ಜೈಪುರ: ಮುಂಬರುವ ರಾಜಸ್ಥಾನ ವಿಧಾನಸಭೆ ಚುನಾವಣೆಗೆ ಕಾಂಗ್ರೆಸ್ 43 ಅಭ್ಯರ್ಥಿಗಳ ಎರಡನೇ ಪಟ್ಟಿಯನ್ನು ಭಾನುವಾರ ಬಿಡುಗಡೆ ಮಾಡಿದೆ.
ಬಿಡುಗಡೆಯಾಗಿರುವ ಎರಡನೇ ಪಟ್ಟಿಯಲ್ಲಿ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಹಾಗೂ ಸಚಿನ್ ಪೈಲಟ್ ಅವರ ಆಪ್ತರಿಗೂ ಕಾಂಗ್ರೆಸ್ ಹೈಕಮಾಂಡ್ ಮಣೆ ಹಾಕಿದೆ. ಶನಿವಾರ ಬಿಡುಗಡೆಯಾಗಿದ್ದ 33 ಅಭ್ಯರ್ಥಿಗಳ ಮೊದಲ ಪಟ್ಟಿಯಲ್ಲಿ 28 ಮಂದಿ ಹಾಲಿ ಶಾಸಕರಿಗೆ ಟಿಕೆಟ್ ಘೋಷಿಸಲಾಗಿತ್ತು.
ಇದನ್ನೂ ಓದಿ: ನೇಪಾಳದಲ್ಲಿ 4.3 ತೀವ್ರತೆಯ ಭೂಕಂಪ; 24 ಘಂಟೆಗಳ ಒಳಗೆ ಎರಡು ಭಾರಿ ಕಂಪಸಿದ ಭೂಮಿ
ಕೇಕ್ರಿ ಕ್ಷೇತ್ರದಿಂದ ರಘು ಶರ್ಮಾ, ಸಿವಿಲ್ ಲೈನ್ಸ್ನಿಂದ ಪ್ರತಾಪ್ ಖಚರಿಯಾವಾಸ್ ಮತ್ತು ದೀಗ್-ಕುಮ್ಹೆರ್ನಿಂದ ವಿಶ್ವೇಂದ್ರ ಸಿಂಗ್, ಖಜುವಾಲಾ ಕ್ಷೇತ್ರದಿಂದ ಗೋವಿಂದ್ ರಾಮ್ ಮೇಘವಾಲ್, ಸದಾಶಹರ್ನಿಂದ ಅನಿಲ್ ಶರ್ಮಾ, ರಾಮಗಢದಿಂದ ಜುಬೇರ್ ಖಾನ್, ದೌಸಾದಿಂದ ಮುರಾರಿ ಲಾಲ್ ಮೀನಾ, ಮಂಡಲ್ನಿಂದ ರಾಮ್ಲಾಲ್ ಜಾತ್ ಮತ್ತು ಪ್ರಮೋದ್ ಜೈನ್ ಭಯಾಗೆ ಟಿಕೆಟ್ ನೀಡಲಾಗಿದೆ.
ರಾಷ್ಟ್ರ ರಾಜಕಾರಣದ ದಿಕ್ಸೂಚಿ ಎಂದೇ ಬಿಂಬಿತವಾಗಿರುವ ಪಂಚರಾಜ್ಯ ಚುನಾವಣೆ ಮುಂಬರುವ ಲೋಕಸಭೆ ಎಲೆಕ್ಷನ್ಗೆ ಸೆಮಿಫಿನಾಲೆ ಎಂದೇ ಹೇಳಲಾಗಿದೆ. 200 ಸದಸ್ಯಬಲದ ರಾಜಸ್ಥಾನ ವಿಧಾನಸಭೆಗೆ ನವೆಂಬರ್ 25ರಂದು ಮತದಾನ ನಡೆಯಲಿದ್ದು, ಡಿಸೆಂಬರ್ 3ಕ್ಕೆ ಫಲಿತಾಂಶ ಪ್ರಕಟವಾಗಲಿದೆ.