ಮದಗಜದಲ್ಲಿ ಕಥಾನಾಯಕನ ಹುಟ್ಟೂರೇ ಕಾಶಿ: ‘ನಮ್ಮ ಚಿತ್ರದ ಕಥಾನಾಯಕನ ಹುಟ್ಟೂರೇ ಕಾಶಿ. ಹಾಗಾಗಿ ನಮ್ಮ ಇಡೀ ಸಿನಿಮಾದ ಕಥೆ ಶುರುವಾಗುವುದೇ ಅಲ್ಲಿಂದ. ಹಾಗಾದರೆ ಕಾಶಿಗೂ ಕರ್ನಾಟಕಕ್ಕೂ ಎಲ್ಲಿಂದ ಎಲ್ಲಿಯ ಸಂಬಂಧ? ಅದನ್ನು ‘ಮದಗಜ’ ಸಿನಿಮಾದಲ್ಲಿಯೇ ಹೇಳಿದ್ದಾರಂತೆ ನಿರ್ದೇಶಕ ಮಹೇಶ್ ಕುಮಾರ್. ‘ರೋರಿಂಗ್ ಸ್ಟಾರ್’ ಶ್ರೀಮುರಳಿ ನಾಯಕತ್ವದ ‘ಮದಗಜ’ ಸಿನಿಮಾ ಶೂಟಿಂಗ್ ಹಂತದಲ್ಲಿದೆ. ವಿಶೇಷ ಏನೆಂದರೆ, ಚಿತ್ರದ ಶೇ. 25 ಭಾಗ ಕಾಶಿಯಲ್ಲಿ ಚಿತ್ರೀಕರಣ ಮಾಡಿಕೊಂಡಿದೆ ಚಿತ್ರತಂಡ. ‘ಕಥೆ ಹೆಣೆಯುವ ಕೆಲಸ ಶುರುವಾದ ಮೇಲೆ ನನ್ನ ಗಮನಕ್ಕೆ ಬಂದಿದ್ದು ಕಾಶಿ. ಕಥೆ ಡಿಮಾಂಡ್ ಮಾಡಿದ್ದರಿಂದ ಅಲ್ಲಿನ ಹಲವು ಪ್ರಸಿದ್ಧ ಲೊಕೇಷನ್ಗಳಲ್ಲಿ ಶೂಟಿಂಗ್ ಮಾಡಿರುವುದಷ್ಟೇ ಅಲ್ಲ, ಚಿತ್ರ ಆರಂಭವಾಗುವುದು ಅಲ್ಲಿಂದಲೇ. ಜಗತ್ತಿನ ಯಾವ ಮೂಲೆಯಲ್ಲೂ ಕಾಣಿಸದ ಎಷ್ಟೋ ಸತ್ಯಗಳು ಅಲ್ಲಿ ಗೋಚರವಾಗುತ್ತವೆ. ಅವೆಲ್ಲವುಗಳನ್ನು ಸಿನಿಮಾದಲ್ಲಿ ಮಿಶ್ರಣ ಮಾಡಿದ್ದೇವೆ’ ಎನ್ನುವ ಮಹೇಶ್, 15 ದಿನ ಕಾಶಿಯಲ್ಲಿ ತಂಗಿದ್ದು, ದೃಶ್ಯಗಳನ್ನು ಸೆರೆಹಿಡಿದು ಆಗಮಿಸಿದ್ದಾರೆ.
ಹಿಂದಿ ಬ್ಯಾಕ್ಡ್ರಾಪ್ನಲ್ಲಿ ಡಾಲಿ: ಪ್ರಭು ಶ್ರೀನಿವಾಸ್ ನಿರ್ದೇಶನದಲ್ಲಿ ಯೋಗೇಶ್ ನಾರಾಯಣ್ ನಿರ್ವಣದಲ್ಲಿ ಮೂಡಿಬರುತ್ತಿರುವ ‘ಡಾಲಿ’ ಸಿನಿಮಾ ಚಿತ್ರೀಕರಣಕ್ಕೆ ಉತ್ತರ ಪ್ರದೇಶವನ್ನೇ ಆಯ್ದುಕೊಂಡಿದೆ. ಧನಂಜಯ ನಾಯಕತ್ವದ ‘ಡಾಲಿ’ ಸಿನಿಮಾದಲ್ಲಿ ಕೇವಲ ಲಕ್ನೋ, ವಾರಾಣಸಿಯನ್ನಷ್ಟೇ ಸೆರೆಹಿಡಿಯಲಾಗಿಲ್ಲ. ಆಗ್ರಾ, ಹರಿದ್ವಾರದ ಹಲವು ಲೊಕೇಷನ್ಗಳನ್ನು ಬಳಸಿಕೊಳ್ಳಲಾಗಿದೆ. ‘ಉತ್ತರ ಭಾರತದ ಹಲವೆಡೆಗಳಿಂದ ‘ಡಾಲಿ’ ಸಿನಿಮಾ ತೆರೆದುಕೊಳ್ಳಲಿದೆ. ಒಟ್ಟಾರೆ, 15 ದಿನಗಳ ಕಾಲ ಉತ್ತರ ಪ್ರದೇಶದ ಹಲವೆಡೆ ಶೂಟಿಂಗ್ ಮಾಡಿಕೊಂಡಿದ್ದೇವೆ. ಚಿತ್ರಕ್ಕೆ ಹಿಂದಿ ಬ್ಯಾಕ್ಡ್ರಾಪ್ ಬೇಕಿತ್ತು. ಹಾಗಂತ ಹಿಂದಿ ಭಾಷೆ ಮಾತನಾಡುವ ಸಾಕಷ್ಟು ರಾಜ್ಯಗಳಿದ್ದರೂ, ಉತ್ತರ ಪ್ರದೇಶ ಕೊಂಚ ಹೊಸತೆನಿಸಿತು. ಹಾಗಾಗಿ ‘ಡಾಲಿ’ ಚಿತ್ರೀಕರಣಕ್ಕೆ ಸೂಕ್ತ ಎಂದು ಆಯ್ದುಕೊಂಡೆವು. ಜತೆಗೆ ಇದೊಂದು ಪಯಣದ ಸುತ್ತ ಸಾಗುವ ಸಿನಿಮಾ ಆಗಿರುವುದರಿಂದ ಅಲ್ಲಿನ ಪ್ರದೇಶಗಳನ್ನು ಆಯ್ದುಕೊಂಡೆವು’ ಎನ್ನುತ್ತಾರೆ ಚಿತ್ರದ ನಿರ್ವಪಕ ಯೋಗೇಶ್ ನಾರಾಯಣ್. ಸದ್ಯ ಮೊದಲ ಹಂತದ ಶೂಟಿಂಗ್ ಮುಗಿಸಿಕೊಂಡಿರುವ ಚಿತ್ರತಂಡ, ಇನ್ನೂ ಐದಾರು ದಿನಗಳ ಕಾಲ ಮತ್ತೆ ಉತ್ತರ ಪ್ರದೇಶಕ್ಕೆ ಹೋಗಲು ಪ್ಲಾ್ಯನ್ ಹಾಕಿಕೊಂಡಿದೆ.
