ಸರ್ವಋತು ಬಾಂಡ್ ನಿಧಿಯಲ್ಲಿ ಬಂಡವಾಳ ಹೂಡಿಕೆ ಮಾಡಿ..

| ಶ್ರೀವತ್ಸ ಶೇಷಗಿರಿ, ನಿರ್ದೇಶಕ, ವ್ಯಾಪ್(ಡಬ್ಲ್ಯುಎಪಿ) ಅಸೋಸಿಯೇಟ್ಸ್​

ಸಾಲದ ಸ್ವತ್ತುಗಳಲ್ಲಿನ ಹೂಡಿಕೆಯು ಸೂಕ್ತ ಆಸ್ತಿ ಹಂಚಿಕೆಯೊಂದಿಗೆ ಸಮತೋಲಿತ ಪೋರ್ಟ್​​ಫೋಲಿಯೋದ ಅತ್ಯಗತ್ಯ ಭಾಗವಾಗಿದೆ. ಆದರೆ ಹೂಡಿಕೆದಾರರು ಸಾಲದ ಹೂಡಿಕೆಗಳು ಮೌಲ್ಯಯುತವಾಗಿಲ್ಲ ಎಂದು ಆಗಾಗ ಭಾವಿಸುತ್ತಾರೆ. ಏಕೆಂದರೆ ಅವರ ಆದಾಯವು ಈಕ್ವಿಟಿ ಹೂಡಿಕೆಗಳೊಂದಿಗೆ ಎಲ್ಲಿಯೂ ಹೊಂದಿಕೆಯಾಗುವುದಿಲ್ಲ. ಅದಾಗ್ಯೂ, ಸಾಲದ ಹೂಡಿಕೆಗಳಿಂದ ಗಳಿಸುವ ಆದಾಯವನ್ನು ನಿರ್ಧರಿಸುವಲ್ಲಿ ಸ್ಥೂಲ-ಆರ್ಥಿಕ ಅಂಶಗಳೊಂದಿಗೆ ಬಡ್ಡಿದರದ ಸನ್ನಿವೇಶಗಳು ಪ್ರಮುಖ ಪಾತ್ರ ವಹಿಸುತ್ತವೆ ಎಂಬುದನ್ನು ಅವರು ಮರೆಯುತ್ತಾರೆ. ಬಡ್ಡಿದರದ ಸನ್ನಿವೇಶವು ಎಲ್ಲ ಸಮಯದಲ್ಲೂ ಒಂದೇ ರೀತಿ ಇರುವುದಿಲ್ಲ ಎಂಬ ಅಂಶವು, ಸಾಲ ಸ್ವತ್ತುಗಳಿಂದ ಬರುವ ಆದಾಯ ಕೆಲವೊಮ್ಮೆ, ಈಕ್ವಿಟಿ ಸೇರಿ ಇತರ ಆಸ್ತಿ ವರ್ಗಗಳಿಗಿಂತ ಹೆಚ್ಚು ಪ್ರತಿಫಲದಾಯಕ ಆಗಿರಬಹುದು ಎಂಬುದರ ಸೂಚನೆಯಾಗಿದೆ.

ಹೀಗಾಗಿ, ಪೋರ್ಟ್​ಫೋಲಿಯೊವನ್ನು ಕ್ರಿಯಾತ್ಮಕವಾಗಿ ನಿರ್ವಹಿಸುವ ಮೂಲಕ ದರ ವರ್ತುಲಗಳಾದ್ಯಂತ ಪ್ರಸ್ತುತವಾಗಿರುವ ಸದಾ ಫಲಪ್ರದ ಆಗಿರುವಂಥ ಸಾಲನಿಧಿಯನ್ನು ದೀರ್ಘಾವಧಿಯಲ್ಲಿ ಸಾಲ ಸಾಧನಗಳ ಸಾಮರ್ಥ್ಯ ಬಳಸಿಕೊಳ್ಳಲು ಸೂಕ್ತವಾಗಿದೆ. ಸಾಲ ನಿಧಿಯ ಅಂತಹ ವರ್ಗವನ್ನು ಡೈನಾಮಿಕ್ ಬಾಂಡ್ ಫಂಡ್ ಎಂದು ಕರೆಯಲಾಗುತ್ತದೆ.

ನಿಧಿಯ ಕ್ರಿಯಾತ್ಮಕ ಸ್ವರೂಪವು ಸಕ್ರಿಯ ಮತ್ತು ಪರಿಣಾಮಕಾರಿ ರೀತಿಯಲ್ಲಿ ಅವಧಿಗಳ ಬಗ್ಗೆ ನಿರ್ಧರಿಸಲು ಫಂಡ್​ ಮ್ಯಾನೇಜರ್​ಗೆ ಅನುವು ಮಾಡಿಕೊಡುತ್ತದೆ. ಬಡ್ಡಿದರಗಳು ಕಡಿಮೆಯಾಗುತ್ತವೆ ಎಂಬ ನಿರೀಕ್ಷೆಗಳಿದ್ದರೆ, ಫಂಡ್ ಮ್ಯಾನೇಜರ್​ಗಳು ಹೆಚ್ಚಿನ ಇಳುವರಿ ಪಡೆಯಲು ದೀರ್ಘಾವಧಿಯ ಬಾಂಡ್​ಗಳಲ್ಲಿ ಹೂಡಿಕೆ ಮಾಡುವ ಸ್ವಾತಂತ್ರ್ಯ ಹೊಂದಿರುತ್ತಾರೆ.

