಳ ಎಚ್ಚರಿಕೆಯಿಂದ ಚಿಂತಿಸಿ ನಿರ್ಧಾರ ತೆಗೆದುಕೊಳ್ಳಿ.

ಶುಭ ಕಾರ್ಯಗಳಿಗೆ ವ್ಯಯ, ಪರಸ್ಥಳ ವಾಸ, ಆಸ್ಪತ್ರೆಯ ಖರ್ಚು, ವಿದೇಶ ಪ್ರವಾಸ, ವೃತ್ತಿ- ವ್ಯಾಪಾರದಲ್ಲಿ ಮಧ್ಯಮ ಫಲ, ಕುಟುಂಬದಲ್ಲಿ ವಿರಸ, ಯತ್ನ ಕಾರ್ಯ ವಿಘ್ನ, ವ್ಯವಸಾಯದಲ್ಲಿ ಸಾಧಾರಣ ಫಲ, ತಿರುಗಾಟ, ಸರ್ಕಾರಿ ಕೆಲಸಗಳಲ್ಲಿ ವಿಘ್ನ, ಯುಗಾದಿಯ ನಂತರ ಗುರು ಮಿಥುನ ಪ್ರವೇಶ, ಈ ಸಂಚಾರ ಕಾಲದಲ್ಲಿ ಗುರುವಿನಿಂದ ಮೃಷ್ಟಾನ್ನ ಭೋಜನ, ವಸ್ತ್ರಾಭರಣ ಖರೀದಿ, ಪುತ್ರರಿಂದ ಲಾಭ, ಅವಿವಾಹಿತರಿಗೆ ವಿವಾಹಯೋಗ, ಭಾಗ್ಯವನ್ನು ತೆರೆಯುವ ಸಮಯ, ತಂದೆಗೆ ವೃತ್ತಿಯಲ್ಲಿ, ವ್ಯಾಪಾರದಲ್ಲಿ ಲಾಭ, ಗೃಹದಲ್ಲಿ ಶುಭ ಕಾರ್ಯಗಳು ನಡೆಯುವ ಸಾಧ್ಯತೆ, ಕುಲದೇವತಾ ಅನುಗ್ರಹವಾಗಿ ಕುಲ ಬೆಳಗುವ ಸಮಯ, ಸಂತಾನವೃದ್ಧಿ, ಪಿತೃಸಮಾನರು ಅನಾರೋಗ್ಯದಿಂದ ಬಳಲುತ್ತಿದ್ದರೆ ಉತ್ತಮ ಚಿಕಿತ್ಸೆ ದೊರೆತು ಆರೋಗ್ಯವಂತರಾಗುತ್ತಾರೆ. ಪತಿ ಪತ್ನಿಗೆ ಶುಭ. ಶನೇಶ್ಚರನು ಕರ್ಮಕಾರಕನಾಗಿ ನವಮದಲ್ಲಿ ಚಲಿಸುವಾಗ ಜಾತಕನಿಗೆ ಆರೋಗ್ಯ, ಸಂಪತ್ತು, ಅಭಿವೃದ್ಧಿ ಸುಖ ಸಂತೋಷ, ಗೌರವ, ನಾಯಕತ್ವ, ಅಧಿಕಾರ, ವಾಹನ ಸೌಖ್ಯ, ಲಾಭ ಇತ್ಯಾದಿ ಶುಭಫಲಗಳನ್ನು ನೀಡುತ್ತಾನೆ. ಆದರೆ ಜಾತಕನು ಆರೋಗ್ಯದ ಕಡೆ ಹೆಚ್ಚು ಗಮನ ಹರಿಸಬೇಕು. ಮಾತಾ ಪಿತೃಗಳ ಕಡೆಯೂ ಹೆಚ್ಚು ಗಮನ ಹರಿಸಬೇಕು. ಚತುರ ಗುಣಗಳೊಂದಿಗೆ ದ್ವಿಸ್ವಭಾವವುಳ್ಳ ಮಿಥುನ ರಾಶಿಯವರಿಗೆ ದೇವಗುರು ಬೃಹಸ್ಪತಿ ವ್ಯಯಭಾವದಲ್ಲಿ ಸಂಚರಿಸಿ ಯುಗಾದಿಯ ನಂತರ ನಿಮ್ಮ ಜನ್ಮರಾಶಿಗೆ ಪ್ರವೇಶಿಸಿ ಆರೋಗ್ಯದಲ್ಲಿ ಸುಧಾರಣೆ, ದೇವತಾ ದರ್ಶನದಿಂದ ನೆಮ್ಮದಿಯ ವಾತಾವರಣ, ಶುಭಕಾರ್ಯ ಯತ್ನಫಲ, ಉದ್ಯೋಗದಲ್ಲಿ ಪ್ರಗತಿ ಕಂಡುಬಂದರೂ ಅನಂತರ ಮಿಥುನ ರಾಶಿಗೆ ಗುರು ಪ್ರವೇಶಿಸಿದಾಗ ಅನಾರೋಗ್ಯ, ಕುಟುಂಬದಲ್ಲಿ ಕಲಹ, ಆರ್ಥಿಕ ಮುಗ್ಗಟ್ಟು ಕಂಡುಬರುವುದು. ಯುಗಾದಿಯ ನಂತರ ಗುರುವಿನ ದೃಷ್ಟಿಯ ಫಲದಿಂದ ಪುತ್ರ ಸಂತಾನ ಲಾಭ, ಮಕ್ಕಳಿಗೆ ಯಶಸ್ಸು, ಕುಲದೇವತಾ ಅನುಗ್ರಹ, ಪತ್ನಿಯಿಂದ ಲಾಭ, ಭಾಗ್ಯಭಾವವನ್ನು ಗುರು ವೀಕ್ಷಿಸುವುದರಿಂದ ಅನೇಕ ಗುರಿ ಮುಟ್ಟುವ ಸಾಧ್ಯತೆಗಳಿವೆ. ರಾಹು ಮೀನ ರಾಶಿಯಲ್ಲಿ ಮೇ 2025ರವರೆಗೆ ಸಂಚರಿಸುವಾಗ ಮಿಥುನ ರಾಶಿಯವರಿಗೆ ಸಮಾಜದಲ್ಲಿ ಗೌರವ ಹಾಗೂ ಜನತೆಯಲ್ಲಿ ಗುರುತಿಸಲ್ಪಟ್ಟು ಗೌರವ ಸನ್ಮಾನ ಹೊಂದುವಿರಿ. ಸಮಾಜಮುಖಿ ಕೆಲಸ ಮಾಡುವುದರಲ್ಲಿ ಕಾರ್ಯೋನ್ಮುಖವಾಗಿ ಕುಟುಂಬವನ್ನು ಮರೆಯುವಿರಿ. ತ್ಯಾಗಮಯ ಜೀವನ ನಡೆಸುವಿರಿ. ಒಳ್ಳೆಯ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ತಮ್ಮ ವ್ಯಾಪಾರ-ವ್ಯವಹಾರ ವೃದ್ಧಿಗೊಳಿಸಲು ಉತ್ತಮ ಸಮಯ. ಮೇ ನಂತರ ರಾಹು ಕುಂಭ ಪ್ರವೇಶ ನವಮ ರಾಹು ಆಧ್ಯಾತ್ಮದ ಕಡೆ ಮನಸ್ಸು ಬದಲಾಗುವುದು. ದೂರ ಪ್ರಯಾಣ, ಒಡ ಹುಟ್ಟಿದವರಿಗೆ ಶುಭ ಸಮಯ, ಉತ್ತಮ ಫಲ ದೊರೆಯುವುದು. ಕೇತುವಿನ ಪ್ರಭಾವದಿಂದ ಗೃಹದಲ್ಲಿ ಸ್ವಲ್ಪ ಮಟ್ಟಿಗೆ ಬದಲಾವಣೆಗಳು ಕಂಡುಬಂದರೂ ಶಾಂತಿ ಕದಡುವ ವಾತಾವರಣ ಜೀವನದಲ್ಲಿ ಹಿಂದೆ ಮಾಡಿದ ತಪ್ಪುಗಳಿದ್ದರೆ ಸರಿಪಡಿಸಿಕೊಳ್ಳುವ ಸಮಯ. ಸ್ಥಿರಾಸ್ತಿಗಳ ಬಗ್ಗೆ ಎಚ್ಚರ ಅಗತ್ಯ, ಮೇ ನಂತರ ಒಡಹುಟ್ಟಿದವರಿಂದ ಮಾನಸಿಕ ಒತ್ತಡ, ಅಕ್ಕ-ಪಕ್ಕದವರಿಂದ ತೊಂದರೆ, ಪ್ರಯಾಣದಲ್ಲಿ ತೊಂದರೆ, ಜೀವನದಲ್ಲಿ ಪಾಠ ಕಲಿಯಲು ಉತ್ತಮ ಸಮಯ.

