ಬೆಂಗಳೂರು: ಕನ್ನಡ ಕಿರುತೆರೆಯಲ್ಲಿ ತುಂಬಾ ರಿಯಾಲಿಟಿ ಶೋಗಳು ಪ್ರಸಾರವಾಗುತ್ತಿದ್ದು ಅನೇಕ ಕಲಾವಿದರು ತಮ್ಮ ಬದುಕನ್ನು ಕಟ್ಟಿಕೊಂಡಿದ್ದಾರೆ. ಇಂತಹ ಹಾಸ್ಯ ರಿಯಾಲಿಟಿ ಶೋಗಳಲ್ಲಿ 'ಕಾಮಿಡಿ ಕಿಲಾಡಿಗಳು' ಕೂಡ ಒಂದು. ಹೌದು, ಕಾಮಿಡಿ ಕಿಲಾಡಿಗಳು ಜನರನ್ನು ನಕ್ಕು ನಗಿಸುವಲ್ಲಿ ಯಶಸ್ವಿಯಾಗಿತ್ತು. ಈ ರಿಯಾಲಿಟಿ ಶೋದಲ್ಲಿ ಸಾಕಷ್ಟು ಕಲಾವಿದರಿಗೆ ವೇದಿಕೆ ಸಿಕ್ಕಿದ್ದು ಅವರು ಇಂದು ಸಿನಿಮಾಗಳಲ್ಲಿ ಹಾಸ್ಯ ಕಲಾವಿದರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದರಂತೆ, ಈಗ ಕನ್ನಡಿಗರ ಮನೆಮಾತಾದವರಲ್ಲಿ ಸಂಜುಬಸಯ್ಯ ಕೂಡ ಒಬ್ಬರು. ನೋಡಲು ಚಿಕ್ಕವರಾಗಿ ಕಂಡರೂ ಕೂಡ ಇವರ ಕಲೆ ನಿಜಕ್ಕೂ ಮೆಚ್ಚುವಂತದ್ದು. ಇಷ್ಟೆಲ್ಲಾ ಖ್ಯಾತಿಯನ್ನು ಪಡೆದಿರುವ ಸಂಜುಬಸಯ್ಯ ಅವರಿಗೆ ಕೂಡ ಒಬ್ಬರು ಪ್ರೇಯಸಿ ಇದ್ದಾರೆ. ಆ ಪ್ರೇಯಸಿಯನ್ನೆ ಮದುವೆಯಾಗಲಿದ್ದಾರೆ ಸಂಜುಬಸಯ್ಯ.
