'ಮರ್ಡರ್​' ಬಿಡುಗಡೆ ಮಾಡಲು ನ್ಯಾಯಾಲಯ ಷರತ್ತುಬದ್ಧ ಒಪ್ಪಿಗೆ ...

ಮುಂಬೈ: ನಿರ್ದೇಶಕ ರಾಮ್​ಗೋಪಾಲ್​ ವರ್ಮ ನಿಟ್ಟುಸಿರುಬಿಟ್ಟಿದ್ದಾರೆ. ಕಾರಣ, ಈ ಹಿಂದೆ ನೆಲಗೊಂಡಾ ನ್ಯಾಯಾಲಯವು ಚಿತ್ರವನ್ನು ಸದ್ಯಕ್ಕೆ ಬಿಡುಗಡೆ ಮಾಡುವಂತಿಲ್ಲ ಎಂದು ಹೇಳಿತ್ತು. ಈಗ ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ನ್ಯಾಯಾಲಯವು ಒಪ್ಪಿದ್ದು, ಕೆಲವು ಷರತ್ತುಗಳನ್ನು ವಿಧಿಸಿದೆ.

ಇದನ್ನೂ ಓದಿ: ಸೆಕ್ಸ್​ ಬಿಟ್ಟರೆ ಕಿಯಾರಾಗೆ ಏನಿಷ್ಟ!?; ಅಭಿಮಾನಿಯ ಪ್ರಶ್ನೆಗೆ ನಟಿಯ ಉತ್ತರ ಹೀಗಿದೆ

ರಾಮ್​ಗೋಪಾಲ್​ ವರ್ಮಾ ಒಂದು ನೈಜ ಘಟನೆಯನ್ನಾಧರಿಸಿ, 'ಮರ್ಢರ್​' ಎನ್ನುವ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರದ ಟ್ರೈಲರ್​ ಸಹ ಬಿಡುಗಡೆಯಾಗಿತ್ತು. ಇನ್ನೇನು ಚಿತ್ರ ಬಿಡುಗಡೆಯಾಗಬೇಕು ಎನ್ನುವಷ್ಟರಲ್ಲಿ, ತಮ್ಮ ಅನುಮತಿಯನ್ನೇ ಪಡೆಯದೇ ತಮ್ಮ ಜೀವನವನ್ನಾಧರಿಸಿ ಚಿತ್ರ ಮಾಡುವುದಕ್ಕೆ ಹೇಗೆ ಸಾಧ್ಯ ಎಂದು ಅಮೃತಾ ಎನ್ನುವವರು ನಲಗೊಂಡಾ ನ್ಯಾಯಾಲಯದ ಮೆಟ್ಟಿಲೇರಿದ್ದರು.

ಈ ವಿಷಯವಾಗಿ ನ್ಯಾಯಾಲಯವು ವರ್ಮಾ ಮತ್ತು ತಂಡದವರ ವಿಚಾರಣೆ ನಡೆಸುವುದರ ಜತೆಗೆ, ಪೂರ್ತಿ ವಿಚಾರಣೆಯಾಗುವವರೆಗೂ ಚಿತ್ರವನ್ನು ಬಿಡುಗಡೆ ಮಾಡುವಂತಿಲ್ಲ ಎಂದು ನ್ಯಾಯಾಲಯ ಹೇಳಿತ್ತು. ಚಿತ್ರವನ್ನು ತಕ್ಷಣ ಬಿಡುಗಡೆ ಮಾಡಿ ಒಂದಿಷ್ಟು ದುಡ್ಡು ಮಾಡಿಕೊಳ್ಳಬೇಕು ಎಂದು ಕಾದಿದ್ದ ಆರ್​ಜಿವಿ ಕನಸಿಗೆ ಇದೀಗ ತಣ್ಣೀರೆರಚಿದಂತಾಗಿತ್ತು.

ಈಗ ಈ ಕುರಿತಾಗಿ ನ್ಯಾಯಾಲಯವು ವರ್ಮ ಅವರಿಗೆ ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ಅನುಮತಿ ನೀಡಿದೆ. ಆದರೆ, ಒಂದು ಷರತ್ತನ್ನೂ ವಿಧಿಸಿದೆ. ಆ ಷರತ್ತನ್ನು ಪೂರ್ಣಗೊಳಿಸಿದರೆ ಮಾತ್ರ ವರ್ಮ ಅವರಿಗೆ ಚಿತ್ರ ಬಿಡುಗಡೆ ಮಾಡುವ ಅವಕಾಶ ನೀಡಲಾಗುತ್ತದೆ. ಇಷ್ಟಕ್ಕೂ ಆ ಷರತ್ತೇನು ಎಂದರೆ, ಇದು ನೈಜ ಘಟನೆಯಾದ್ದರಿಂದ ಮತ್ತು ಪಾತ್ರಧಾರಿಗಳ ಹೆಸರುಗಳನ್ನು ಕೇಳಿದರೆ, ಯಾವ ಘಟನೆ ಎಂದು ಊಹಿಸಲು ಸಾಧ್ಯವಿರುವುದರಿಂದ, ಪಾತ್ರಧಾರಿಗಳ ಹೆಸರುಗಳನ್ನು ಬದಲಾಯಿಸಬೇಕು ಎಂದು ಸೂಚಿಸಿದೆ.

ಇದನ್ನೂ ಓದಿ: ಅಪ್ಪ ಮಗನ ಕೃಷಿ ಪ್ರೀತಿ; ಸೈಫ್​ ಜತೆ ಜಮೀನಿನಲ್ಲಿ ನೀರು ಹಾಯಿಸ್ತಿದ್ದಾನೆ ತೈಮೂರ್​

ಇದಕ್ಕೆ ವರ್ಮ ಒಪ್ಪಿರುವುದಷ್ಟೇ ಅಲ್ಲ, ನ್ಯಾಯಾಲಯಕ್ಕೆ ಟ್ವೀಟ್​ ಮೂಲಕ ಧನ್ಯವಾದಗಳನ್ನು ಸಲ್ಲಿಸಿದ್ದಾರೆ. 'ನಮ್ಮ ಒಳ್ಳೆಯ ಉದ್ದೇಶಗಳನ್ನು ನ್ಯಾಯಾಲಯವು ಅರ್ಥ ಮಾಡಿಕೊಂಡು, ಒಂದು ಷರತ್ತಿನೊಂದಿಗೆ ಚಿತ್ರ ಬಿಡುಗಡೆ ಮಾಡುವುದಕ್ಕೆ ಅನುಮತಿ ನೀಡಿದೆ. ಹೆಚ್ಚಿನ ವಿವರಗಳು ಸದ್ಯದಲ್ಲೇ ಎಲ್ಲರಿಗೂ ಸಿಗಲಿದೆ' ಎಂದು ವರ್ಮ ಹೇಳಿದ್ದಾರೆ.

https://www.vijayavani.net/priya-prakash-varrier-is-too-hot-to-handle-as-she-rocks-a-sultry-silver-dress-with-a-thigh-high-slit/