ಕಾಡಿನ ರಾಜ ಸಿಂಹದಂತೆ ಆಳಬಯಸುವ ಸಿಂಹ ರಾಶಿಯವರಿಗೆ ಪ್ರಸ್ತುತ ದಶಮದಲ್ಲಿ ಗುರು ಸಂಚಾರ ಹಾಗೂ ಮೇ ನಂತರ ಲಾಭದಲ್ಲಿ ಗುರು ಸಂಚಾರವಾಗುವುದು. ಹಣಕಾಸಿನ ವ್ಯವಹಾರದಲ್ಲಿ ಶುಭ, ಮಾತೃವಿಗೆ ಶುಭ, ಮಾತೃವಿಗೆ ಆರೋಗ್ಯದಲ್ಲಿ ಚೇತರಿಕೆ, ಜಾತಕನಿಗೆ ಉತ್ತಮವಾದ ಚಿಕಿತ್ಸೆ ದೊರೆಯುವುದು. ಯುಗಾದಿಯ ನಂತರ ಪ್ರಯಾಣ, ಪುತ್ರಸಂತಾನಕ್ಕೆ ಶುಭ, ಮಕ್ಕಳಿಗೆ ವಿದ್ಯಾಭ್ಯಾಸದಲ್ಲಿ ಪ್ರಗತಿ, ಅವಿವಾಹಿತರಿಗೆ ವಿವಾಹ ಪ್ರಾಪ್ತಿ, ಇತರ ಶುಭಫಲಗಳು ಪ್ರಾಪ್ತಿಯಾಗುವುವು. ದಶಮ ಗುರು ಈ ಜನ್ಮ ರಾಶಿಯವರಿಗೆ ವೃತ್ತಿ ಮತ್ತು ವ್ಯಾಪಾರದಲ್ಲಿ ಮಂದಗತಿಯಾಗುವುದು, ಬಡ್ತಿ ಮುಂದೂಡಲ್ಪಡುವುದು, ಮೇಲಧಿಕಾರಿಗಳಿಂದ ತೊಂದರೆಗಳಿಗೆ ಒಳಗಾಗುವರು, ಈ ಅಶುಭ ಫಲಗಳೆಲ್ಲವೂ ಮೇ ನಂತರ ಮಾಯವಾಗಿ ಶುಭಫಲದ ಹಾದಿಯಲ್ಲಿ ದೇವಗುರು ಶುಭಫಲಗಳನ್ನು ನೀಡಲು ಪ್ರಾರಂಭಿಸುವನು. ಆದರೆ ಪ್ರಸ್ತುತ ಶನೇಶ್ಚರನು ಸಪ್ತಮದಲ್ಲಿ ಸಂಚರಿಸುತ್ತಿದ್ದು, ಯುಗಾದಿ ಹಬ್ಬದ ನಂತರ ಅಷ್ಟಮದಲ್ಲಿ ಪ್ರಯಾಣಿಸುವನು. ಈ ಗೋಚಾರ ಶನೇಶ್ಚರನನ್ನು ಅಷ್ಟಮ ಶನಿ ಎನ್ನುವರು. ಶನೇಶ್ಚರನು ಮುಂದಿನ ಯುಗಾದಿಯ ಪ್ರಾರಂಭದಿಂದ ಅಷ್ಟಮ ಭಾವದಲ್ಲಿ ಗೋಚರಿಸುವ ಪರಿಣಾಮ ಶಾರೀರಿಕವಾಗಿ, ಮಾನಸಿಕವಾಗಿ ಒತ್ತಡ ಹೇರುವನು. ಪ್ರಯತ್ನಪೂರ್ವಕವಾಗಿ ಮಾಡುವ ಕೆಲಸಗಳು ಮಂದಗತಿಯಲ್ಲಿ ಸಾಗುವುವು. ಕುಟುಂಬದಲ್ಲಿ ಒಂಟಿ ಜೀವನ ಸಾಗುವುದು. ನಾನಾ ಕಾರ್ಯಗಳಲ್ಲಿ ವಿರೋಧ, ಆರೋಗ್ಯ ಬಾಧೆ, ಧನಕ್ಷಯ ಉಂಟಾಗುವ ಸಾಧ್ಯತೆಗಳಿವೆ. ವೃತ್ತಿ ಮತ್ತು ವ್ಯಾಪಾರದಲ್ಲಿ ಹಿನ್ನಡೆ, ನೇತ್ರಬಾಧೆ ಹಾಗೂ ಹೊಟ್ಟೆಯ ಭಾಗಗಳಲ್ಲಿ ಆರೋಗ್ಯ ಬಾಧೆ ಉಂಟಾಗುವುದು. ಸ್ನೇಹಿತರು ಹಾಗೂ ಕುಟುಂಬ ವರ್ಗದವರಿಂದ ನೆರವು ಸಿಗುವುದಿಲ್ಲ. ವೆಚ್ಚವು ಅಧಿಕವಾಗುವುದು, ಸರ್ಕಾರಿ ನೌಕರರಿಗೆ ದೂರದ ಊರುಗಳಿಗೆ ವರ್ಗಾವಣೆಯಾಗುವ ಸಂಭವ, ಆರೋಗ್ಯದಲ್ಲಿ ಹೆಚ್ಚು ಗಮನಹರಿಸುವುದು ಉತ್ತಮ. ಮೇ ತಿಂಗಳ ನಂತರ ರಾಹು ಸಪ್ತಮ ಸಂಚಾರ ಕಾಲದಲ್ಲಿ ಸಿಂಹರಾಶಿಯವರಿಗೆ ಜನಸೇವಾ ವಿಚಾರಗಳಲ್ಲಿ ಹೆಚ್ಚು ಜನಪ್ರಿಯತೆ ಗಳಿಸುವರು. ಗೃಹದಲ್ಲಿ ಶುಭ ಸಮಾರಂಭಗಳು ನಡೆಯುವವು. ಸಮಾಜದಲ್ಲಿ ಇವರಿಗೆ ಎಲ್ಲರೂ ಸಹಕಾರ ನೀಡುವರು. ಮುಂದಿನ ಯುಗಾದಿಯವರೆಗಿನ ಅಷ್ಟಮ ರಾಹು ಶಾರೀರಿಕ ಬದಲಾವಣೆಯನ್ನು ನೀಡುವನು, ಭಾವನಾತ್ಮಕ ಮನೋಚಿಂತನೆಗಳನ್ನು ಅಧಿಕಗೊಳಿಸುವನು, ಗುಪ್ತಾಂಗಗಳ ವ್ಯಾಧಿಗಳ ಬಗ್ಗೆ ಬಹು ಎಚ್ಚರಿಕೆಯಿಂದಿರಬೇಕು. ಮುಂದಿನ ಮೇ ತಿಂಗಳವರೆಗೆ ಕೇತು ದ್ವಿತೀಯದಲ್ಲಿ ಸ್ಥಿತನಿದ್ದು ಹಣದ ವಿಚಾರದಲ್ಲಿ ಹೆಚ್ಚು ಜಾಗೃತಗೊಳಿಸಬೇಕು, ಮಾತಿನಿಂದ ಕಲಹ, ಕುಟುಂಬದಲ್ಲಿ ಅಶಾಂತಿ, ಆರ್ಥಿಕ ಸಂಕಷ್ಟಗಳು ಎದುರಾಗಬಹುದು. ಮೇ ನಂತರ ಕೇತು ರಾಶಿ ಸಂಚಾರನಾಗಿದ್ದು, ಜೀವನ ಶೈಲಿಯನ್ನು ಆಧ್ಯಾತ್ಮದ ಕಡೆಗೆ ನಡೆಸುವನು, ಭಯ- ಭಕ್ತಿ, ದೇವರು- ಭಜನೆ ಜ್ಞಾನದ ಕಡೆಯಲ್ಲಿ ಸಂಚರಿಸುವನು. ಹಿಂದೆ ಮಾಡಿದ ಕೆಲಸಕಾರ್ಯಗಳೆಲ್ಲವೂ ಈ ಸಮಯದಲ್ಲಿ ಫಲ ನೀಡಿ ಪ್ರಶಸ್ತಿಗಳಿಗೆ ಕಾರಣವಾಗುವುದು, ಉದ್ವೇಗ, ಚಿತ್ತಭ್ರಮೆ, ನರದೌರ್ಬಲ್ಯವನ್ನು ಕಾಪಾಡಿಕೊಂಡರೆ ಉತ್ತಮ ಫಲ.

