ಮಳೆ ನಡುವೆಯೇ ಶವಸಂಸ್ಕಾರ : ರುದ್ರಭೂಮಿ ಪುನಃ ನವೀಕರಣ ವಿಳಂಬ ; ಶೀಘ್ರ ಕಾಮಗಾರಿಗೆ ಸ್ಥಳೀಯರ ಆಗ್ರಹ

ವಿಜಯವಾಣಿ ಸುದ್ದಿಜಾಲ ಕೋಟ
ಕೋಟತಟ್ಟು ಗ್ರಾಪಂ ವ್ಯಾಪ್ತಿಯ ಹಿಂದು ರುದ್ರಭೂಮಿ ಪುನಃ ನವೀಕರಣಗೊಳ್ಳುತ್ತಿದ್ದು, ಕಾಮಗಾರಿ ವಿಳಂಬದ ವಿರುದ್ಧ ಸ್ಥಳೀಯರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸಂಸದ ಕೋಟ ಶ್ರೀನಿವಾಸ ಪೂಜಾರಿಯವರ ಮುತುವರ್ಜಿಯಲ್ಲಿ ಹಿಂದು ಧಾರ್ಮಿಕ ದತ್ತಿ ಇಲಾಖೆ ಅನುದಾನದಡಿ ಸುಮಾರು 25 ಲಕ್ಷ ರೂ. ವೆಚ್ಚದಲ್ಲಿ ಪುನಃ ನವೀಕರಣಗೊಳ್ಳುವ ರುದ್ರಭೂಮಿ ಕೋಟತಟ್ಟು ಗ್ರಾಪಂ ವಿಶೇಷ ಮುತುವರ್ಜಿಯಲಿ ್ಲಇತ್ತೀಚೆಗೆ ಕಾಮಗಾರಿ ಕೈಗೆತ್ತಿಕೊಂಡಿದೆ. ಆದರೆ ವಿಪರೀತ ಮಳೆ ಹಿನ್ನೆಲೆಯಲ್ಲಿ ಕಾಮಗಾರಿಗೆ ಅಡಚಣೆಯಾಗಿದೆ.

ಅಲ್ಲದೆ ಪಕ್ಕದ ಸ್ಥಳದಲ್ಲಿ ತಾತ್ಕಾಲಿಕ ತಗಡಿನ ಚಪ್ಪರ ಸಿದ್ಧಪಡಿಸಿದ್ದಾದರೂ ಭಾರಿ ಗಾಳಿ ಮಳೆ ಪ್ರಭಾವದಿಂದ ಹಾನಿಗೊಂಡಿದೆ. ಒಟ್ಟಿನಲ್ಲಿ ಸ್ಥಳೀಯರಿಗೆ ಶವಸಂಸ್ಕಾರ ನೆರವೇರಿಸಲು ಕ್ಲಿಷ್ಟಕರ ಸನ್ನಿವೇಶ ಎದುರಾಗಿದೆ. ಈ ಬಗ್ಗೆ ಗ್ರಾಮಸ್ಥರು ಸ್ಥಳೀಯ ಕೋಟತಟ್ಟು ಗ್ರಾಪಂ ತೆರಳಿ ಶೀಘ್ರದಲ್ಲಿ ಕಾಮಗಾರಿ ಪೂರ್ಣಗೊಳಿಸಲು ಮನವಿ ಮಾಡಿದ್ದಾರೆ.

https://www.vijayavani.net/khokho-of-padubidri

https://www.vijayavani.net/karkala-municipality