ದುರ್ಗಾ ಪೂಜೆಗೆ ಸರ್ಕಾರದಿಂದ 60 ಸಾವಿರ ರೂ. ಧನಸಹಾಯ: ಸಿಎಂ ಮಮತಾ ಬ್ಯಾನರ್ಜಿ

ಪಶ್ಚಿಮಬಂಗಾಳ: ದುರ್ಗಾ ಪೂಜೆ ಮಾಡುವ ಸಮಿತಿಯವರಿಗೆ ಸರ್ಕಾರದ ಕಡೆಯಿಂದ 60 ಸಾವಿರ ರೂ. ಧನಸಹಾಯ ನೀಡುವುದಾಗಿ ಪಶ್ಚಿಮಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಭರವಸೆ ನೀಡಿದ್ದಾರೆ. ಈ ಭಾರಿ ಧನಸಹಾಯವನ್ನು ಅವರು ಸೋಮವಾರ ಘೋಷಣೆ ಮಾಡಿದ್ದಾರೆ.

ಮಾತ್ರವಲ್ಲ, ದುರ್ಗಾ ಪೂಜೆ ಸಲುವಾಗಿ ಸೆ. 30ರಿಂದ ಅ. 10ರ ವರೆಗೆ ಅವರು ಸರ್ಕಾರಿ ರಜೆಯನ್ನು ಕೂಡ ಘೋಷಣೆ ಮಾಡಿದ್ದಾರೆ. ಜತೆಗೆ ದುರ್ಗಾ ಪೂಜೆಗೆ ಬಳಕೆ ಆಗುವ ವಿದ್ಯುತ್​ ಬಿಲ್​ನಲ್ಲೂ ಶೇ. 60 ರಿಯಾಯಿತಿ ಕೂಡ ಕೊಡುವುದಾಗಿ ಹೇಳಿದ್ದಾರೆ. ಈ ಹಿಂದೆ ಶೇ. 50 ರಿಯಾಯಿತಿ ನೀಡಲಾಗುತ್ತಿದ್ದು, ಅದನ್ನು ಈ ಸಲ ಶೇ. 60ಕ್ಕೆ ಹೆಚ್ಚಿಸುವುದಾಗಿ ಹೇಳಿದ್ದಾರೆ.

ಪಶ್ಚಿಮ ಬಂಗಾಳದಲ್ಲಿ ದುರ್ಗಾಪೂಜೆ ವಿಜೃಂಭಣೆಯಿಂದ ನಡೆಯುತ್ತಿದ್ದು, ತೃಣಮೂಲ ಕಾಂಗ್ರೆಸ್ ಸರ್ಕಾರ 2018ರಿಂದ ದುರ್ಗಾ ಪೂಜಾ ಸಮಿತಿಗಳಿಗೆ ಧನಸಹಾಯ ನೀಡುತ್ತ ಬಂದಿದೆ. ಇದುವರೆಗೆ ಈ ಧನಸಹಾಯ ಪ್ರತಿ ಸಮಿತಿಗೆ 50 ಸಾವಿರ ರೂ. ಇದ್ದಿದ್ದು, ಅದನ್ನು 60 ಸಾವಿರ ರೂಪಾಯಿಗೆ ಹೆಚ್ಚಿಸಿದ್ದಾಗಿ ಮಮತಾ ಬ್ಯಾನರ್ಜಿ ಘೋಷಣೆ ಮಾಡಿದ್ದಾರೆ.

https://www.vijayavani.net/no-entry-in-electoral-roll-shall-be-deleted-on-the-ground-of-non-submission-of-aadhar/

https://www.vijayavani.net/does-goi-introduced-new-guidelines-about-whatsapp-messages/