ರಾಜ್ಯದ ಎರಡನೇ ಅತಿದೊಡ್ಡ ನಗರ ಹುಬ್ಬಳ್ಳಿ. ವಾಣಿಜ್ಯ ನಗರಿ ಖ್ಯಾತಿಯ ಈ ಊರು ಬೆಳೆದ ಪರಿ ಅತ್ಯದ್ಭುತ. ಹೀಗಾಗಿಯೇ ದೇಶದ ವಾಣಿಜ್ಯ ರಾಜಧಾನಿಯ ಹೆಸರನ್ನೇ ಇದಕ್ಕೆ ಥಳಕು ಹಾಕಿದ್ದಾರೆ. ಇದೇ ‘ಛೋಟಾ ಬಾಂಬೆ’. ಈ ಹೆಸರನ್ನಾಧರಿಸಿ ಹುಬ್ಬಳ್ಳಿಯ ನಿರ್ವಪಕರೊಬ್ಬರು ಚಿತ್ರ ನಿರ್ವಿುಸಿದ್ದಾರೆ. ಉತ್ತರ ಕರ್ನಾಟಕದ ‘ಹೂಬಳ್ಳಿ’ ಹುಬ್ಬಳ್ಳಿಯಾಗಿ, ನಂತರ ‘ಛೋಟಾ ಬಾಂಬೆ’ ಆಗಿ ಪರಿವರ್ತನೆಗೊಂಡಿದ್ದೇ ರೋಚಕ. ವಾಣಿಜ್ಯ ವಹಿವಾಟಿಗೆ ಕೇಂದ್ರ ಸ್ಥಳವಾಗಿದ್ದ ಈ ಊರು ವಾಣಿಜ್ಯ ನಗರಿಯಾಗಿ ಬೆಳೆಯಿತು. ಈ ಊರು ಬೆಳೆಯುತ್ತ ಹೋದಂತೆ ಹಲವು ದೇಶ, ರಾಜ್ಯ, ಜಿಲ್ಲೆಗಳ ಜನರು, ಭಾಷಿಕರು, ಉದ್ಯಮಿಗಳು, ವಿದ್ವಾಂಸರು, ಸಾಹಿತಿಗಳು, ಪಂಡಿತರು, ರೌಡಿಗಳು... ಹೀಗೆ ಹಲವಾರು ರೀತಿಯ ಜನರನ್ನು ಒಳಗೊಳತ್ತ ಸಾಗಿತು. ಹಣದ ಹರಿದಾಟವೂ ಹೆಚ್ಚಿತು. ಇಲ್ಲಿಯ ಹಲವು ಪ್ರದೇಶಗಳ ಹೆಸರು ಕೇಳಿದರೆ ಇಂದಿಗೂ ಭೀತಿ ತಲೆದೋರುತ್ತದೆ. ಹುಬ್ಬಳ್ಳಿ ಬೆಳೆಯುತ್ತಿದ್ದಂತೆ ರೌಡಿಗಳ ಬಳಕೆ, ಸ್ವೇಚ್ಛಾಚಾರ, ಧಮಕಿ, ಕೊಲೆ, ಸುಪಾರಿಯಂಥ ಕೃತ್ಯಗಳು ಮೇರೆ ಮೀರಿದವು. ಇದೇ ಕಾರಣಕ್ಕೆ ಹುಬ್ಬಳ್ಳಿ ‘ಛೋಟಾ ಬಾಂಬೆ’ ಖ್ಯಾತಿ ಪಡೆಯಿತು. ಇದೇ ಹೆಸರನ್ನು 15 ವರ್ಷಗಳ ಹಿಂದೆ ನೋಂದಣಿ ಮಾಡಿಸಿ ಚಲನಚಿತ್ರ ನಿರ್ವಿುಸಲು ಉದ್ದೇಶಿಸಲಾಗಿತ್ತು. ಈಗ ನಿರ್ವಣವೆಲ್ಲ ಪೂರ್ಣಗೊಂಡು ಬಿಡುಗಡೆಯ ಹಂತ ತಲುಪಿದೆ. ಈಗ ಇದಕ್ಕೆ ಕರೊನಾ ಸೋಂಕಿನ ಪರದೆ ಅಡ್ಡಿಯಾಗಿದೆ ಅಷ್ಟೇ.
