ಶೀಘ್ರವೇ ರಸ್ತೆ ತುಂಬಾ ಓಡಾಡಲಿವೆ ಜಿಪಿಎಸ್​, ಜಿಯೋ ಫೆನ್ಸಿಂಗ್ ಅಳವಡಿಸಿದ ಮೊಬೈಲ್ ಪೆಟ್ರೋಲ್ ಪಂಪ್​​ಗಳು

ನವದೆಹಲಿ: ಪೆಟ್ರೋಲ್​, ಡೀಸೆಲ್​ಗಾಗಿ ಇನ್ನು ಪೆಟ್ರೋಲ್ ಪಂಪ್​ ಎಲ್ಲಿದೆ ಎಂದು ಹುಡುಕಾಡುವ ಕೆಲಸ ಭವಿಷ್ಯದಲ್ಲಿ ಇರಲ್ಲ. ಜಿಪಿಎಸ್​ ಮತ್ತು ಜಿಯೋ ಫೆನ್ಸಿಂಗ್ ಅಳವಡಿಸಿರುವ ಮೊಬೈಲ್ ಪೆಟ್ರೋಲ್​ಪಂಪ್​ಗಳು ರಸ್ತೆ ತುಂಬ ಸಂಚರಿಸಲಿವೆ. ಈ ಹಣಕಾಸು ವರ್ಷದಲ್ಲೆ 3,200 ಮೊಬೈಲ್ ಪೆಟ್ರೋಲ್ ಪಂಪ್​ಗಳನ್ನು ಉತ್ಪಾದಿಸಿ ಮಾರಾಟ ಮಾಡಲು ಸಜ್ಜಾಗಿದೆ ಪುಣೆ ಮೂಲದ ಸ್ಟಾರ್ಟಪ್ ರೆಪೋಸ್ ಎನರ್ಜಿ.

ಇದನ್ನೂ ಓದಿ: COVID19 ಟಾಪ್ ಹತ್ತರ ಪಟ್ಟಿಗೆ ಸೇರಿತು ಭಾರತ

ಪ್ರಸಿದ್ಧ ಉದ್ಯಮಿ ರತನ್ ಟಾಟಾ ಮೆಂಟರ್ ಆಗಿರುವ ಈ ಸ್ಟಾರ್ಟಪ್​ ಇದಾಗಿದೆ. ರೆಪೋಸ್ ಮೊಬೈಲ್ ಪೆಟ್ರೋಲ್ ಪಂಪ್​ಗಳು ಸುರಕ್ಷಿತ ಮತ್ತು ಕಾರ್ಯಕ್ಷಮತೆಯಿಂದ ಇರುವಂತೆ ಮಾಡುವಲ್ಲಿ ಇವರ ಪಾತ್ರ ಮಹತ್ವದ್ದಾಗಿದೆ ಎಂದು ಹೇಳಿಕೊಂಡಿರುವ ಸ್ಟಾರ್ಟಪ್​, ಉದ್ಯಮ ವಿಸ್ತರಣೆಯ ಯೋಜನೆಯನ್ನೂ ಹಾಕಿಕೊಂಡಿದೆ.

ಇದನ್ನೂ ಓದಿ: ಜಮ್ಮು-ಕಾಶ್ಮೀರದಲ್ಲಿ ಇಬ್ಬರು ಉಗ್ರರ ಹತ್ಯೆ

ದೇಶದಲ್ಲಿ ಸದ್ಯ ಇರುವ ಬೇಡಿಕೆಯನ್ನು ಈಡೇರಿಸುವುದಕ್ಕೆ 1 ಲಕ್ಷಕ್ಕೂ ಹೆಚ್ಚು ಪೆಟ್ರೋಲ್ ಪಂಪ್​ಗಳ ಅವಶ್ಯಕತೆ ಇದೆ. ಆದರೆ ಇರುವುದು ಕೇವಲ 55,000 ಪೆಟ್ರೋಲ್ ಪಂಪ್​ಗಳಷ್ಟೇ. ಇದು ಸಾಕಾಗುವುದಿಲ್ಲ. ಹೊಸ ಪೆಟ್ರೋಲ್ ಪಂಪ್​ಗಳನ್ನು ಸ್ಥಾಪಿಸಬೇಕಾದರೆ ಜಮೀನು ಬೇಕು, ಸಾಕಷ್ಟು ಸುರಕ್ಷಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಇದು ಭಾರಿ ವೆಚ್ಚದಾಯಕವಾಗಿದ್ದು, ಸುಲಭವಾಗಿ ಅನುಷ್ಠಾನಗೊಳಿಸುವಂತಿಲ್ಲ. ಇದಕ್ಕೆ ಪರಿಹಾರವಾಗಿ ರೆಪೋಸ್ ಮೊಬೈಲ್ ಪೆಟ್ರೋಲ್ ಪಂಪ್​ಗಳನ್ನು ಅಭಿವೃದ್ಧಿ ಪಡಿಸಲಾಗಿದೆ ಎಂದು ಕಂಪನಿಯ ಸಹ ಸಂಸ್ಥಾಪಕ ಚೇತನ್ ವಾಲುನ್ಜ್​ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ನ್ಯೂಜಿಲೆಂಡ್​ನ ಅತಿದೊಡ್ಡ ಮಾಧ್ಯಮ ಸಂಸ್ಥೆ ಕೇವಲ 1 ಡಾಲರ್​ಗೆ ಮಾರಾಟ- ಖರೀದಿಸಿದ್ದು ಅದೇ ಸಂಸ್ಥೆಯ ಸಿಇಒ !

ದೇಶಾದ್ಯಂತ 1,200 ಆಪರೇಟರ್​ಗಳು ಮೊಬೈಲ್​ ಪೆಟ್ರೋಲ್ ಪಂಪ್​ಗಳಿಗೆ ಬೇಡಿಕೆ ಸಲ್ಲಿಸಿದ್ದಾರೆ. ರೆಪೋಸ್ ಪೆಟ್ರೋಲ್ ಪಂಪ್​ಗಳು ಸುರಕ್ಷಿತ ಮತ್ತು ಕಟ್ಟಕಡೆಯ ಗ್ರಾಹಕರಿಗೆ ಇಂಧನ ಪೂರೈಸುವುದಕ್ಕೆ ಅನುಕೂಲಕರವಾದ ವಿನ್ಯಾಸವನ್ನೂ ಹೊಂದಿದೆ. ಈ ಪೆಟ್ರೋಲ್ ಪಂಪ್​ಗಳ ನೈಜ ಸಮಯದ ಅಪ್ಡೇಟ್ ಪಡೆದುಕೊಳ್ಳುವುದಕ್ಕಾಗಿ ಟೆಕ್ನಾಲಜಿಯನ್ನೂ ಇವುಗಳಿಗೆ ಜೋಡಿಸಲಾಗಿದೆ. ಜಪಿಎಸ್​ ಮತ್ತು ಜಿಯೋ ಫೆನ್ಸಿಂಗ್ ಅಳವಡಿಸಿರುವುದು ಈ ವ್ಯವಸ್ಥೆಯ ಕಾರ್ಯಕ್ಷಮತೆ ಮತ್ತು ಸುರಕ್ಷತೆಯನ್ನು ಹೆಚ್ಚಿಸಿದೆ ಎಂದು ಕಂಪನಿ ಹೇಳಿಕೊಂಡಿದೆ.  (ಏಜೆನ್ಸೀಸ್)

https://www.vijayavani.net/dont-conduct-sslc-exam-but-distribute-certificate-demands-different-organisations/