ಕೋರ್ಟ್​ ಸಿಬ್ಬಂದಿಗೆ ಕರೊನಾ ಪಾಸಿಟಿವ್​, ನ್ಯಾಯಾಧೀಶರಿಗೂ ಟೆನ್ಷನ್​!

ಚಿಕ್ಕಬಳ್ಳಾಪುರ: ರಾಜ್ಯದ ಆಡಳಿತ ಶಕ್ತಿ ಕೇಂದ್ರ ವಿಧಾನಸೌಧ, ವಿಕಾಸಸೌಧ, ಶಾಸಕರ ಭವನ, ಸಚಿವರ ಮನೆಗೂ ವಕ್ಕರಿಸಿದ ಮಹಾಮಾರಿ ಕರೊನಾ ಸೋಂಕು ಈಗ ನ್ಯಾಯಾಲಯಕ್ಕೂ ಕಾಲಿಟ್ಟಿದೆ.

ಕರೊನಾ ವಾರಿಯರ್​ಗಳಾದ ಪೊಲೀಸರು, ವೈದ್ಯರನ್ನೂ ಬೆಂಬಿಡದೆ ಕಾಡುತ್ತಿರುವ ಸೋಂಕು ಈಗ ಬಾಗೇಪಲ್ಲಿ ಜೆಎಂಎಫ್​ಸಿ ಕೊರ್ಟ್​ ಸಿಬ್ಬಂದಿಗೂ ವಕ್ಕರಿಸಿದೆ. ನ್ಯಾಯಾಲಯವನ್ನು ಸಂಪೂರ್ಣ ಸೀಲ್​ಡೌನ್ ಮಾಡಲಾಗಿದೆ. ಇದನ್ನೂ ಓದಿರಿ ಎಚ್ಚರ! ಆಸ್ಪತ್ರೆಯಿಂದ ಕರೊನಾ ಸೋಂಕಿತ ಎಸ್ಕೇಪ್, ನಿಮ್ಮ ಬಳಿಯೂ ಆತ ಬರಬಹುದು…

ಬಾಗೇಪಲ್ಲಿ ನ್ಯಾಯಾಲಯದ ಮಹಿಳಾ ಸಿಬ್ಬಂದಿಗೆ ಸೋಂಕು ದೃಢಪಟ್ಟಿದೆ. ಗೌರಿಬಿದನೂರು ಮೂಲದ ಈ ಮಹಿಳೆಯು ಕೆಲಸಕ್ಕೆಂದು ಪ್ರತಿನಿತ್ಯ ಬಾಗೇಪಲ್ಲಿಗೆ ಪ್ರಯಾಣಿಸುತ್ತಿದ್ದರು. ಇತ್ತೀಚೆಗೆ ಬಾಗೇಪಲ್ಲಿ ಸಾರ್ವಜನಿಕ ಆಸ್ಪತ್ರೆಯ ಫೀವರ್ ಕ್ಲಿನಿಕ್​ನಲ್ಲಿ ಮಹಿಳೆಯ ಗಂಟಲು ದ್ರವ ಮಾದರಿ ಸಂಗ್ರಹಿಸಿ ಕರೊನಾ ಪರೀಕ್ಷೆ ಮಾಡಲಾಗಿದ್ದು, ವರದಿ ಪಾಸಿಟಿವ್​ ಬಂದಿದೆ. ನ್ಯಾಯಾಧೀಶರು ಸೇರಿ ಕೋರ್ಟಿನ ಸಿಬ್ಬಂದಿಗೆ ಕರೊನಾ ಭೀತಿ ಆವರಿಸಿದೆ.

https://www.vijayavani.net/ut-khader-neglected-to-wear-ppe-kit-for-kovid-infected-funeral-time/