ಪಿಎಫ್​ಐ ಬೆಳೆಯಲು ಕುಮ್ಮಕ್ಕು ನೀಡಿದ್ದೇ ಕಾಂಗ್ರೆಸ್; ಬಿಜೆಪಿ ಶಾಸಕ ಆಕ್ರೋಶ

ಬೆಳಗಾವಿ: ದೇಶದಲ್ಲಿ ಪಿಎಫ್​ಐ ಬೆಳೆಯಲು ಕುಮ್ಮಕ್ಕು ನೀಡಿದ್ದೇ ಕಾಂಗ್ರೆಸ್ ಪಕ್ಷ. ಸಿದ್ಧರಾಮಯ್ಯ ಸಿಎಂ ಆಗಿದ್ದಾಗ ಪಿಎಫ್​ಐ ಮೇಲೆ ದಾಖಲಾಗಿದ್ದ ಕೇಸ್ ವಾಪಾಸ್ ಪಡೆದುಕೊಂಡರು. ಕಾಂಗ್ರೆಸ್​​ನ ಈ ನಿರ್ಧಾರ ಪಿಎಫ್ಐಗೆ ಬಲ ಬಂದಿತು. ದೇಶ ವಿರೋಧ ಕೆಲಸ ಮಾಡಿದ್ರು ಕಾಂಗ್ರೇಸ್ ಸರ್ಕಾರ ನಮ್ಮ ಬೆನ್ನಿಗಿದೆ ಎಂಬುವುದು ಪಿಎಫ್​​ಐಗೆ ಅರಿವಾಯಿತು ಎಂದು ಕಾಂಗ್ರೆಸ್​ ವಿರುದ್ಧ ಬಿಜೆಪಿ ಶಾಸಕ ಅಭಯ್ ಪಾಟೀಲ್ ಹೊಸ ಬಾಂಬ್ ಸಿಡಿಸಿದರು.

ಪಿಎಫ್​ಐ ದೇಶ, ಸಮಾಜ ವಿರೋಧಿ ಹಾಗೂ ಸಮಾಜದಲ್ಲಿ ಅಶಾಂತಿ ನಿರ್ಮಾಣ ಮಾಡುವ ಸಂಘಟನೆ. ಇವತ್ತು ಸಿಕ್ಕ ದಾಖಲೆಗಳ ಆಧಾರ ನೋಡಿದರೆ, ಇನ್ನೊಂದೆರೆಡು ವರ್ಷದಲ್ಲಿ ಇಡೀ ದೇಶವನ್ನೆ ಅಲ್ಲೋಲ ಕಲ್ಲೋಲ ಮಾಡುವ ಶಕ್ತಿ ಬೆಳೆಸಿಕೊಂಡಿದ್ದಾರೆ ಎಂದರು.

ಹಿಂದೆ ಪಿಎಫ್​ಐ ಪದಾಧಿಕಾರಿಗಳ ಮೇಲೆ ಕೇಸ್ ಹಾಕಿದ್ದಾಗ, ಸುಮಾರು 2000 ಕ್ಕಿಂತ ಹೆಚ್ಚು ಕೇಸ್​​ಗಳನ್ನು ಆಗಿನ ಸಿಎಂ ಸಿದ್ದರಾಮಯ್ಯ ಹಿಂತೆಗೆದುಕೊಂಡರು. ಇವತ್ತು ಕರ್ನಾಟಕದಲ್ಲಿ ಪಿಎಫ್ಐ ಇಷ್ಟು ಬೆಳೆಯಲು ಕಾರಣ ಕಾಂಗ್ರೆಸ್​ ಪಕ್ಷ ಹಾಗೂ ಸಿದ್ದರಾಮಯ್ಯ ಕಾರಣ ಎಂದು ಆರೋಪಿಸಿದರು.

ಎನ್​ಐಎ ಉತ್ತಮ ಕಾರ್ಯಾಚರಣೆ ಮಾಡಿ ಪಿಎಫ್​ಐಯ ದೇಶದ್ರೋಹಿ ಕೆಲಸವನ್ನು ಮಟ್ಟ ಹಾಕುತ್ತಿದೆ. ಇದರಿಂದ ನಿಶ್ಚಿತವಾಗಿ ದೇಶಕ್ಕೆ ಒಳ್ಳೆಯದಾಗುತ್ತದೆ ಎಂದು ಶಾಸಕ ಅಭಯ್ ಪಾಟೀಲ.

https://www.vijayavani.net/dr-shivram-karanta-huttoor-award-actor-ramesh-aravind-was-selected/

https://www.vijayavani.net/shikhar-dhawans-latest-instagram-reel-with-ravindra-jadeja-leaves-internet-in-splits/

https://www.vijayavani.net/70-lakhs-in-shri-renuka-yallamma-devis-hundi-donation/