Fact Check | ಸರ್ಕಾರ ವಾಟ್ಸ್​ಆ್ಯಪ್​ ಚಾಟ್​ ಮೇಲೆ ನಿಗಾ ಇಟ್ಟಿದೆಯೇ?: ಹೊಸ ಮಾರ್ಗಸೂಚಿ ಹೊರಡಿಸಿದ್ದು ನಿಜವೇ?

ನವದೆಹಲಿ: ಡಿಜಿಟಲ್ ಬಳಕೆಯಿಂದ ಜನರ ಕೆಲಸ ಸುಲಭವಾಗಿದ್ದು ಒಂದೆಡೆಯಾದರೆ, ಮತ್ತೊಂದೆಡೆ ಅದರಿಂದ ಆತಂಕ ಕಾಡುತ್ತಿರುವುದು ಕೂಡ ಕಂಡುಬಂದಿದೆ. ಸಂವಹನ ಸುಲಭಗೊಳಿಸಿರುವ ತಾಂತ್ರಿಕತೆ, ಗೊಂದಲ-ಭಯ ಹುಟ್ಟಿಸುವುದಕ್ಕೆ ಕೂಡ ಬಳಕೆ ಆಗುತ್ತಿದೆ. ಅಂಥದ್ದೇ ಒಂದು ಪ್ರಕರಣವಿದು.

ವಾಟ್ಸ್​ಆ್ಯಪ್​ನಲ್ಲಿ ಹರಿದಾಡುತ್ತಿರುವ ಒಂದು ಫಾರ್ವರ್ಡ್​ ಮೆಸೇಜ್​ ಅದರ ಹಲವಾರು ಬಳಕೆದಾರರಲ್ಲಿ ಒಂದಷ್ಟು ಗೊಂದಲ-ಆತಂಕ ಮೂಡಿಸಿದ್ದು, ಆ ಕುರಿತಾಗಿ ಸ್ಪಷ್ಟನೆಯನ್ನೇ ಹೊರಡಿಸಿಬೇಕಾದ ಅನಿವಾರ್ಯತೆ ಎದುರಾಗಿದೆ.

ಕೇಂದ್ರ ಸರ್ಕಾರ ಹೊಸ ವಾಟ್ಸ್​ಆ್ಯಪ್ ಮಾರ್ಗಸೂಚಿ ಹೊರಡಿಸಿದ್ದು, ಜನರ ವಾಟ್ಸ್​ಆ್ಯಪ್ ಚಾಟ್​ ಮೇಲೆ ನಿಗಾ ಇರಿಸಿದ್ದಲ್ಲದೆ, ಅಗತ್ಯ ಬಿದ್ದರೆ ಕ್ರಮ ಕೂಡ ಜರುಗಿಸಲಿದೆ ಎಂಬ ಮಾಹಿತಿ ಫಾರ್ವರ್ಡ್ ಆಗುತ್ತಿದೆ. ನೀವು ಕಳಿಸಿರುವ ಮೆಸೇಜ್​ನಲ್ಲಿ ಮೂರು ಬ್ಲೂ ಟಿಕ್ ಬಂದರೆ ಸರ್ಕಾರ ಅದನ್ನು ಗಮನಿಸಿದೆ ಅಂತರ್ಥ. 2 ಬ್ಲೂ ಮತ್ತು 1 ರೆಡ್ ಟಿಕ್ ಬಂದರೆ ಸರ್ಕಾರ ನಿಮ್ಮ ವಿರುದ್ಧ ಕ್ರಮ ಜರುಗಿಸಬಹುದು ಎಂಬುದೂ ಸೇರಿದಂತೆ ಒಂದಷ್ಟು ಅಂಶಗಳನ್ನು ಹೊಂದಿರುವ ಈ ಫಾರ್ವರ್ಡ್ ಮೆಸೇಜ್ ಹರಿದಾಡುತ್ತಿದೆ.

ಆದರೆ ಇದು ಫೇಕ್​ ಮೆಸೇಜ್ ಎಂದು ಪ್ರೆಸ್​ ಇನ್​ಫಾರ್ಮೇಷನ್ ಬ್ಯೂರೋ (ಪಿಐಬಿ) ಸ್ಪಷ್ಟಪಡಿಸಿದೆ. ಈ ಸಂದೇಶ ಸುಳ್ಳು. ಕೇಂದ್ರ ಸರ್ಕಾರ ಅಂಥ ಯಾವುದೇ ಮಾರ್ಗಸೂಚಿಯನ್ನು ಹೊರಡಿಸಿಲ್ಲ ಎಂಬುದಾಗಿ ಪಿಐಬಿ ಸತ್ಯಪರಿಶೀಲನೆ ನಡೆಸಿ ಸ್ಪಷ್ಟನೆ ನೀಡಿದೆ.

https://www.vijayavani.net/no-power-in-these-11-village-from-last-3-days/

https://www.vijayavani.net/you-will-not-have-to-pay-any-toll-tax-on-return-journey-if-you-can-return-within-12-hours-is-it-true/