100 ಕೋಟಿ ಆಟವಾಡಿದ್ದಾರೆ.. ಮಾಜಿ ಸಚಿವೆ ರೋಜಾ ವಿರುದ್ಧ ಸಿಐಡಿಗೆ ದೂರು!

ವಿಜಯವಾಡ: ಆಂಧ್ರದ ಮಾಜಿ ಕ್ರೀಡಾ ಸಚಿವೆ ರೋಜಾ ಹಾಗೂ ಶಾಪ್ ಮಾಜಿ ಅಧ್ಯಕ್ಷ ಬೈರೆಡ್ಡಿ ಸಿದ್ಧಾರ್ಥರೆಡ್ಡಿ ‘ಆಡುದಾಂ ಆಂಧ್ರ’ ಹಾಗೂ ‘ಸಿಎಂ ಕಪ್‌’ ಹೆಸರಿನಲ್ಲಿ ಹಲವು ಅಕ್ರಮ ಎಸಗಿದ್ದಾರೆ ಎಂದು ಎಪಿ ಆತ್ಯಾ-ಪಾತ್ಯಾ ಸಂಘದ ಸಿಇಒ ಆರ್‌.ಡಿ.ಪ್ರಸಾದ್‌ ಆರೋಪಿಸಿದ್ದಾರೆ.

ಇದನ್ನೂ ಓದಿ: ಸ್ಟೇಡಿಯಂನಲ್ಲಿ ಸಿಟ್ಟಾಗಿದ್ದೇಕೆ ವಿರಾಟ್​ ಕೊಹ್ಲಿ ಮಡದಿ ಅನುಷ್ಕಾ ಶರ್ಮಾ? ವಿಡಿಯೋ ವೈರಲ್​

‘ಆಡುದಾಂ ಆಂಧ್ರ’ ಹೆಸರಿನಲ್ಲಿ 100 ಕೋಟಿ ರೂಪಾಯಿ ಅವ್ಯವಹಾರ ನಡೆದಿದ್ದು, ಈ ಬಗ್ಗೆ ಸಿಐಡಿ ತನಿಖೆ ನಡೆಸುವಂತೆ ಕೋರಿ ಹೆಚ್ಚುವರಿ ಡಿಜಿಪಿ (ಸಿಐಡಿ) ಅವರಿಗೆ ಇದೇ 11ರಂದು ದೂರು ಸಲ್ಲಿಸಿರುವುದಾಗಿ ಸುದ್ದಿಗಾರರಿಗೆ ತಿಳಿಸಿದರು.

ರೋಜಾ ಮತ್ತು ಬೈರೆಡ್ಡಿ ಅಡಿಯಲ್ಲಿ ಕೆಲಸ ಮಾಡಿದ ಎಲ್ಲಾ ಜಿಲ್ಲೆಗಳ ಎಸ್‌ಎಪಿ ಎಂಡಿಗಳು, ಎಸ್‌ಎಪಿ ಉನ್ನತ ಅಧಿಕಾರಿಗಳು ಮತ್ತು ಡಿಎಸ್‌ಒವಿಗಳ ವಿರುದ್ಧ ತನಿಖೆ ನಡೆಸಬೇಕು. ಕ್ರೀಡಾ ಕೋಟಾದಲ್ಲಿ ವೈದ್ಯಕೀಯ, ಇಂಜಿನಿಯರಿಂಗ್ ಮತ್ತು ಟ್ರಿಪಲ್ ಐಟಿಯಲ್ಲಿ ಪ್ರವೇಶ ಪಡೆದವರ ಮೇಲೂ ತನಿಖೆ ನಡೆಸಬೇಕು. ಅಂದಿನ ಕಾರ್ಯಕ್ರಮಗಳಿಗೆ ಸಂಬಂಧಿಸಿದ ಎಲ್ಲ ದಾಖಲೆಗಳನ್ನು ವಶಪಡಿಸಿಕೊಳ್ಳಬೇಕು ಎಂದು ತಿಳಿಸಿದರು.

ಜಗನ್​ ಸರ್ಕಾರದ ಐದು ವರ್ಷಗಳ ಅವಧಿಯಲ್ಲಿ ಶಾಪ್ ಇಂಜಿನಿಯರಿಂಗ್ ವಿಭಾಗದ ಅಧಿಕಾರಿಗಳು ಕೈಗೊಂಡಿರುವ ಕಾಮಗಾರಿಗಳಲ್ಲಿನ ಅವ್ಯವಹಾರಗಳನ್ನು ಪರಿಶೀಲಿಸಬೇಕು ಎಂದು ಅವರು ಒತ್ತಾಯಿಸಿದರು.

ಮಾರ್ಡನ್​ ಖೋಖೋ ಸಂಘದ ಅಧ್ಯಕ್ಷ ರುತುಲಾ ಅಪ್ಪಲಸ್ವಾಮಿ. ಟೆನಿಸ್ ಕ್ರಿಕೆಟ್ ಸಂಸ್ಥೆಯ ಜಂಟಿ ಕಾರ್ಯದರ್ಶಿ ಆರ್.ಬಾಬು ನಾಯ್ಕ್, ಕೃಷ್ಣಾ ಜಿಲ್ಲಾ ಕಬಡ್ಡಿ ಸಂಸ್ಥೆಯ ಮಾಜಿ ಕಾರ್ಯದರ್ಶಿ ಕೆ.ವಿ.ನಂಚರಾಯ ಇದ್ದರು.

https://www.vijayavani.net/bobbydeol-for-ntr-prashanth-neel-movie