ಸಿಂಗಾಪುರ: ಕೋವಿಡ್-19 ಸೋಂಕಿನ ಮತ್ತೊಂದು ಅಲೆ ಕಾಡುವ ಅಪಾಯ ತಲೆದೋರಿದ್ದು ಮುಂಬರುವ ವಾರಗಳಲ್ಲಿ ಜನರು ಅನಾರೋಗ್ಯದಿಂದ ಆಸ್ಪತ್ರೆಗಳಿಗೆ ದಾಖಲಾಗಬೇಕಾದೀತು ಎಂದು ಸಿಂಗಾಪುರ ಆರೋಗ್ಯ ಸಚಿವ ಆಂಗ್ ಯೇ ಕುಂಗ್ ಎಚ್ಚರಿಸಿದ್ದಾರೆ.
ಮೂರು ವಾರಗಳ ಹಿಂದೆ ಇದ್ದ 1,000 ದೈನಿಕ ಪ್ರಕರಣಗಳು ಕಳೆದ ಎರಡು ವಾರಗಳಲ್ಲಿ 2,000ಕ್ಕೆ ಏರಿದೆ. ಆದರೆ ಸರ್ಕಾರ ಇದನ್ನು “ಎಂಡೆಮಿಕ್ ರೋಗ’ವಾಗಿ ಪರಿಗಣಿಸುತ್ತದೆ ಎಂದು ಕುಂಗ್ ಹೇಳಿದ್ದಾರೆ.
ಇತ್ತೀಚಿನ ಕೋವಿಡ್ ಉಲ್ಬಣಕ್ಕೆ ಇಜಿ.5 ಮತ್ತು ಅದರ ಉಪ-ಪ್ರಭೇದ ಎಚ್ಕೆ.3 ಕಾರಣವೆಂದು ಹೇಳಲಾಗಿದೆ. ಇವೆರಡೂ ಎಕ್ಸ್ಬಿಬಿ ಒಮಿಕ್ರಾನ್ ತಳಿಯ ಪ್ರಭೇದಗಳಾಗಿವೆ. ಹಾಲಿ ದೈನಿಕ ಪ್ರಕರಣಗಳಲ್ಲಿ ಈ ಎರಡು ತಳಿಗಳ ಪಾಲು ಶೇ. 75ರಷ್ಟಿದೆ ಎಂದು ಸಿಂಗಾಪುರ ಸಚಿವರು ವಿವರಿಸಿದ್ದಾರೆ.