ವಿಮಾ ಪಾಲಿಸಿ ಉತ್ಪನ್ನಕ್ಕೆ ಆಯಾ ವಿಮಾ ಕಂಪನಿ ಹೆಸರಿನ ಜತೆಗೆ ಕರೊನಾ ಕವಚ್ ಪಾಲಿಸಿ ಎಂದು ನಾಮಕರಣ ಮಾಡಬೇಕು. ಸಿಂಗಲ್ ಪ್ರೀಮಿಯಂ ಮಾದರಿಯಲ್ಲಿರಬೇಕು. ಈ ವಿಮೆಯ ಪ್ರೀಮಿಯಂ ಅನ್ನು ದೇಶಾದ್ಯಂತ ಒಂದೇ ಇರುವಂತೆ ನೋಡಿಕೊಳ್ಳಬೇಕು. ಉಳಿದವುಗಳಂತೆ ಭೌಗೋಳಿಕ ವ್ಯಾಪ್ತಿಗೆ ಅನುಗುಣವಾಗಿ ರೂಪಿಸಬಾರದು. ಕೋವಿಡ್ ಜತೆಗೆ ಇತರ ಸಮಸ್ಯೆಗಳಿದ್ದರೂ ಅವುಗಳ ಚಿಕಿತ್ಸೆಯೂ ಕವರ್ ಆಗುವಂತೆ ಪ್ರೀಮಿಯಂ ಇರಬೇಕು. ಪಾಲಿಸಿದಾರರಿಗೆ ಹಾಸ್ಪಿಟಲೈಸೇಷನ್ ವೆಚ್ಚ, ಹೋಮ್ ಕೇರ್ ಚಿಕಿತ್ಸಾ ವೆಚ್ಚ, ಆಯುಷ್ ಚಿಕಿತ್ಸೆ, ಪ್ರೀ ಮತ್ತು ಪೋಸ್ಟ್ ಹಾಸ್ಪಟಲೈಸೇಷನ್ ಚಿಕಿತ್ಸಾ ವೆಚ್ಚವೂ ಸಿಗುವಂತಿರಬೇಕು. ಹೋಮ್ ಕೇರ್ ಚಿಕಿತ್ಸಾ ವೆಚ್ಚಕ್ಕೆ ಸಂಬಂಧಿಸಿ ಷರತ್ತುಗಳಿದ್ದು, ಗರಿಷ್ಠ 14 ದಿನಗಳ ಚಿಕಿತ್ಸೆಯ ವೆಚ್ಚವನ್ನು ಈ ಪಾಲಿಸಿಗೆ ಸೇರಿಸಬಹುದಾಗಿದೆ.