ಕಟಕ ರಾಶಿಯ ಸ್ವಾಮಿ ಚಂದ್ರ, ಚಂದ್ರಮನಂತೆ ಚಂಚಲ ಸ್ವಭಾವವು, ಕರ್ತವ್ಯ ತತ್ಪರತೆಯುಳ್ಳ ಕಟಕ ರಾಶಿಯ ಜಾತಕರಿಗೆ ಮೇ 2025ರವರೆಗೆ ಗುರು ಲಾಭೋ ಗುರು ಎಂಬ ಫಲದೀಪಿಕಾ ಗ್ರಂಥೋಕ್ತಿಯಂತೆ ಬಹು ಲಾಭವನ್ನು ಹೊಂದುವಿರಿ, ಧನ-ಧಾನ್ಯ, ಲಾಭ-ಸಂಪತ್ತು, ನಿವೇಶನ, ನೂತನ ಗೃಹ, ವಾಹನಗಳನ್ನು ಹೊಂದಲು ದೇವ ಗುರುವಿನ ಕೃಪೆಯಿದೆ. ಜ್ಞಾನ ನಿಧಿ, ಉನ್ನತ ಶಿಕ್ಷಣ, ಸಂಶೋಧನೆ, ಸ್ನಾತಕೋತ್ತರ, ವಿದ್ಯಾರ್ಜನೆಗಳು ಸಫಲವಾಗುವುದು, ವಿವಾಹಾಕಾಂಕ್ಷಿಗಳಿಗೆ ವಿವಾಹಯೋಗ, ಉದ್ಯೋಗಸ್ಥರಿಗೆ ಬಡ್ತಿ ದೊರೆಯುವುದು, ಸ್ಥಾನ ಲಾಭ ಸರ್ವಶುಭ, ಆರೋಗ್ಯದಲ್ಲಿ ಉತ್ತಮ, ಸರ್ಕಾರಿ ಕೆಲಸಗಳಲ್ಲಿ ಸಹಾಯ, ಪ್ರಯಾಣದಲ್ಲಿ ಶುಭ, ಯಶಸ್ವಿ, ಇತ್ಯಾದಿ ಶುಭ ಫಲಗಳು, ಒಡಹುಟ್ಟಿದವರಿಗೆ ಶುಭ, ಪುತ್ರ ಸಂತಾನಕ್ಕೆ ಶುಭ, ಮಕ್ಕಳಿಂದ ಉತ್ತಮ ವಾರ್ತೆ, ಪತ್ನಿಯ ಆರೋಗ್ಯದಲ್ಲಿ ಸುಧಾರಣೆ ಹಾಗೂ ಶುಭ, ಮೇ ನಂತರ ಗುರು ಮಿಥುನ ಪ್ರವೇಶ ಮಾಡಿದಾಗ ದೇವಗುರುವಿನ ಬಲ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗಿ ಆಸ್ಪತ್ರೆ ವೆಚ್ಚ, ಸ್ಥಾನಪಲ್ಲಟ, ವೃತ್ತಿಯಲ್ಲಿ ಅಸಮಾಧಾನ, ವಿದೇಶ ಪ್ರಯಾಣ ಸಾಧ್ಯತೆಗಳು ಕಂಡುಬರುವುದು. ಅಷ್ಟಮ ಶನಿಯ ಪ್ರಭಾವದಿಂದಾಗಿ ವಾಹನ ಚಾಲನೆಯಲ್ಲಿ ಜಾಗೃತರಾಗಿರಬೇಕು, ನೇತ್ರಬಾಧೆ, ಹೊಟ್ಟೆಯ ಬಾಧೆಗಳಿಂದ ನರಳುವ ಸಾಧ್ಯತೆ, ಕೋರ್ಟು ಕಛೇರಿ ಅಲೆದಾಡುವಿಕೆ, ಕುಟುಂಬದವರಿಂದ, ಸ್ನೇಹಿತರಿಂದ ದೂರ, ಕಲಹ ಏರ್ಪಡುವುದು, ಮಾನಸಿಕ ಒತ್ತಡದಿಂದ ಬಳಲುವಿಕೆ, ವರಮಾನಕ್ಕಿಂತ ಅಧಿಕ ವೆಚ್ಚ, ನಿರೀಕ್ಷಿತ ಯೋಜನೆಗಳಲ್ಲಿ ಅಡೆತಡೆಗಳು ಏರ್ಪಡುವವು. ಯುಗಾದಿಯ ನಂತರ ಶನೇಶ್ಚರನು ನವಮದಲ್ಲಿ ಸಂಚರಿಸುವಾಗ ಆರೋಗ್ಯದಲ್ಲಿ ಸುಧಾರಣೆ, ಕುಟುಂಬ ಸೌಖ್ಯ, ಅಭಿವೃದ್ಧಿ, ಆಸ್ತಿ ಖರೀದಿ, ಅಷ್ಟಮ ಶನಿ ಪ್ರಭಾವದಿಂದ ಮುಕ್ತಿ ಹೊಂದಿ ಸುಖಜೀವನದ ಕಡೆ ಸಾಗುವಿರಿ. ಮೇ ತಿಂಗಳವರೆಗೆ ರಾಹು ನವಮದಲ್ಲಿ ಸಂಚರಿಸುತ್ತಿದ್ದು ದೂರ ಪ್ರಯಾಣ, ಆಧ್ಯಾತ್ಮದಲ್ಲಿ ಬೆಳಕು, ಒಡಹುಟ್ಟಿದವರಿಂದ ಲಾಭ-ಸುಖ, ಮೇ ನಂತರ ರಾಹು ಅಷ್ಟಮದಲ್ಲಿ ಸಂಚಾರ, ದೇಹದಲ್ಲಿ ನವ ಚೈತನ್ಯ, ಉಲ್ಲಾಸ- ಗುಪ್ತ ಸಮಾಲೋಚನೆ ಉಂಟಾಗುವುದು. ಕೇತುವಿನ ಪ್ರಭಾವದಿಂದಾಗಿ ಒಡಹುಟ್ಟಿದವರೊಂದಿಗೆ ಉತ್ತಮ ಬಾಂಧವ್ಯ, ವಿದ್ಯಾ ತಡೆ, ಅಕ್ಕಪಕ್ಕದವರಿಂದ ವೈಮನಸ್ಯ, ಜೀವನದಲ್ಲಿ ಪಾಠ ಕಲಿಕೆ, ಯುಗಾದಿಯ ನಂತರ ಧನಬಾಧೆ, ಉದ್ಯೋಗದಲ್ಲಿ ಬದಲಾವಣೆ, ಮಾತಿನಿಂದ ಕಲಹ, ಕುಟುಂಬದಲ್ಲಿ ಅಶಾಂತಿ, ಆರ್ಥಿಕ ಸಂಕಟಗಳು ಹಾಗೂ ತೃಪ್ತಿ ಇಲ್ಲದ ಸಮಯವಿದು.

ಸರ್ವೆಜನಾಃ ಸುಖಿನೋಭವಂತು ಎಂಬ ಗುಣವಿರುವ ನಿಮಗೆ ದೇವಗುರು ಬೃಹಸ್ಪತಿಯು ನವಮಭಾವವಾದ ಭಾಗ್ಯದಲ್ಲಿ ಮುಂದಿನ ವರ್ಷ ಮೇವರೆಗೆ ಸಂಚರಿಸಿ ನಿಮ್ಮ ನೈಪುಣ್ಯ ಜಾಣ್ಮೆಗಳಿಂದ ಸಕಲ ಕಾರ್ಯಗಳಲ್ಲಿಯೂ ಯಶಸ್ಸನ್ನೂ, ವಿಜಯವನ್ನೂ ಹೊಂದುವಿರಿ, ಹಲವರಿಗೆ ಪುತ್ರ ಸಂತಾನದ ಪ್ರಾಪ್ತಿ ಇದೆ, ನೂತನ ಗೃಹವನ್ನು ಹೊಂದುವ ಸಾಧ್ಯತೆ ಇದೆ, ವಿವಾಹಯೋಗ್ಯರಿಗೆ ಸೂಕ್ತ ಬಾಳಸಂಗಾತಿ ದೊರೆಯುವರು. ಪುತ್ರ- ಪುತ್ರಿಯರ ಸಾಧನೆಯಿಂದ ಸಾಮಾಜಿಕ ಮನ್ನಣೆಗೆ ಪಾತ್ರರಾಗುವಿರಿ. ದೇವಗುರುವಿನ ದೃಷ್ಟಿ ಕನ್ಯಾ ರಾಶಿಯ ಮೇಲಿರುವುದರಿಂದ ಅನಾರೋಗ್ಯಪೀಡಿತರಿಗೆ ಉತ್ತಮ ವೈದ್ಯಕೀಯ ಸೌಲಭ್ಯ ದೊರೆತು ಆರೋಗ್ಯಭಾಗ್ಯ ಒದಗಿಬರುವುದು, ಆಧ್ಯಾತ್ಮಿಕ ಚಿಂತನೆಗೆ ಇದು ಬಹಳ ಉತ್ತಮ ಸಮಯ. ಯುಗಾದಿ ಹಬ್ಬದವರೆಗೆ ಶನೇಶ್ಚರನು ಷಷ್ಠಭಾವದಲ್ಲಿ ಸಂಚರಿಸುತ್ತಿದ್ದು (ಕುಂಭ) ಯುಗಾದಿಯ ನಂತರ ಸಪ್ತಮಭಾವಕ್ಕೆ (ಮೀನ) ಪ್ರವೇಶಿಸುತ್ತಾನೆ. ಈ ಸಂವತ್ಸರದಲ್ಲಿ ಅನುಕೂಲವಿದ್ದು, ವೈಯಕ್ತಿಕವಾಗಿ, ಸಾಮಾಜಿಕವಾಗಿ ಹಲವು ರೀತಿಯ ಸಂತಸದ ಸಂಗತಿಗಳು ಫಲಿಸಲಿವೆ. ಗೃಹ ನಿರ್ವಣಕ್ಕೆ ಪೂರಕ ವಾತಾವರಣ ನಿರ್ವಣವಿದೆ. ನ್ಯಾಯಾಲಯದ ವಿಚಾರಗಳು ನಿಮ್ಮ ಪರವಿರುವುದು. ಕಾರ್ವಿುಕ ವರ್ಗದವರಿಗೆ ಸಾಲ ಬಾಧೆ ಕಳೆದು ನೆಮ್ಮದಿಯ ಜೀವನ, ರಾಜಕೀಯ ವ್ಯಕ್ತಿಗಳಿಗೆ ಈ ಸಮಯ ಶುಭ, ಈಗಾಗಲೇ ಅನಾರೋಗ್ಯದಿಂದ ಬಳಲುತ್ತಿರುವವರು ಜಾಗೃತರಾಗಿರಬೇಕು, ವ್ಯಾಪಾರ- ವ್ಯವಹಾರಗಳಲ್ಲಿ ಮುನ್ನೆಚ್ಚರಿಕೆ ವಹಿಸದವರು ತೊಂದರೆಗೆ ಒಳಗಾಗುವರು. ಈ ಅವಧಿಯಲ್ಲಿ ಶತ್ರುಗಳ ಮೇಲಿನ ಜಯ ಸ್ಥಿರಾಸ್ತಿ ಅಭಿವೃದ್ಧಿಗೊಳಿಸಲು ಉತ್ತಮ ಸಮಯ. ನೂತನ ಸಂವತ್ಸರದಲ್ಲಿ ಶನೇಶ್ಚರನು ಸಪ್ತಮದಲ್ಲಿ ಸಂಚಾರಕನಾಗಿದ್ದು ವೃತ್ತಿಯಲ್ಲಿ, ವ್ಯಾಪಾರದಲ್ಲಿ ಮಂದಗತಿ ಸಾಧಿಸುವನು. ಪತ್ನಿಯು ಅನಾರೋಗ್ಯದಿಂದ ಬಳಲುವ ಸಾಧ್ಯತೆ ಇದೆ. ಶಿರ ಬಾಧೆ, ಭಯದ ವಾತಾವರಣ ಉಂಟಾಗುವುದು, ಜಾತಕನು ತನ್ನ ಜೀವನಕ್ಕಾಗಿ ಹೊರದೇಶದಲ್ಲಿ ವೃತ್ತಿ ಮಾಡುವ ಸಾಧ್ಯತೆಗಳು ಕಂಡುಬರುತ್ತದೆ. ಮುಂದಿನ ಮೇ ತಿಂಗಳವರೆಗೆ ರಾಹು ಸಪ್ತಮದಲ್ಲಿ ಸಂಚರಿಸುತ್ತಿದ್ದು ಸಾರ್ವಜನಿಕ ಜೀವನಕ್ಕೆ ಮನಸ್ಸು ಮಾಡುವರು. ಇದಕ್ಕೆ ಎಲ್ಲ ಕಡೆಯಿಂದಲೂ ಇವರಿಗೆ ಬೆಂಬಲ ದೊರಕುವುದು. ಮೇ ನಂತರ ರಾಹು ಷಷ್ಠಕ್ಕೆ (ಕುಂಭರಾಶಿ) ಪ್ರವೇಶ. ಸಾರ್ವಜನಿಕ ಸೇವೆಯೊಂದಿಗೆ ತನ್ನ ಸ್ವಂತಕ್ಕೆ ಇರಬೇಕಾದುದನ್ನು ತ್ಯಜಿಸಿ ಸೇವೆ ಮಾಡುವುದು ಒಳಿತು, ಇವರು ಮಾಡುವ ಸಾರ್ವಜನಿಕ ಸೇವೆ ಸಮಾಜದಲ್ಲಿ ಗುರುತಿಸಲ್ಪಡುವುದು. ಮುಂದಿನ ಮೇವರೆಗೆ ಕೇತುವು ರಾಶಿಯಲ್ಲಿ ಸಂಚರಿಸುತ್ತಿದ್ದು, ಆಧ್ಯಾತ್ಮಿಕ ಒಲವು ಹೆಚ್ಚಾಗಲಿದೆ. ಉದ್ವೇಗದಿಂದ ದೂರವಿರಬೇಕು, ನರದೌರ್ಬಲ್ಯದಿಂದ ಬಳಲುವ ಸಾಧ್ಯತೆ, ಪೂರ್ವದಲ್ಲಿ ಪಡೆದ ತಮ್ಮ ಅನುಭವಗಳನ್ನು ಪ್ರದರ್ಶಿಸಿ ಸಾಧನೆ, ಸಮಾಜವು ಗುರುತಿಸುವ ಸಮಯ, ಆಧ್ಯಾತ್ಮಿಕ, ಗುಪ್ತಚಿಂತನೆಗಳು ಉದ್ಭವಿಸುವ ಶುಭ ಸಮಯ.

2025ರ ಮೇವರೆಗೂ ದೇವಗುರು ನಿಮ್ಮ ಅನುಕೂಲಕ್ಕೆಲ್ಲಾ ಅಷ್ಟಮ ಸಂಚಾರದ ಪರಿಣಾಮ ಅನಾರೋಗ್ಯದಿಂದ ಬಳಲುವ ಸಾಧ್ಯತೆ, ಆದಾಗ್ಯೂ ಗುರುವಿನ ದೃಷ್ಟಿಯಿಂದ ಧನ ಮತ್ತು ಕುಟುಂಬದಲ್ಲಿ ಶುಭ, ನೂತನ ಗೃಹ ಸೌಖ್ಯಗಳಲ್ಲಿ ಶುಭ, ಆಧ್ಯಾತ್ಮಿಕ ಚಿಂತನೆಗಳು, ಕ್ಷೇತ್ರ ದರ್ಶನದಿಂದ ಲಾಭ, ಮುಂದಿನ ಮೇ ನಂತರ ದೇವಗುರು ಭಾಗ್ಯಭಾವದಲ್ಲಿ ಸಂಚರಿಸುವುದರಿಂದ ಗೃಹದಲ್ಲಿ ಲಾಭ, ತಂದೆಯಿಂದ ಸುಖ, ಕುಟುಂಬದಲ್ಲಿ ಬೆಂಬಲ ದೊರೆಯುವುದು, ವಾಹನ ಸೌಖ್ಯ, ತೀರ್ಥಯಾತ್ರೆ, ಒಡಹುಟ್ಟಿದವರಿಗೆ ಅಭಿವೃದ್ಧಿ, ವಿದೇಶ ಪ್ರವಾಸ, ತೊಂದರೆಗಳಿಂದ ನಿವಾರಣೆ, ದಾನ- ಧರ್ಮ ಕಾರ್ಯಗಳಲ್ಲಿ ಆಸಕ್ತಿ ಹೊಂದಿ ಅಭಿವೃದ್ಧಿಯ ಸಮಯವಾಗುವುದು, ಅನಾರೋಗ್ಯದಿಂದ ಬಳಲುತ್ತಿರುವವರು ಉತ್ತಮ ಚಿಕಿತ್ಸೆ ಪಡೆದು ಗುಣಮುಖರಾಗುವರು. ಮುಂದಿನ ಯುಗಾದಿವರೆಗೂ ಶನೇಶ್ಚರನು ಪಂಚಮದಲ್ಲಿ ಚಲಿಸುತ್ತಿದ್ದು, ಪುತ್ರರೊಂದಿಗೆ ಕಲಹಗಳು ಉಂಟಾಗಬಹುದು, ನಿಮ್ಮವರೇ ನಿಮ್ಮನ್ನು ಕಡೆಗಣಿಸಿ ನೋಡುವರು. ಆಸ್ತಿ ವಿಷಯದಲ್ಲಿ ಬಂಧುಜನರೊಡನೆ ವಿವಾದಗಳು ಉಂಟಾಗುವುದು, ಮನಸ್ಸು ಅಸಾಧುವಾಗಿ ವರ್ತಿಸಿ ಎಲ್ಲರ ವಿರೋಧವನ್ನು ಎದುರಿಸಬೇಕಾಗುವುದು, ಯುಗಾದಿವರೆಗೆ ತಾಳ್ಮೆಯಿಂದ ಇರುವುದು ಉತ್ತಮ. ಯುಗಾದಿ ನಂತರ ನೂತನ ಸಂವತ್ಸರದಲ್ಲಿ ಶ್ರೀ ಶನಿದೇವರ ಅನುಕೂಲವಿದ್ದು, ವೈಯಕ್ತಿಕವಾಗಿ, ಸಾಮಾಜಿಕವಾಗಿ ಹಲವು ರೀತಿಯ ಸಂತಸದ ಸಂಗತಿಗಳು ಘಟಿಸಲಿವೆ. ಗೃಹ ನಿರ್ವಣಕ್ಕೆ ಪೂರಕ ವಾತಾವರಣವಿದೆ. ನ್ಯಾಯಾಲಯದಲ್ಲಿ ನಿಮ್ಮ ಪರ ಜಯ, ಕಾರ್ವಿುಕ ವರ್ಗದವರಿಗೆ ಶುಭ, ರಾಜಕೀಯ ಸಂಬಂಧ ಯಶಸ್ಸು, ವೃತ್ತಿ ವ್ಯಾಪಾರಗಳಲ್ಲಿ ಅಭಿವೃದ್ಧಿ, ಶತ್ರುಗಳು ನಾಶವಾಗಿ ಸಮಾಜದಲ್ಲಿ ಒಳ್ಳೆಯ ಹೆಸರು ಕೀರ್ತಿ ಸಾಧಿಸುವ ಸಾಧ್ಯತೆಗಳಿವೆ. ಪ್ರಸ್ತುತ ರಾಹು ಷಷ್ಠದಲ್ಲಿ ಸಂಚರಿಸುತ್ತಿದ್ದು, ತರಬೇತಿ ಹೊಂದುವ ಸಮಯ, ಸಮಾಜಸೇವೆ ಹೇಗೆ ಮಾಡಬೇಕೆಂಬುದನ್ನು ಅರಿಯುವ ಸಮಯ, ಆರೋಗ್ಯದ ಕಡೆ ಗಮನ ಹರಿಸಿ, ಶಾರೀರಿಕ ಬಾಧೆ ಮಾಡಿಕೊಳ್ಳಬೇಡಿ, ವಿಶ್ರಾಂತಿ ಪಡೆದು ಮುಂದಿನ ಕಾರ್ಯ ನಿರ್ವಹಿಸಿ, ಇತರರಿಗೆ ಸಹಾಯ ಮಾಡುವಾಗ ಮುನ್ನೆಚ್ಚರಿಕೆ ವಹಿಸಿ, ನೀವು ಮಾಡುವ ಸಮಾಜಮುಖಿ ಸೇವೆಗೆ ಸೂಕ್ತ ಶುಭ ಫಲ ಪಡೆಯುವಿರಿ. ಮೇ ನಂತರ ರಾಹು ಪಂಚಮದಲ್ಲಿ ಸಂಚಾರ ಸಮಯದಲ್ಲಿ ಭಾವನಾತ್ಮಕ ಚಿಂತನೆಗಳು, ಪುತ್ರ ಸಂತಾನಕ್ಕೆ ಸೂಕ್ತ ಸಮಯವಲ್ಲ, ಸೃಜನಾತ್ಮಕ ಚಿಂತನೆಗಳು ತಾವಾಗಿಯೇ ಬರುವುದು, ಇದರಿಂದ ಉತ್ತಮಫಲ ದೊರೆಯುವುದು, ಮಕ್ಕಳ ಬಗ್ಗೆ ಎಚ್ಚರ ವಹಿಸುವುದು ಸೂಕ್ತ. ಕೇತುವಿನ ಪ್ರಭಾವದಿಂದ ಧ್ಯಾನಕ್ಕೆ ಹೆಚ್ಚು ಒತ್ತು ಕೊಡುವಿರಿ, ಇತರರಿಗೆ ಸಹಾಯಹಸ್ತ ನೀಡುವಿರಿ, ಆಧ್ಯಾತ್ಮಿಕ ಚಿಂತನೆಗೆ ಒಳಗಾಗಿ ತೀರ್ಥಯಾತ್ರೆ ಕೈಗೊಳ್ಳುವಿರಿ, ಲಾಭದಲ್ಲಿ ಕೇತು ಸಂಚರಿಸುವಾಗ ಸಂಗಾತಿ ಪಡೆಯುವಿರಿ ಹಾಗೂ ಹಿರಿಯ ಸೋದರ- ಸೋದರಿಯರಿಗೆ ದೈವಬಲ ಹೆಚ್ಚು.

ಮುಂದಿನ ಮೇ ವರೆಗೆ ಗುರು ಸಪ್ತಮಭಾವದಲ್ಲಿ ಸಂಚರಿಸುತ್ತಾ ಅನೇಕ ರೀತಿಯ ಧನಲಾಭವಾಗುವುದು, ಬೃಹತ್ ಯೋಜನೆಗಳನ್ನು ಕೈಗೆತ್ತಿಕೊಳ್ಳುವಿರಿ, ಗೃಹದಲ್ಲಿ ವಿವಾಹಾದಿ ಮಂಗಳ ಕಾರ್ಯಗಳು ಜರುಗುವುದು, ಆರೋಗ್ಯ ಮರುಕಳಿಸುವುದು, ವಿದ್ಯಾರ್ಜನೆಯಲ್ಲಿ ಜಯಗಳಿಸುವಿರಿ, ಸರ್ಕಾರದಿಂದ ಶುಭವಾರ್ತೆ ಬರುವುದು, ಅದೃಷ್ಟದ ಬಾಗಿಲು ತೆರೆದು ಸುಖ-ಸಂಪತ್ತು, ವಾಹನಸೌಖ್ಯ, ವೃತ್ತಿವ್ಯಾಪಾರದಲ್ಲಿ ಅಭಿವೃದ್ಧಿ ಇದ್ದು, ಸಮಾಜದಲ್ಲಿ ಗೌರವ-ಕೀರ್ತಿ ಸಂಪಾದಿಸುವಿರಿ. ಮೇ ನಂತರ ದೇವಗುರು ಅಷ್ಠಮದಲ್ಲಿ ಗೋಚಾರ ನಡೆಸುವುದರಿಂದ ಶ್ರೀ ಗುರು ಈ ರಾಶಿಯವರಿಗೆ ಶುಭವಲ್ಲ, ಕೆಲಸಗಳಿಗೆ ಅಡಚಣೆಗಳು ಉಂಟಾಗುವುದು, ಮನಸ್ಸು ದೃಢವಾಗಿರುವುದಿಲ್ಲ. ಗೃಹಸೌಖ್ಯ, ಧನಲಾಭ, ತೀರ್ಥಯಾತ್ರೆ, ಶುಭಫಲಗಳನ್ನು ಕಂಡರೂ ಅಷ್ಟಮ ಗುರು ಅಡೆತಡೆಗಳನ್ನು ನೀಡುವುದನ್ನು ನಿಲ್ಲಿಸುತ್ತಾನೆ. ಅರ್ಧಾಷ್ಟಮದಲ್ಲಿ ಶನೇಶ್ಚರನು ಸಂಚರಿಸುವುದರಿಂದ ಯತ್ನಕಾರ್ಯಗಳು ಆಮೆಗತಿಯಲ್ಲಿ ಸಾಗುವುವು, ವ್ಯಾಪಾರ- ಉದ್ಯೋಗಗಳು ನೀವಂದುಕೊಂಡಂತೆ ಸಾಗುವುದಿಲ್ಲ. ಆರೋಗ್ಯದಲ್ಲಿ ಎಚ್ಚರ ವಹಿಸಬೇಕು. ಬಂಧು ಜನರು ದೂರ ಸರಿಯುವರು. ಯುಗಾದಿಯ ನಂತರ ಶನೇಶ್ಚರನು ಪಂಚಮದ ಸಂಚಾರವಾದಾಗ ಪುತ್ರರೊಂದಿಗೆ ಕಲಹಗಳು, ಆಸ್ತಿ ವಿಷಯದಲ್ಲಿ ಬಂಧು ಜನರೊಡನೆ ವಿವಾದಗಳು ಉಂಟಾಗುವವು, ಮಾನಸಿಕ ವೇದನೆ ಉಂಟಾಗಬಹುದು. ಮೇ ವರೆಗಿನ ಪಂಚಮ ರಾಹುವಿನಿಂದ ಭಾವನಾತ್ಮಕ ಚಿಂತನೆಗಳು ಮೂಡುವುದು, ಸಂತಾನ ಪಡೆಯಲು ಇದು ಶುಭ ಸಮಯವಲ್ಲ, ಸೃಜನಾತ್ಮಕ ಚಿಂತನೆಗಳಿಗೆ ಇದು ಉತ್ತಮ ಸಮಯ. ಮೇ ನಂತರ ರಾಹುವಿನ ಚತುರ್ಥ ನಡೆಯಿಂದ ಗೃಹದಲ್ಲಿ ಅಭಿವೃದ್ಧಿ ಮಾತೃಸೌಖ್ಯ, ಭೂಮಿ- ಆಸ್ತಿ ಖರೀದಿ, ನಿಮ್ಮ ಮುಂದಿನ ಯೋಜನೆಗಳನ್ನು ದೃಢಪಡಿಸುವ ಕಾಲವಿದು, ಹಳೆಯ ಯೋಜನೆಗಳು ನಿಂತಿದ್ದರೆ ಪೂರ್ಣಗೊಳಿಸಲು ಈ ಸಮಯ ಶುಭ, ಮೇವರೆಗಿನ ಕೇತುವಿನ ಲಾಭದ ಚಲನೆಯಿಂದ ವಿವಾಹ ಸೌಖ್ಯ, ದಾಂಪತ್ಯ ಜೀವನದಲ್ಲಿ ಉತ್ತಮ ಬಾಂಧವ್ಯ. ಮೇ ನಂತರ ಕೇತುವಿನ ನಡಿಗೆಯಿಂದ ಕೆಲಸಕಾರ್ಯಗಳನ್ನು ನಿಯಂತ್ರಿಸುತ್ತಾನೆ. ಸ್ವಂತ ಗುರಿ, ಆಸೆ-ಆಕಾಂಕ್ಷೆಗಳಿಗೆ ತಡೆ ನೀಡಿ, ಈ ತಡೆಗಳಿಂದ ಕಾಲಾನುಭವದಿಂದ ಮುಂದಿನ ಕೆಲಸಕಾರ್ಯಗಳಿಗೆ ಅಡಿಪಾಯ ಹಾಕುತ್ತಾನೆ.

