ಸ್ಮಾರ್ಟ್​ಫೋನ್ ಚೀನಾ ಪಾರಮ್ಯ | ಭಾರತದಲ್ಲಿ ಮಾರುಕಟ್ಟೆಯಲ್ಲಿ ಶೇ. 76 ಪಾಲು ಚೀನಾ ಕಂಪನಿಗಳದ್ದು

ನವದೆಹಲಿ: ಕರೊನಾ ಲಾಕ್​ಡೌನ್ ತೆರವಿನ ನಂತರ ಭಾರತದಲ್ಲಿ ಸ್ಮಾರ್ಟ್​ಫೋನ್​ಗೆ ಭಾರಿ ಬೇಡಿಕೆ ಬಂದಿದೆ. ಸೆಪ್ಟೆಂಬರ್​ಗೆ ಅಂತ್ಯವಾದ 3ನೇ ತ್ರೖೆಮಾಸಿಕದಲ್ಲಿ ಸಾರ್ವಕಾಲಿಕ 5 ಕೋಟಿ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಬಂದಿವೆ. ಅದರಲ್ಲಿ ಚೀನಾದ ಕಂಪನಿಗಳ ಪಾಲು ಶೇಕಡ 76 ಇದೆ ಎಂದು ಮಾರುಕಟ್ಟೆ ಸಂಶೋಧನಾ ಸಂಸ್ಥೆ ಕ್ಯಾನಲಿಸ್ ಹೇಳಿದೆ.

ಎಲ್ಲ 5 ಟಾಪ್ ಸ್ಮಾರ್ಟ್​ಫೋನ್ ಮಾರಾಟಗಾರರಾದ ಷಿಯೋಮಿ, ಸ್ಯಾಮ್ಂಗ್, ವಿವೊ, ರಿಯಲ್​ವಿು ಮತ್ತು ಒಪ್ಪೊ ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಮಾರಾಟದಲ್ಲಿ ಭಾರಿ ಏರಿಕೆ ಕಂಡಿವೆ. ಕಳೆದ ವರ್ಷ 4.62 ಕೋಟಿ ಫೋನ್​ಗಳನ್ನು ಇವು ಭಾರತದ ಮಾರುಕಟ್ಟೆಗೆ ತಂದಿದ್ದವು. ಈಗ ಅದರಲ್ಲಿ ಶೇ. 8 ಏರಿಕೆಯಾಗಿ, 5 ಕೋಟಿಗೆ ತಲುಪಿದೆ ಎಂದು ಕ್ಯಾನಲಿಸ್ ತಿಳಿಸಿದೆ.

ಇದನ್ನೂ ಓದಿ:  ಕ್ರಿಕೆಟಿಗರ ಕೆಟ್ಟ ಆಟಕ್ಕೆ ಪತ್ನಿಯ ಮೇಲೇಕೆ ಕೋಪ? ಹರ್ಭಜನ್ ಪತ್ನಿ ಗೀತಾ ಬಾಸ್ರಾ ಹೇಳ್ತಾರೆ ಕಾರಣ!

ಇದು ಭಾರತದಲ್ಲಿ ಒಂದೇ ತ್ರೖೆಮಾಸಿಕದಲ್ಲಿ ಸ್ಮಾರ್ಟ್​ಫೋನ್ ಶಿಪ್​ವೆುಂಟ್​ನ (ಭಾರತದ ಮಾರುಕಟ್ಟೆಗೆ ಬಂದ ಫೋನ್ ಸಂಖ್ಯೆ) ದಾಖಲೆಯಾಗಿದೆ. ಭಾರತ-ಚೀನಾ ಗಡಿ ವಿವಾದ ಬಿಸಿ ನಡುವೆಯೂ ಗ್ರಾಹಕರ ಮನೋಭಾವದ ಮೇಲೆ ಹೆಚ್ಚಿನ ಪರಿಣಾಮ ಆಗಿಲ್ಲ. ಚೀನಾ ಕಂಪನಿಯ ಮೊಬೈಲ್​ಗಳು ದಾಖಲೆಯ ಮಾರಾಟ ಕಾಣುತ್ತಿವೆ ಎಂದು ಕ್ಯಾನಲಿಸ್​ನ ವರುಣ್ ಕಣ್ಣನ್ ಹೇಳಿದ್ದಾರೆ.

https://www.vijayavani.net/maharashtra-government-caps-prices-of-masks/