ಬೆಂಗಳೂರು: ಲವ್ ಮಾಕ್ಟೇಲ್ ಸಿನಿಮಾದ ಜೋಡಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ಗೆ ಮದುವೆ ಫಿಕ್ಸ್ ಆಗಿರುವ ವಿಚಾರ ನಿಮಗೆಲ್ಲರಿಗೂ ಗೊತ್ತಿರುವುದೇ. ಪ್ರೇಮಿಗಳ ದಿನದಂದೇ ಈ ಜೋಡಿ ಹಸೆಮಣೆ ಏರಲು ಸಿದ್ಧವಾಗಿದೆ. ಇನ್ನೇನು ಮದುವೆಗೆ ಒಂದೂವರೆ ತಿಂಗಳಿರುವಾಗಲೇ ಡಾರ್ಲಿಂಗ್ ಕೃಷ್ಣ ‘ಮಿ. ಬ್ಯಾಚುಲರ್’ ಎಂದು ಹೇಳಿಕೊಂಡಿದ್ದಾರೆ.
ಹೌದು! ಸ್ಯಾಂಡಲ್ವುಡ್ನ ಈ ತಾರಾ ಜೋಡಿ ಇದೀಗ ಹೊಸ ಸಿನಿಮಾವೊಂದರಲ್ಲಿ ನಟಿಸುತ್ತಿದೆ. ಮಿ. ಬ್ಯಾಚುಲರ್ ಹೆಸರಿನ ಈ ಸಿನಿಮಾದಲ್ಲಿ ಡಾರ್ಲಿಂಗ್ ಕೃಷ್ಣ ನಾಯಕನಾಗಿದ್ದರೆ, ಮಿಲನಾ ನಾಗರಾಜ್ ಮತ್ತು ಇನ್ನೊಬ್ಬ ಇನ್ನೊಬ್ಬ ನಟಿ ನಿಮಿಕಾ ರತ್ನಾಕರ್ ನಾಯಕಿಯರಾಗಿ ಬಣ್ಣ ಹಚ್ಚಲಿದ್ದಾರೆ. ಸಿನಿಮಾದ ಪೋಸ್ಟರ್ನ್ನು ಇದೀಗ ಚಿತ್ರತಂಡ ಬಿಡುಗಡೆ ಮಾಡಿದೆ. ಶ್ರೀನಿವಾಸ್ ಮತ್ತು ಛಲಪತಿ ಆರ್ ವಿ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.
ಕೃಷ್ಣ ಮದುವೆಯ ಬಗ್ಗೆ ಕನಸುಗಳ ಸರಮಾಲೆಯನ್ನೇ ಕಟ್ಟಿಕೊಂಡಿರುವ ಯುವಕ. ಆದರೆ ಅವರಿಗೆ ಮದುವೆ ಭಾಗ್ಯ ಮಾತ್ರ ಯಾವಾಗಲೂ ಕಾಲಿನಲ್ಲಿ ಒದ್ದೇ ಕಳಿಸುವಂತದ್ದು. ಮದುವೆಗಾಗಿ ಪರದಾಡುವ ಸಾಫ್ಟ್ವೇರ್ ಇಂಜಿನಿಯರ್ನ ಬದುಕಿಗೆ ಒಂದಿಷ್ಟು ಫನ್ ಅನ್ನು ಸೇರಿಸಿ ಚಂದದ ಚಿತ್ರ ತಯಾರಿಸಲು ಸಿದ್ಧರಾಗಿದ್ದಾರೆ ನಿರ್ದೇಶಕ ಬಾಯ್ಡು ಬಂಡಾರ್. ಚಿತ್ರದಲ್ಲಿ ಮಿಲನಾ ನಾಗರಾಜ್ ಅವರದ್ದು ಸಂದೇಶ ನೀಡುವಂತಹ ಪಾತ್ರವಾಗಿದ್ದರೆ ನಿಮಿಕಾ ರತ್ನಾಕರ್ ಟ್ರೆಂಡಿ ಪಾತ್ರವನ್ನು ನಿರ್ವಹಿಸಲಿದ್ದಾರೆ.
ಇದನ್ನೂ ಓದಿ: ಯುವ ಧೂಮಪಾನಿಗಳಿಗಿದು ‘ಉಸಿರುಗಟ್ಟಿಸೋ’ ಸುದ್ದಿ; ಅವರನ್ನೇ ಗುರಿಯಾಗಿಸಿದೆ ಕೇಂದ್ರ ಸರ್ಕಾರದ ಹೊಸ ‘ಬಿಲ್ಲು’!
ನನ್ನದು ಮದುವೆಯ ಕನಸು ಕಾಣುವ ಪಾತ್ರವಾಗಿದ್ದರೆ ಮಿಲನಾದ್ದು ಚಿತ್ರಕ್ಕೆ ತಿರುವು ನೀಡುವಂತಹ ಪಾತ್ರ. ಹಲವು ದೃಶ್ಯಗಳ ಚಿತ್ರೀಕರಣ ಮುಗಿಸಿದ್ದೇವೆ. ಇನ್ನೂ ಒಂದಿಷ್ಟು ಬಾಕಿಯಿದೆ. ಸದ್ಯದಲ್ಲೇ ಶೂಟಿಂಗ್ ಆರಂಭಿಸಲಿದ್ದೇವೆ ಎಂದಿದ್ದಾರೆ ನಾಯಕ ನಟ ಡಾರ್ಲಿಂಗ್ ಕೃಷ್ಣ. (ಏಜೆನ್ಸೀಸ್)
View this post on Instagram
ಕೋವಿಡ್ ರೋಗಿಯ ಜತೆ ಸೆಕ್ಸ್ ಮಾಡಿ ಸಿಕ್ಕಿಬಿದ್ದ ನರ್ಸ್: ಪ್ರಕರಣದಲ್ಲಿದೆ ಊಹೆಗೂ ಮೀರಿದ ಸ್ಫೋಟಕ ಟ್ವಿಸ್ಟ್!
ಮಗನ ಹೆಂಡತಿಗೆ ಮಾವ ಹೀಗಾ ಮಾಡೋದು?! ತನಿಖೆಯಲ್ಲಿ ಬಯಲಾಯಿತು ಮಾವನ ನಿಜ ಬಣ್ಣ