VIDEO: ಶಿಖರ್ ಧವನ್ ಜೊತೆ ರೀಲ್ಸ್​​ನಲ್ಲಿ ಕಾಣಿಸಿಕೊಂಡ ಜಡೇಜಾ; ಕಾಲೆಳೆದ ನೆಟ್ಟಿಗರು

ನವ ದೆಹಲಿ: ಭಾರತದ ಕ್ರಿಕೆಟ್ ತಂಡದ ಆಲ್​​ರೌಂಡರ್ ರವೀಂದ್ರ ಜಡೇಜಾ ಗಾಯದಿಂದಾಗಿ ಏಷ್ಯಾಕಪ್ ಸರಣಿಯ ಅರ್ಧದಿಂದಲೇ ಹೊರನಡೆದಿದ್ದರು. ಶಸ್ತ್ರಚಿಕಿತ್ಸೆಯ ನಂತರ ಇದೀಗ ಚೇತರಿಸಿಕೊಳ್ಳುತ್ತಿದ್ದಾರೆ. ಸದ್ಯ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕಟ್ ಅಕಾಡೆಮಿಯಲ್ಲಿರುವ ಜಡೇಜಾ, ಶಿಖರ್ ಧವನ್ ಜೊತೆಗೆ ರೀಲ್ಸ್​ ಒಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೀಗ ಈ ವಿಡಿಯೋ ಇನ್ಸ್​ಟಾಗ್ರಾಂನಲ್ಲಿ ಟ್ರೆಂಡಿಂಗ್​ನಲ್ಲಿದೆ.

ಶಿಖರ್ ಧವನ್ ಶೇರ್ ಮಾಡಿರುವ ಈ ತಮಾಷೆಯ ವಿಡಿಯೋಗೆ ನೆಟ್ಟಿಗರು ಕೂಡಾ ತಾಮಾಷೆಯಾಗಿಯೇ ಕಮೆಂಟ್ ಮಾಡುತ್ತಿದ್ದಾರೆ. ಕಾಲಿನ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿರುವ ಕಾರಣ ಜಡೇಜಾ ಎದ್ದು ಓಡಾಡುತ್ತಿಲ್ಲ. ಹೀಗಾಗಿ ಶಿಖರ್ ಧವನ್, ಜಡೇಜಾ ಮುಂದೆಯೇ ಡ್ಯಾನ್ಸ್​ ಮಾಡಿ ಕಾಲೆಳೆದಿದ್ದಾರೆ.

ಶಿಖರ್ ಧವನ್ ಸದಾ ಒಂದಿಲ್ಲೊಂದು ತಾಮಾಷೆಯ ರೀಲ್ಸ್ ಮಾಡಿ ಇನ್ಸ್​ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡುತ್ತಿರುತ್ತಾರೆ. ಹೆಚ್ಚಿನ ವಿಡಿಯೋಗಳಲ್ಲಿ ಸಹ ಅಟಗಾರರೂ ಕೂಡ ಕಾಣಿಸಿಕೊಳ್ಳುತ್ತಾರೆ. ಇದೀಗ ರವೀಂದ್ರ ಜಡೇಜಾ ಸರದಿ.

ಶಿಖರ್ ಧವನ್ ಶೇರ್ ಮಾಡಿರುವ ಈ ವಿಡಿಯೋದಲ್ಲಿ ಜಡೇಜಾ ಹಿಂದಿ ಡೈಲಾಗ್​ಗೆ ಲಿಪ್ ಸಿಂಕ್ ಮಾಡಿದರೆ, ಶಿಖರ್​ ಧವನ್ ಡ್ಯಾನ್ಸ್ ಮಾಡಿದ್ದಾರೆ. "Iski shaadi karwa dijiye, zimmedari ayegi to sudhar jayeja" ಎಂಬ ಡೈಲಾಗ್​ಗೆ ಜಡೇಜಾ ಧ್ವನಿ ಸೇರಿಸಿದ್ದಾರೆ. ಇವರಿಬ್ಬರ ಈ ತಮಾಷೆಯ ರೀಲ್ಸ್​​ ಭಾರತೀಯ ತಂಡದ ಕ್ರಿಕೆಟ್​ ಆಟಗಾರರು ಕಮೆಂಟ್ ಮಾಡಿದ್ದಾರೆ. ಬೌಲರ್​ಗಳಾದ ಆರ್ಶದೀಪ್​ ಸಿಂಗ್ ಹಾಗೂ ಖಲೀಲ್ ಅಹ್ಮದ್ ನಗುವ ಇಮೋಜಿ ಪೋಸ್ಟ್ ಮಾಡಿದ್ದಾರೆ.

ಶಿಖರ್ ಧವನ್ ಹಾಗೂ ರವೀಂದ್ರ ಜಡೇಜಾ ಮುಂಬರುವ ಟಿ-20 ವಿಶ್ವಕಪ್​ನಲ್ಲಿ ಸ್ಥಾನ ಪಡೆದುಕೊಂಡಿಲ್ಲ. ಸದ್ಯ ಇವರಿಬ್ಬರೂ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿದ್ದಾರೆ. (ಏಜೆನ್ಸೀಸ್)

https://www.vijayavani.net/70-lakhs-in-shri-renuka-yallamma-devis-hundi-donation/

https://www.vijayavani.net/tv-serial-actor-and-three-peoples-arrested/

https://www.vijayavani.net/the-robot-will-give-the-remote-to-the-president/