ಪತ್ನಿ ಜತೆ ಟ್ರೆಕ್ಕಿಂಗ್​ ಹೋದ ನೆನಪಲ್ಲಿ ಕ್ರಿಕೆಟಿಗ ಅಜಿಂಕ್ಯ ರಹಾನೆ

ಮುಂಬೈ: ಭಾರತ ಟೆಸ್ಟ್​ ತಂಡದ ಉಪನಾಯಕ ಅಜಿಂಕ್ಯ ರಹಾನೆ, ಇತ್ತೀಚೆಗೆ ಇತರ ಆಟಗಾರರಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗುತ್ತಿದ್ದಾರೆ. ಕರೊನಾ ವೈರಸ್​ ಭೀತಿಯಿಂದಾಗಿ ಕ್ರಿಕೆಟ್​ ಚಟುವಟಿಕೆಗಳಿಂದ ದೂರ ಉಳಿದಿರುವ ಅಜಿಂಕ್ಯ ರಹಾನೆ, ಹಳೇ ಫೋಟೋಗಳನ್ನು ಇನ್​ಸ್ಟಾಗ್ರಾಂ, ಟ್ವಿಟರ್​ನಲ್ಲಿ ಪ್ರಕಟಿಸುತ್ತಾ ಬಂದಿದ್ದಾರೆ. ಪತ್ನಿಯೊಂದಿಗೆ ತೆರಳಿದ್ದ ಟ್ರೆಕ್ಕಿಂಗ್​ ಫೋಟೋವನ್ನು ಮಂಗಳವಾರ ಪ್ರಕಟಿಸಿದ್ದಾರೆ. ಇದರೊಂದಿಗೆ ಹಳೇ ದಿನಗಳು ಮೆಲುಕು ಹಾಕುತ್ತಿದ್ದಾರೆ. ಗ್ರೇಟ್​ ಕಂಪನಿ ಎಂದು ಬರೆದುಕೊಂಡಿರುವ ರಹಾನೆ ಪತ್ನಿ ರಾಧಿಕಾ ದೋಪ್ವಾಕರ್​ಗೆ ಟ್ಯಾಗ್​ ಮಾಡಿದ್ದಾರೆ.

ಇದನ್ನೂ ಓದಿ: VIDEO| ಕ್ರಿಸ್ ಗೇಲ್ ಕೆರಿಬಿಯನ್ ಡ್ಯಾನ್ಸ್ ವಿಡಿಯೋ ವೈರಲ್

ಇದನ್ನೂ ಓದಿ: ಟಿ20 ವಿಶ್ವಕಪ್ ಮುಂದೂಡಿದ ಐಸಿಸಿ ನಿರ್ಧಾರವನ್ನು ಸ್ವಾಗತಿಸಿದ ಆಸ್ಟ್ರೇಲಿಯಾ

2018ರ ಫೆಬ್ರವರಿಯಲ್ಲಿ ಕಡೇ ಬಾರಿಗೆ ಏಕದಿನ ಪಂದ್ಯವಾಡಿದ್ದಾರೆ. ಮಧ್ಯಮ ಹಾಗೂ ಆರಂಭಿಕನಾಗಿಯೂ ಆಡಲು ಸೈ ಎನಿಸಿಕೊಂಡಿರುವ ರಹಾನೆಗೆ ರಾಹುಲ್​ ದ್ರಾವಿಡ್​ ಮಾದರಿ. 32 ವರ್ಷದ ರಹಾನೆ ಇದುವರೆಗೂ ಆಡಿರುವ 65 ಟೆಸ್ಟ್​ ಪಂದ್ಯಗಳಿಂದ 11 ಶತಕ ಸೇರಿದಂತೆ 4203 ರನ್​ ಬಾರಿಸಿದ್ದರೆ, 90 ಏಕದಿನ ಪಂದ್ಯಗಳಿಂದ 3 ಶತಕ ಒಳಗೊಂಡಂತೆ 2962 ರನ್​ ಹಾಗೂ 20 ಟಿ20 ಪಂದ್ಯಗಳಿಂದ 375 ರನ್​ ಕಲೆಹಾಕಿದ್ದಾರೆ.