ಮುಂದಿನ ವರ್ಷ ಮೇ 2025ರವರೆಗೂ ದೇವಗುರುವು ಷಷ್ಠದಲ್ಲಿ ಸಂಚರಿಸುತ್ತಿದ್ದು, ಅನಾರೋಗ್ಯದಿಂದ ವೈದ್ಯರ ದರ್ಶನ ಮಾಡಬೇಕಾದೀತು, ಕುಟುಂಬ ಸೌಖ್ಯ, ಧನಲಾಭ, ವೃತ್ತಿ- ವ್ಯಾಪಾರದಲ್ಲಿ ಲಾಭವಿದ್ದರೂ, ಮನಃಶಾಂತಿ ಇರುವುದಿಲ್ಲ. ಸಂಪಾದಿಸಿದ ಹಣ ಧರ್ಮಕಾರ್ಯಗಳಿಗೆ ವ್ಯಯವಾಗುವುದು, ಆಸ್ತಿ ಸಂಬಂಧ ಎಚ್ಚರ ವಹಿಸಬೇಕಾಗುತ್ತದೆ, ಶತ್ರುಬಲ ಹೆಚ್ಚಾಗುವುದು, ನಿಮ್ಮ ಹಾಗೂ ಮಕ್ಕಳ, ಪತ್ನಿಯ ನಡುವೆ ಭಿನ್ನಾಭಿಪ್ರಾಯ ಸಂಭವಿಸುವ ಸಾಧ್ಯತೆ, ಮೇ 2025ರ ನಂತರ ಗುರು ಸಪ್ತಮಭಾವ ಸಂಚಾರ ಸಮಯದಲ್ಲಿ ಎಲ್ಲಾ ಕಡೆಯಿಂದಲೂ ಬಹುಲಾಭವನ್ನು ಹೊಂದುವಿರಿ, ಧನ ಧಾನ್ಯ, ಲಾಭ, ಸಂಪತ್ತು, ನಿವೇಶನ, ಗೃಹ, ವಾಹನಗಳನ್ನು ಹೊಂದಲು ದೇವಗುರುವಿನ ಕೃಪೆ ಲಭಿಸುತ್ತದೆ. ಉನ್ನತ ಶಿಕ್ಷಣ, ಸಂಶೋಧನೆ, ಸ್ನಾತಕೋತ್ತರ, ವಿದ್ಯಾರ್ಜನೆ ಸಫಲವಾಗುವುದು, ವಿವಾಹಾಕಾಂಕ್ಷಿಗಳಿಗೆ ವಿವಾಹ ಯೋಗ, ವೃತ್ತಿಯಲ್ಲಿ ಬಡ್ತಿ ಪಡೆಯುವ ಉತ್ತಮ ಸಮಯವಿದು. ಶನೇಶ್ಚರನು ಯುಗಾದಿಯೊಂದಿಗೆ ತೃತೀಯ ವಿಕ್ರಮ ಭಾವದಲ್ಲಿ (ಕುಂಭ ರಾಶಿಯಲ್ಲಿ) ಪರಿಭ್ರಮಿಸುವುದರಿಂದ ನಿಮಗೆ ವರದಾನದಂತೆ ಪರಿಣಾಮ ಪರಿಣಮಿಸಲಿದೆ, ಆಪ್ತ ಬಂಧು- ಬಾಂಧವರ ಆದರ, ಅಧಿಕಾರಿ ವರ್ಗದವರಿಂದ ಕೆಲಸ ಕಾರ್ಯಗಳು ದಡ ತಲುಪುವುದು, ವ್ಯಾಪಾರ ಉದ್ದಿಮೆದಾರರಿಗೆ ಶುಭ ಫಲಗಳು ಪ್ರಬಲವೆನಿಸಿ ಶತ್ರುಗಳನ್ನು ಸೋಲಿಸುತ್ತೀರಿ, ಪಶುಸಂಪತ್ತು ಲಭಿಸುತ್ತದೆ. ಯುಗಾದಿಯ ನಂತರ ಶನೇಶ್ಚರನು ಚತುರ್ಥದಲ್ಲಿ ಸಂಚಾರ ಅಂದರೆ ಧನುಸ್ಸು ರಾಶಿಯವರಿಗೆ ಅರ್ಧಾಷ್ಟಮ ಶನಿ ಪ್ರಾರಂಭವಾಗಿ ಯತ್ನ ಕಾರ್ಯಗಳು ಆಮೆಗತಿಯಲ್ಲಿ ಸಾಗುವುದು, ವ್ಯಾಪಾರ ಉದ್ಯೋಗಗಳು ನೀವಂದುಕೊಂಡಂತೆ ಸಾಗದು, ಆರೋಗ್ಯದಲ್ಲಿ ಏರುಪೇರು ಆಗುವ ಸಂಭವವಿದೆ, ಬಂಧು ಜನರು ದೂರ ಸರಿಯುವರು. ಚತುರ್ಥದಲ್ಲಿ ರಾಹು ಸಂಚಾರ 2025ರ ಮೇ 18ರವರೆಗೆ ಚಲಿಸುತ್ತಿದ್ದು, ನಂತರ ತೃತೀಯಕ್ಕೆ ಅಂದರೆ ಕುಂಭರಾಶಿಗೆ ಪ್ರವೇಶಿಸಿ ತನ್ನ ನಡಿಗೆ ಪ್ರಾರಂಭಿಸುತ್ತಾನೆ. ಮೇವರೆಗಿನ ಸಂಚಾರ ಈ ರಾಶಿಯವರಿಗೆ ಜಮೀನು ಖರೀದಿ, ಗೃಹ ಖರೀದಿಗೆ ವರವಾಗಿರುತ್ತಾನೆ. ಜೀವನದಲ್ಲಿ ಮುಂದಿನ ನಡೆಯನ್ನು ರೂಪಿಸಿಕೊಳ್ಳಲು ಸಕಾಲವಿದು. ನ್ಯಾಯಯುತವಾಗಿ ಹೆಚ್ಚು ಧನ ಸಂಪಾದಿಸುವ ಸಮಯವಿದು. ಹೊಸದಾಗಿ ಯಾವುದೇ ಕಾರ್ಯ ಪ್ರಾರಂಭಿಸಬಾರದು. ಹಳೆಯ ಯೋಜನೆಗಳನ್ನೇ ಪುನಶ್ಚೇತನಗೊಳಿಸಿ ಮುಂದುವರೆಸಲು ಶುಭ ಸಮಯವಿದು. ಮೇ ನಂತರ ಸಂಬಂಧಿಕರು ಒಂದಾಗುವರು. ದೂರ ಪ್ರಯಾಣ ಶುಭಕರ. ವಿದ್ಯಾಭ್ಯಾಸ, ಬೋಧನೆ ಪ್ರಕಟಣೆಗಳಿಗೆ ಉತ್ತಮ ಸಮಯ. ಬುದ್ಧಿವಂತಿಕೆಯಿಂದ ಕಾರ್ಯ ನಿರ್ವಹಿಸಿದರೆ ಉತ್ತಮ ಫಲ ದೊರೆಯುವುದು. ಯಾವುದೇ ಯೋಜನೆಯನ್ನು ಅಭಿವೃದ್ಧಿಪಡಿಸಿ ವಿಸ್ತರಣೆ ಮಾಡಲು ಸೂಕ್ತ ಸಮಯವೆಂದೇ ಭಾವಿಸಬಹುದು. ಮೇವರೆಗಿನ ಹಾಗೂ ಮೇ ನಂತರ ಕೇತು ಸಂಚಾರ ಕಾಲದಲ್ಲಿ ಏನೇ ನಿರ್ಬಂಧಗಳಿದ್ದರೂ ಅದನ್ನು ನಿಯಂತ್ರಿಸಿ ಮುನ್ನಡೆದು ದೂರದೃಷ್ಟಿ ಉಳ್ಳವರಾಗಿ ತಮ್ಮ ಯೋಜನೆಗಳನ್ನು ತಾವೇ ರೂಪಿಸಿಕೊಳ್ಳುವರು.

