ನವದೆಹಲಿ: ಇವರಿಬ್ಬರಿಗೆ ಮದುವೆಯಾಗಿ 17 ವರ್ಷಗಳು ಉರುಳಿವೆ. ಮಾತ್ರವಲ್ಲ, ಮೂವರು ಮಕ್ಕಳೂ ಇದ್ದಾರೆ. ಆದರೆ ಇಷ್ಟೆಲ್ಲ ಆದಮೇಲೆ ಪತ್ನಿಗೆ ಪತಿ ಜೊತೆಗೆ ಇರಬೇಕೋ ಬೇಡವೋ ಎಂಬ ಗೊಂದಲವೊಂದು ಕಾಡಿದೆ. ಅಷ್ಟಕ್ಕೂ ಈ ಗೊಂದಲ ಕಾಡಲು ಕಾರಣ ಇವರಿಬ್ಬರ ನಡುವಿನ ಅಸಲಿ ಸಂಬಂಧ!
ಯುಎಸ್ನ ಕೊಲೊರಡೊದಲ್ಲಿನ ಸೆಲಿನಾ ಕ್ವಿನಾನ್ಸ್ ಮತ್ತು ಜೋಸೆಫ್ ದಂಪತಿ 2006ರಲ್ಲಿ ಮದುವೆಯಾಗಿದ್ದರು. ಇವರಿಗೆ ಮೂವರು ಮಕ್ಕಳಿದ್ದಾರೆ. ಆದರೆ ಮದುವೆಯಾಗಿ 17 ವರ್ಷಗಳ ಬಳಿಕ ಇವರಿಗೆ ತಾವು ಕಸಿನ್ಸ್ ಎಂಬುದು ಡಿಎನ್ಎ ಪರೀಕ್ಷೆಯಿಂದಾಗಿ ಗೊತ್ತಾಗಿದೆ.
ಇದನ್ನೂ ಓದಿ: ನಂದಿನಿ-ಅಮುಲ್ ಸಂಘರ್ಷ: ಕೆಎಂಎಫ್ನಿಂದ ಹೊರಬಿತ್ತು ಮಹತ್ವದ ಸ್ಪಷ್ಟನೆ
ಈ ದಂಪತಿ ತಮ್ಮ ವಂಶವೃಕ್ಷದ ಬಗ್ಗೆ ತಿಳಿಯುವ ಕುತೂಹಲದಿಂದ ಡಿಎನ್ಎ ಪರೀಕ್ಷೆ ಮಾಡಿಸಿದ್ದರು. ಆದರೆ ಅದರಲ್ಲಿ ಆಘಾತಕಾರಿ ವಿಷಯ ಬೆಳಕಿಗೆ ಬಂದಿತ್ತು. ಇವರಿಬ್ಬರು ಈಗ ಸಂಬಂಧದಲ್ಲಿ ಕಸಿನ್ಸ್ ಆಗುತ್ತದೆ ಎಂದು ಡಿಎನ್ಎ ಪರೀಕ್ಷೆಯಲ್ಲಿ ತಿಳಿದುಬಂದಿತ್ತು.
ಇದನ್ನೂ ಓದಿ: Wanted | ಸುಳಿವು ನೀಡಿದ್ರೆ 5 ಲಕ್ಷ ರೂ. ಬಹುಮಾನ; ಈತ ಹಿಂದೂ ಕಾರ್ಯಕರ್ತ ರುದ್ರೇಶ್ ಹತ್ಯೆ ಪ್ರಕರಣದ ಆರೋಪಿ
ನಾನು ಈ ಪರೀಕ್ಷೆಯ ವರದಿ ನೋಡಿ ದಿಗ್ಭ್ರಾಂತಗೊಂಡಿದ್ದು, ಖಿನ್ನಳಾಗಿದ್ದೆ. ಆದರೆ ಬಳಿಕ ನನ್ನ ಪತಿ ಆ ಬೇಸರದಿಂದ ಹೊರಬರುವಂತೆ ಮಾಡಿದ್ದರು. ನಾವು ಕಸಿನ್ಸ್ ಎಂದು ಗೊತ್ತಾದಾಗ ನಾವಿನ್ನು ಜೊತೆಗಿರಬೇಕೋ ಇಲ್ಲ ಬೇರೆಯಾಗಿ ಬಿಡಬೇಕೋ ಎಂಬ ಗೊಂದಲ ಕಾಡಿತ್ತು ಎಂದು ಸೆಲಿನಾ ತನ್ನ ಟಿಕ್ಟಾಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಳು. ಅದಾಗ್ಯೂ ತಮ್ಮ ದಾಂಪತ್ಯ ಮುಂದುವರಿಸುವ ನಿಲುವು ತಳೆದಿರುವ ಸೆಲಿನಾ, ಐ ಲವ್ ಮೈ ಕಸಿನ್ ಎಂದೂ ಹೇಳಿಕೊಂಡಿದ್ದಾರೆ.
ಅಪರಿಚಿತರ ಬಳಿ ಲಿಫ್ಟ್ ಕೇಳಿಯೇ ಏಕಾಂಗಿಯಾಗಿ ಇಡೀ ರಾಜ್ಯ ಸುತ್ತಲಾರಂಭಿಸಿದ್ದಾಳೆ ಈ ಯುವತಿ: ಉದ್ದೇಶವಾದರೂ ಏನು?