ಇಸ್ಲಾಂ ಬಿಟ್ಟು ಹಿಂದು ಧರ್ಮಕ್ಕೆ ಮತಾಂತರಗೊಂಡ ಎಂ.ಟೆಕ್ ಪದವೀಧರೆ! ಅಚ್ಚರಿಯ ಕಾರಣ ಹೀಗಿದೆ... Conversion ​

ಗುವಾಹಟಿ: ಎಂಟೆಕ್​ ಪದವೀಧರೆಯೊಬ್ಬಳು ಇಸ್ಲಾಂ ಧರ್ಮವನ್ನು ತೊರೆದು ಸನಾತನ ಧರ್ಮವನ್ನು ಅಳವಡಿಸಿಕೊಳ್ಳುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾಳೆ. ಈ ಮತಾಂತರ ( Conversion ) ವಿಚಾರ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದೆ.

ಹಿಂದು ಧರ್ಮಕ್ಕೆ ಮತಾಂತರಗೊಂಡ ಯುವತಿಯನ್ನು ಅಸ್ಸಾಂನ ರಂಗಿಯಾ ಮೂಲದ ರಜಿನಾ ಬೇಗಂ ಎಂದು ಗುರುತಿಸಲಾಗಿದೆ. ಈಕೆ ತನ್ನದೇ ಧರ್ಮದ ಜಿಹಾದಿ ಚಟುವಟಿಕೆಗಳಿಂದ ಬೇಸತ್ತು ಹಿಂದು ಧರ್ಮವನ್ನು ಸ್ವೀಕರಿಸಿದ್ದಾಳೆ. ಅಸ್ಸಾಂನ ನಾಗಾಂವ್‌ನಲ್ಲಿರುವ ಶ್ರೀ ಜಖಲಬಂಧಿ ದೇವಸ್ಥಾನದಲ್ಲಿ ಅರ್ಚಕರ ಸಮ್ಮುಖದಲ್ಲಿ ಪೂಜಾ ವಿಧಿವಿಧಾನಗಳೊಂದಿಗೆ ರೆಜಿನಾ ಸನಾತನ ಧರ್ಮವನ್ನು ಸ್ವೀಕರಿಸಿದರು.

ಜುಗಲ್​ ಚಂದ್ರ ದೇವ್ ಗೋಸ್ವಾಮಿ ಅವರ ಆಧ್ಯಾತ್ಮಿಕ ಮಾರ್ಗದರ್ಶನದಲ್ಲಿ ಪೂಜಾ ವಿಧಾನ ನಡೆಯಿತು. ಸನಾತನ ಧರ್ಮದಲ್ಲಿರುವ ಆಚಾರ-ವಿಚಾರಗಳ ಮೇಲೆ ವಿಶೇಷ ಗೌರವ ಹೊಂದಿದ್ದ ರೆಜಿನಾ ಬೇಗಂ ಹಿಂದು ಧರ್ಮಕ್ಕೆ ಮತಾಂತರವಾಗಲು ಬಯಸಿದ್ದರು. ಕೊನೆಗೂ ತನ್ನ ಬಯಕೆ ಈಡೇರಿದೆ.

ಇದನ್ನೂ ಓದಿ: ಬಿಳಿ vs ಗುಲಾಬಿ: ಯಾವ ಬಣ್ಣದ ಡ್ರ್ಯಾಗನ್​ ಫ್ರೂಟ್ಸ್ ಆರೋಗ್ಯಕ್ಕೆ ಉತ್ತಮ? ಇಲ್ಲಿದೆ ನೋಡಿ ಉಪಯುಕ್ತ ಮಾಹಿತಿ | Dragon fruit

ಹೋಮ, ಹವನ ಸೇರಿದಂತೆ ಹಿಂದು ಸಂಪ್ರದಾಯದಂತೆ ಘರ್ ವಾಪ್ಸಿ ಕಾರ್ಯಕ್ರಮವನ್ನು ನಡೆಸಲಾಯಿತು. ರೆಜಿನಾ ಬೇಗಂ ಎಂದಿದ್ದ ಹೆಸರನ್ನು ಅನನ್ಯ ಎಂದು ಬದಲಾಯಿಸಿಕೊಂಡರು. ಮತಾಂತರವಾಗಲು ಬಯಸಿದ ಯುವತಿಗೆ ಸಹಾಯ ಮಾಡಿದ್ದಕ್ಕೆ ನನ್ನ ಮೇಲೆ ಹಲ್ಲೆಗೆ ಯತ್ನಿಸಲಾಗಿದೆ ಎಂದು ಜುಗಲ್ ಚಂದ್ರ ದೇವ್ ಗೋಸ್ವಾಮಿ ಹೇಳಿದ್ದಾರೆ.

ಇನ್ನು ಹಿಂದು ಧರ್ಮಕ್ಕೆ ಸೇರಲು ಸಾವಿರ ಯುವಕರು ಕಾಯುತ್ತಿದ್ದಾರೆ ಎಂದು ಇದೇ ಸಂದರ್ಭದಲ್ಲಿ ಜುಗಲ್ ಚಂದ್ರ ದೇವ್ ಗೋಸ್ವಾಮಿ ಹೇಳಿದರು. (ಏಜೆನ್ಸೀಸ್​)

https://www.vijayavani.net/conversion-feroze-alam-converted-12-women-to-islam-after-marring-them

https://www.vijayavani.net/mumaith-khan-who-was-the-dream-girl-of-many-see-how-they-are-now