ಮುಂದಿನ ಮೇ ತಿಂಗಳವರೆಗೆ ಶುಭಪ್ರದಾತನಾದ ದೇವಗುರುವು ಪಂಚಮದಲ್ಲಿ ಗೋಚರಿಸುವುದರಿಂದ ಗೃಹದಲ್ಲಿ ಶಾಂತಿ, ಗೃಹ ನಿವೇಶನ ಹೊಂದುವ ಅವಕಾಶಗಳು ಸಂಪತ್ತಿನ ಅಭಿವೃದ್ಧಿ, ಮನೆಯ ಮುಂದೆ ಚಪ್ಪರ, ತೋರಣ ಕಟ್ಟಿ ಮಂಗಳ ಕಾರ್ಯಗಳು ಜರುಗುವುದು. ವಿದ್ಯಾರ್ಥಿಗಳು ಉನ್ನತ ಶ್ರೇಣಿ ಸಾಧಿಸುವರು, ವಿವಾಹ ವಯಸ್ಕರಿಗೆ ವಿವಾಹವಾಗುವ ಯೋಗವಿದೆ. ಸಂತಾನ ನಿರೀಕ್ಷೆಯಲ್ಲಿರುವ ದಂಪತಿಗಳಿಗೆ ದೈವಾನುಗ್ರಹದ ಸಂತಾನ ಪ್ರಾಪ್ತಿಯಾಗುವುದು, ಆರೋಗ್ಯದಲ್ಲಿ ಸುಧಾರಣೆ, ಕುಟುಂಬ ಸೌಖ್ಯ, ದೇವತಾ ಕಾರ್ಯ, ಪುಣ್ಯಕ್ಷೇತ್ರ ದರ್ಶನವಾಗುವುದು, ಧರ್ಮ ಕಾರ್ಯಾಸಕ್ತಿ, ವೃತ್ತಿ ವ್ಯಾಪಾರಗಳಲ್ಲಿ ಪ್ರಗತಿ ಕಾಣುವ ಶುಭ ಸಮಯವಾಗಿರುತ್ತದೆ. ಮೇ ನಂತರ ಈ ಪರಿಸ್ಥಿತಿ ಬದಲಾಗುವ ಸಾಧ್ಯತೆಗಳೇ ಹೆಚ್ಚು, ಕಾರ್ಯಸಾಧನೆಗಾಗಿ ಅಧಿಕ ಶ್ರಮ, ಕೌಟುಂಬಿಕ ಜೀವನದಲ್ಲಿ ವಿರಸ, ಮಕ್ಕಳೊಡನೆ ಮನಸ್ತಾಪ, ದುಷ್ಟ ಜನರಿಂದ ಅವಮಾನ, ಬಂಧು-ಮಿತ್ರರಿಂದ ದ್ರೋಹ, ಮನಸ್ಸಿಗೆ ಚಿಂತೆ, ಯೋಚಿಸದೆ ಮಾಡಿದ ಕೆಲಸಕಾರ್ಯಗಳಿಂದ ಪಶ್ಚಾತಾಪ ಪಡುವಿಕೆ ಮೊದಲಾದ ಫಲಗಳು ಸಹ ಕಂಡುಬರುತ್ತವೆ. ಯುಗಾದಿಯಿಂದ ಮಕರ ರಾಶಿಯವರಿಗೆ ಸಾಡೆಸಾತಿ ಬಿಡುವ ಸಮಯ ಹತ್ತಿರವಾಗುತ್ತದೆ. ಕಳೆದ ವರ್ಷಗಳಲ್ಲಿ ಅನುಭವಿಸಿದ ಸಕಲ ಕಷ್ಟಕಾರ್ಪಣ್ಯಗಳು ಮಾಯವಾಗುತ್ತವೆ. ಜೀವನದಲ್ಲಿ ಸುಧಾರಣೆ ಕಂಡುಬರುವ ಸಮಯವಾಗಿದ್ದು, ವಿಕ್ರಮಭಾವದಲ್ಲಿ ಶನೇಶ್ಚರನು ಪರಿಭ್ರಮಿಸುವುದರಿಂದ ನಿಮಗೆ ವರದಾನದಂತೆ ಪರಿಣಮಿಸಲಿದೆ. ಆಪ್ತ ಬಂಧು-ಭಾಂಧವರ ಆದರ, ಅಧಿಕಾರಿ ವರ್ಗದವರಿಂದ ಸಹಾಯ, ಬಡ್ತಿ, ಗೃಹ ನಿರ್ಮಾಣ ಹಾಗೂ ವಾಹನ ಖರೀದಿಸುವಿರಿ, ಶತ್ರುಗಳು ನಿಮ್ಮ ಶೌರ್ಯದಿಂದ ದೂರ ಸರಿವರು. ಮೇ ವರೆಗೆ ರಾಹು ತೃತೀಯದಲ್ಲಿ ಸಂಚರಿಸುತ್ತಿದ್ದು, ಬರವಣಿಗೆ, ಪ್ರಯಾಣ, ಪ್ರಕಟಣೆ, ಉಪನ್ಯಾಸ ಇತ್ಯಾದಿಗಳಿಗೆ ಶುಭ, ಮೇ ನಂತರ ಕೀರ್ತಿ ಖ್ಯಾತಿ ಗಳಿಸುವಿಕೆ, ಕುಟುಂಬದಲ್ಲಿರುವವರಿಗೆ ಹಣಕಾಸಿನ ಭದ್ರತೆ ರೂಪಿಸುವಿರಿ, ದೊಡ್ಡ ವೃತ್ತಿಗಳ ಸಹಾಯದಿಂದ ವೃತ್ತಿಯಲ್ಲಿ ಮುಂದಿನ ಯೋಜನೆಗಳನ್ನು ರೂಪಿಸುವಿರಿ, ಕೇತು ಗೋಚಾರ ಸಮಯದ ಫಲವಾಗಿ ಪ್ರಾಯೋಗಿಕ ಕಾರ್ಯವಿಧಾನ ಬಳಸುವ ಜ್ಞಾನವನ್ನು ಪಡೆದು ಜೀವನ ಶೈಲಿಯನ್ನು ಆದ್ಯಾತ್ಮಿಕ ಚಿಂತನೆಯ ಕಡೆಗೆ ಸಾಗಿಸಲು ಬದಲಾಗುವ ಸಾಧ್ಯತೆಗಳು ಹೆಚ್ಚಾಗಿ ಕಂಡು ಬರುತ್ತದೆ.

ದೇವಗುರು ಪ್ರಭಾವದಿಂದ ವೃತ್ತಿ ವ್ಯಾಪಾರದಲ್ಲಿ ಅಭಿವೃದ್ಧಿ ಕಂಡು ಬಂದರೂ ಶತ್ರು ಜನರಿಂದ ತೊಂದರೆ, ಚಿತ್ತಚಾಂಚಲ್ಯ ಮನೋವಿಕಾರಗಳು, ಬಂಧು ಜನರ ವಿರೋಧ ಆಧ್ಯಾತ್ಮಿಕ ಚಿಂತನೆಗೊಳಗಾಗುವಿರಿ, ತೀರ್ಥಕ್ಷೇತ್ರದ ದರ್ಶನ ಉಂಟಾಗುವುದು, ಮೇ ನಂತರದ ದೇವಗುರು ಪಂಚಮದಲ್ಲಿ ಸಂಚರಿಸುವುದರಿಂದ ಸಾರ್ವಜನಿಕರ ಸಹಾಯ, ಗೃಹ ನಿವೇಶನ ಹೊಂದುವ ಅವಕಾಶ, ಸಂಪತ್ತು ಗಳಿಕೆ, ಚಪ್ಪರ ತೋರಣಗಳನ್ನು ಕಟ್ಟಿ ಮಂಗಳ ಕಾರ್ಯಗಳು ಜರುಗುವವು, ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯನ್ನು ಸಾಧಿಸುವ ಸಮಯ, ಆರೋಗ್ಯದಲ್ಲಿ ಸುಧಾರಣೆ, ಕುಟುಂಬ ಸೌಖ್ಯ, ಪುಣ್ಯಕ್ಷೇತ್ರಗಳ ದರ್ಶನ ಶುಭಕಾರ್ಯ ಯತ್ನದಲ್ಲಿ ಪ್ರಗತಿ, ಧರ್ಮಕಾರ್ಯಾಸಕ್ತಿ, ಕೃಷಿ ವ್ಯಾಪಾರ ವೃತ್ತಿಗಳಲ್ಲಿ ಅಭಿವೃದ್ಧಿ ಕಾಣುವಿರಿ, ಮುಂದಿನ ಯುಗಾದಿಯವರೆಗೆ ಶನೇಶ್ಚರನು ಜನ್ಮರಾಶಿಯಲ್ಲಿ ಸಂಚರಿಸುತ್ತ ಸಾಡೆಸಾತಿ ನಡೆಯಿಂದಾಗಿ ಬಹಳ ಎಚ್ಚರ ವಹಿಸಬೇಕು, ಮನೋವಿಕಾರಗಳು ಅನಾರೋಗ್ಯ ಭೀತಿ ಪ್ರಸಂಗಗಳು, ಧನನಷ್ಟ, ಸ್ಥಾನಭ್ರಷ್ಟತೆಯಂತಹ ಪ್ರಸಂಗಗಳಿಂದ ಜೀವನ ದುಸ್ತರವೆನಿಸುವುದು, ದೇವಗುರು ಕಾಪಾಡುವನು, ಭಯ ಬೇಡ. ಕೋರ್ಟು- ಕಚೇರಿಗಳಿಗೆ ಅಲೆಯುವ ಸ್ಥಿತಿ, ಪರಸ್ಥಳ ವಾಸ, ಸಾಲಗಾರರ ಕಿರುಕುಳ, ಉದ್ಯೊಗದಲ್ಲಿ ವ್ಯರ್ಥ ಧನಹಾನಿ, ಸ್ಥಿರಾಸ್ತಿ ಸಂಬಂಧವಾಗಿ ವ್ಯಾಜ್ಯ ಕಾಣಿಸಿಕೊಳ್ಳುವುದು. ರಾಹು ದ್ವಿತೀಯ ಚಲನೆಯಿಂದ ಅನೇಕ ಸಮಸ್ಯೆಗಳ ಪರಿಹಾರವಾಗುವುದು, ಕುಲಗುರುಗಳ ಮಾರ್ಗದರ್ಶನ ಪಡೆದರೆ ಶುಭಫಲಗಳು ದೊರೆಯುವುದು, ಮನೋಧೈರ್ಯದಿಂದ ಮುನ್ನಡೆದರೆ ಯಾವುದೇ ಅಡೆತಡೆಗಳಿಂದ ರಾಹು ಸ್ಪಂದಿಸುತ್ತಾನೆ. ಮೇ ನಂತರ ರಾಹು ನಿಮ್ಮ ರಾಶಿಯಲ್ಲಿ ಸಂಚರಿಸುವುದರಿಂದ, ಆತ್ಮಸ್ಥೈರ್ಯ, ಮನೋಧೈರ್ಯ ತುಂಬಿ ನಿಮ್ಮನ್ನು ಮುನ್ನಡೆಸುವನು, ಕೇತು ಪ್ರಸ್ತುತ ಆದ್ಯಾತ್ಮಿಕ ಒಲವು ದೇವತಾಕಾರ್ಯಗಳಿಗೆ ಪ್ರಚೋದಿಸುತ್ತಿದ್ದು ಮೇ ನಂತರ ಸಪ್ತಮ ಚಲನೆ ಪಾಲುದಾರಿಕೆಯಲ್ಲಿ ಎಚ್ಚರಿಕೆಯ ನಡೆಯಿರಬೇಕು. ವೈವಾಹಿಕ ತಡೆಗಳು ಏರ್ಪಡುವ ಸಾಧ್ಯತೆ, ವಿವಾಹದಲ್ಲಿ ಖಿನ್ನತೆ ಏರ್ಪಟ್ಟು, ಬೇರ್ಪಡುವ ಸಾಧ್ಯತೆಗಳಿವೆ, ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕು.

