ಸೈಬರಾಬಾದ್​ ಪೊಲೀಸ್​ ಆಯುಕ್ತ ಕನ್ನಡಿಗ ವಿಸಿ ಸಜ್ಜನರ್ ತೆಗೆದುಕೊಂಡ ನಿರ್ಧಾರಕ್ಕೆ ಭಾರಿ ಮೆಚ್ಚುಗೆ!

ಹೈದರಾಬಾದ್​: ಸೈಬರಾಬಾದ್​ ಪೊಲೀಸರು ಅನುಸರಿಸುತ್ತಿರುವ ಹೊಸ ನಡೆಯು ಇತರರಿಗೆ ಖಂಡಿತವಾಗಿ ಮಾದರಿಯಾಗಲಿದೆ. ಸಮಾಜದಲ್ಲಿ ನಿರ್ಲಕ್ಷ್ಯಕ್ಕೆ ಒಳಗಾಗಿರುವ ತೃತೀಯ ಲಿಂಗಿ ಸಮುದಾಯದ ಬೆನ್ನಿಗೆ ನಿಲ್ಲಲು ಮುಂದಾಗಿರುವ ಸೈಬರಾಬಾದ್​ ಪೊಲೀಸರು ಅವರಿಗಾಗಿ ಪ್ರತ್ಯೇಕ ಕೊಠಡಿಯನ್ನು ತೆರೆದು ಸಮಸ್ಯೆಗಳನ್ನು ಬಗೆಹರಿಸುವ ಪೂರ್ವ ತಯಾರಿಯಲ್ಲಿದ್ದಾರೆ.

ತೃತೀಯ ಲಿಂಗಿ ಸಮುದಾಯದ ಸುಮಾರು 150 ಮಂದಿಯೊಂದಿಗೆ ಸೈಬರಾಬಾದ್​ ಪೊಲೀಸ್​ ಆಯುಕ್ತ ವಿಸಿ ಸಜ್ಜನರ್ ಮತ್ತು ಇತರೆ ಅಧಿಕಾರಿಗಳೊಂದಿಗೆ ಶುಕ್ರವಾರ ನಡೆದ ಚರ್ಚೆಯಲ್ಲಿ ಈ ವಿಶೇಷವಾದ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಸೈಬರಾಬಾದ್​ ಪೊಲೀಸ್​ ಆಯುಕ್ತರ ಕಚೇರಿಯಲ್ಲಿ ಪ್ರತ್ಯೇಕ ಕೊಠಡಿ ಅಳವಡಿಸಲು ತೀರ್ಮಾನಿಸಿರುವುದಾಗಿ ಆಯುಕ್ತರು ಘೋಷಿಸಿದರು.

ಇದನ್ನೂ ಓದಿರಿ: ಮದುವೆ ದಿನವೇ ನಾಪತ್ತೆಯಾದ ವಧು! ಅಕ್ಕನ ಬದಲು ತಂಗಿಗೆ ತಾಳಿ ಕಟ್ಟಿದ ವರ!

ಸಮಾಜದಲ್ಲಿ ನಿರ್ಲಕ್ಷ್ಯಕ್ಕೆ ಒಳಗಾಗಿರುವ ಸಮುದಾಯದ ಸಮಸ್ಯೆಗಳು ಮತ್ತು ಅವರ ಮೇಲಿನ ಕಾಳಜಿ ಬಗ್ಗೆ ಅರಿತುಕೊಳ್ಳುವುದು ಸೇರಿದಂತೆ ಅವರ ಸಮಸ್ಯೆಗೆ ಸಾಧ್ಯವಾಗುವ ಪರಿಹಾರಗಳನ್ನು ಹುಡುಕುವುದು ಈ ವಿಶೇಷ ಹೆಜ್ಜೆ ಮೂಲ ಉದ್ದೇಶವಾಗಿದೆ. ಸಾಮಾಜಿಕ ಕಾರ್ಯಕರ್ತೆ ಸುನಿತಾ ಕೃಷ್ಣನ್​ ಮನವಿ ಮೇರೆಗೆ ಈ ವಿನೂತನ ಪ್ರಯತ್ನಕ್ಕೆ ಸೈಬರಬಾದ್​ ಪೊಲೀಸರು ಕೈಹಾಕಿದ್ದಾರೆ.

ಇದೀಗ ಸೈಬರಬಾದ್​ ಪೊಲೀಸರ ನಡೆಗೆ ರಾಜ್ಯಾದ್ಯಂತ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದ್ದು, ಎಲ್ಲ ಪೊಲೀಸರು ಈ ವ್ಯವಸ್ಥೆಯನ್ನು ಅನುಸರಿಸಿದರೆ ತೃತೀಯ ಲಿಂಗಿಗಳ ಮೇಲಿನ ದೌರ್ಜನ್ಯ ಮತ್ತು ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ದೊರೆಯಲಿದೆ ಎಂಬುದು ಎಲ್ಲರ ಮಾತಾಗಿದೆ. (ಏಜೆನ್ಸೀಸ್​) ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/rescue-of-girl-by-cyberbad-police/

https://www.vijayavani.net/cyberabad-cp-sajjanar-warns-bjp-mla-raja-singh/

https://www.vijayavani.net/33-petrol-pumps-in-telugu-states-use-e-chips-to-give-less-fuel-to-customers-shut-down/