ಒಬ್ಬ ಹೂಡಿಕೆದಾರನಾಗಿ, ಅವರು ಸಂಪೂರ್ಣವಾಗಿ ವ್ಯವಹರಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳುವುದರಿಂದ ತೆಗೆದುಕೊಂಡ ಹೂಡಿಕೆ ಕರೆಗಳಿಂದ ಪ್ರಯೋಜನ ಪಡೆಯಲು ಅಂತಹ ನಿಧಿಯಲ್ಲಿ ಕನಿಷ್ಠ ಮೂರು ವರ್ಷ ಮತ್ತು ಅದಕ್ಕಿಂತ ಹೆಚ್ಚು ಕಾಲ ಹೂಡಿಕೆ ಮಾಡುವುದು ಅಗತ್ಯ. ಮಧ್ಯಮ ಅಪಾಯವನ್ನು ಎದುರಿಸುವಂಥ ಹೂಡಿಕೆದಾರರಿಗೆ ಇದು ಸೂಕ್ತ. ಹೂಡಿಕೆ ವಿಧಾನ ಮತ್ತು ಅನುಭವದ ದೃಷ್ಟಿಯಿಂದ ಹೆಚ್ಚಾಗಿ ಸ್ಥಿರವಾಗಿರುವ ಹೆಸರುಗಳಲ್ಲಿ ಐಸಿಐಸಿಐ ಪ್ರುಡೆನ್ಷಿಯಲ್ ಆಲ್ ಸೀಸನ್ಸ್ ಬಾಂಡ್ ಫಂಡ್ ಕೂಡ ಒಂದು.

ಆಂತರಿಕ ಮಾದರಿಯ ಆಧಾರದ ಮೇಲೆ ಪೋರ್ಟ್​ಫೋಲಿಯೋ ನಿರ್ವಹಿಸಲಾದ ಫಂಡ್​ ಗಮನ ಸೆಳೆಯುತ್ತದೆ. ಸಾಮಾನ್ಯವಾಗಿ ಕಾರ್ಪೊರೇಟ್ ಬಾಂಡ್​ಗಳು ಮತ್ತು ಸರ್ಕಾರಿ ಕಾಗದ ಪತ್ರಗಳಲ್ಲಿ ಪೋರ್ಟ್​ಫೋಲಿಯೋ ವೈವಿಧ್ಯಮಯವಾಗಿರುತ್ತದೆ ಮತ್ತು 1ರಿಂದ 10 ವರ್ಷಗಳ ವ್ಯಾಪ್ತಿಯಲ್ಲಿ ಅವಧಿಯನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಅವಧಿಯ ಆಧಾರಿತ ನಿರ್ವಹಣೆಯಲ್ಲಿ ಫಂಡ್ ಇನ್-ಹೌಸ್ ಮಾದರಿ ಅವಲಂಬಿಸಿರುತ್ತದೆ ಮತ್ತು ಸಕ್ರಿಯವಾಗಿ ನಿರ್ವಹಿಸಲ್ಪಡುತ್ತದೆ. ಈ ಆಂತರಿಕ ಮಾದರಿಯು ಬಡ್ಡಿದರಗಳು, ಚಾಲ್ತಿ ಖಾತೆ ಕೊರತೆ, ವಿತ್ತೀಯ ಕೊರತೆ, ಸಾಲದ ಬೆಳವಣಿಗೆ ಮುಂತಾದ ಸ್ಥೂಲ ಅಂಶಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಪೋರ್ಟ್​ಫೋಲಿಯೊಗೆ ಸಂಬಂಧಿಸಿದಂತೆ, ಯೋಜನೆಯು ಇತರ ಅಂಶಗಳ ಸಂಯೋಜನೆಯೊಂದಿಗೆ ಉತ್ತಮ ಸಂಚಿತ ಆದಾಯಕ್ಕಾಗಿ ವ್ಯಾಪಿಸಿದ ಸ್ವತ್ತುಗಳ ಕಡೆಗೆ ಗಣನೀಯವಾದ ಅವಕಾಶ ಹೊಂದಿರುತ್ತದೆ.

https://www.vijayavani.net/dead-woman-found-living-with-second-husband-after-six-years/

https://www.vijayavani.net/woman-leaves-fake-pregnancy-test-in-her-bedroom-to-catch-snooping-mother-in-law/

https://www.vijayavani.net/life-threat-by-police-man-posted-it-in-social-media/