ದೇವ ಗುರು ನಿಮ್ಮ ಲಾಭಸ್ಥಾನ ವೀಕ್ಷಿಸುವುದರಿಂದ ಒಡಹುಟ್ಟಿದವರಿಗೆ ಶುಭ, ವ್ಯಾಪಾರವೃತ್ತಿಯಲ್ಲಿ ಲಾಭದಾಯಕವಾಗಿದ್ದರೂ, ಪಾಲುದಾರಿಕೆಯಲ್ಲಿ ಶುಭ, ದಾಂಪತ್ಯ ಜೀವನದಲ್ಲಿ ಸುಭ ಇತ್ಯಾದಿ ಶುಭ-ಫಲಗಳು ಕಂಡರೂ ಮೇ ವರೆಗಿನ ತೃತೀಯ ಗುರು ಸಂಚಾರ ಕೆಲಸಗಳಲ್ಲಿ ಸ್ವಲ್ಪ ವಿಘ್ನಗಳನ್ನು ಏರ್ಪಡಿಸುವನು, ಬಂಧುಜನರ ವಿರೋಧಗಳ ನಡುವೆ ವಿವಿಧ ರೀತಿಯ ಪರೀಕ್ಷೆಗಳನ್ನು ಎದುರಿಸಬೇಕಾಗುವುದು, ಪರಸ್ಥಳ ವಾಸ, ವಾಗ್ವಾದ, ಕಲಹಗಳಿಂದ ಮಾನಸಿಕ ತೊಂದರೆ, ಅನಾರೋಗ್ಯ ಕಾಡುವುದರಿಂದ ವೈದ್ಯಕೀಯ ವೆಚ್ಚಗಳು. ಮೇ ನಂತರ ದೇವಗುರು ಚತುರ್ಥದಲ್ಲಿ ಸಂಚಾರ ಪ್ರಾರಂಭಿಸಿ ವೃತ್ತಿ, ವ್ಯಾಪಾರದಲ್ಲಿ ಅಭಿವೃದ್ಧಿ, ಬಡ್ತಿ, ಗುರಿ ತಲುಪುವ ಸಂದೇಶ, ಹಿರಿಯ ಅಧಿಕಾರಿಗಳಿಂದ ಪ್ರಶಂಸ್ತೆ, ಆದ್ಯಾತ್ಮಿಕ ಚಿಂತನೆಗಳೇರ್ಪಡುವ ಸಾಧ್ಯತೆ ಹೆಚ್ಚು, ಈ ಸಮಯದಲ್ಲಿ ಆರೋಗ್ಯದ ಕಡೆ ಹೆಚ್ಚು ಗಮನ ನೀಡಬೇಕು, ಶ್ರೀ ಶನೇಶ್ಚರನು ಸಾಡೆಸಾತಿ ಪ್ರಥಮ ಚರಣದಲ್ಲಿರುವ ನಿಮಗೆ ಇದು ವ್ಯಯಸ್ಥಾನ ಸಂಚಾರವಾಗಿದ್ದು, ನೀವು ನಿರೀಕ್ಷೆ ಮಾಡದ ಖರ್ಚು-ವೆಚ್ಚಗಳ ಸಾಧ್ಯತೆಗಳಿವೆ, ಹಾಗೂ ನಿಮ್ಮ ಗೌರವ-ಪ್ರತಿಷ್ಠೆಗಳಿಗೆ ಧಕ್ಕೆವುಂಟಾಗುವುದು, ನ್ಯಾಯವಾದ ಕಾರ್ಯಗಳಲ್ಲಿ ಅಸಫಲತೆವುಂಟಾಗುತ್ತದೆ, ಕೇತುವಿನಿಂದ ದುಃಖ, ಆಸ್ತಿ ವಿಚಾರದಲ್ಲಿ ವಾಗ್ವಾದ ಏರ್ಪಡುವುದು, ಯುಗಾದಿ ಹಬ್ಬದ ನಂತರ ನಿಮಗೆ ಜನ್ಮದಲ್ಲಿ ಶನೇಶ್ಚರನು ಸಂಚರಿಸುವಾಗ ಚಂಚಲ ಮನಸ್ಸು, ವಿಶ್ರಾಂತಿಯಿಲ್ಲದ, ಹೊಳಪಿಲ್ಲದ ಜೀವನ ಪ್ರಾರಂಭವಾಗುವುದು, ಅಸ್ಥಾನಪಲ್ಲಟ, ಅನಾರೋಗ್ಯ, ಉದ್ವೇಗಗಳಿಗೆ ಒಳಗಾಗುವಿರಿ, ಮಿತ್ರ ವಿರೋಧ, ಸಲ್ಲದ ಅಪವಾದ, ಯತ್ನಕಾರ್ಯಗಳಲ್ಲಿ ವಿಫಲ, ವೃಥಾ ತಿರುಗಾಟದ ಫಲಗಳು ಉಂಟಾಗುವುವು. ರಾಹು ನಿಮ್ಮ ರಾಶಿಯಲ್ಲಿ ಮುಂದಿನ ಮೇ ವರೆಗೆ ಸ್ಥಿತನಾಗಿ ಆತ್ಮಸ್ಥೈರ್ಯವನ್ನು ತುಂಬುವನು, ಗುರಿ ತಲುಪಲು ಸಹಾಯ ಮಾಡುವನು, ರಾಹು ಗುರುವಿನ ರಾಶಿಯಲ್ಲಿ ಗುರುವಿನಂತೆ ಪರಿವರ್ತನೆಗೊಂಡು ಗುರುವಿನ ಅನುಗ್ರಹವಾಗಿ ಎಲ್ಲಾ ಕಷ್ಟಗಳಿಂದ ಪಾರು ಮಾಡುವನು. ಮೇ ನಂತರ ರಾಹು ಕುಂಭರಾಶಿ ಪ್ರವೇಶ ಮಾಡಿ ಆದ್ಯಾತ್ಮಿಕ ಚಿಂತನೆ ಧ್ಯಾನಾಸಕ್ತರಾಗಲು ಉತ್ತಮ ಸಮಯ. ಭಾವನಾತ್ಮಕ ಚಿಂತನೆಗಳನ್ನು ಉತ್ಪತ್ತಿಸುವನು, ಕೇತುವಿನ ಬಲದಿಂದ ಪ್ರಸ್ತುತ ಪಾಲುದಾರರಿಂದ ತೊಂದರೆಯಿದ್ದರೂ ಮೇ ನಂತರ ಪರಿಹಾರ ಕಂಡುಕೊಳ್ಳಬಹುದು. ಕುಟುಂಬದಲ್ಲಿರುವ ಸೌಹಾರ್ದತೆಯು ಮೇ ನಂತರ ಸುಧಾರಣೆಯಾಗುವ ಸಾಧ್ಯತೆ ಇದೆ. ಅನಾರೋಗ್ಯದಿಂದ ಬಳಲುತ್ತಿರುವವರು ಉತ್ತಮ ವೈದ್ಯರು ಹಾಗೂ ಚಿಕಿತ್ಸೆ ದೊರೆತು ಖಾಯಿಲೆಗಳಿಂದ ಮುಕ್ತಿಪಡೆಯುವರು.